ಆದ್ಯತ್‌ರ ಪುಸ್ತಕ 21:10 - ಕೊಡವ ಬೈಬಲ್

¹⁰ ಅಬ್ರಹಾಮನ ನೋಟಿತ್: ಆ ಪಣಿಕಾರ್ತಿನ ಪಿಂಞ ಅವಡ ಮೋಂವೊನ ಇಲ್ಲಿಂಜ ಓಡ್‌ಚಿಡ್. ಅವಡ ಮೋಂವೊ ಏದ್‌ ಕಾಲಕು ನಾಡ ಮೋಂವೊ ಇಸಾಕಂಡ ಕೂಡೆ ಬಾದ್ಯತೆಕಾರನಾತಿಪ್ಪಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:11

ಅದ್‌ಂಗ್‌ ಅಬ್ರಹಾಮ: ಈ ಜಾಗತ್‌ರ ಜನಕ್‌ ಕಂಡಿತವಾಯಿತ್‌ ದೇವಡ ಪೋಡಿಯಿಲ್ಲೆ. ನಾಡ ಪೊಣ್ಣ್‌ರಗುಂಡ್‌ ನನ್ನ ಕೊಲ್ಲ್‌ವಾಂದ್‌ ನಾನ್‌ ಗೇನ ಮಾಡ್‌ನ.

ಆದ್ಯತ್‌ರ ಪುಸ್ತಕ 22:10

ಪಿಂಞ ಅಬ್ರಹಾಮ ತಾಂಡ ಮೋಂವೊನ ಕೆತ್ತ್‌ವಕಾಯಿತ್‌ ತಾಂಡ ಕೈಯಿನ ನ್‍ೕಟಿತ್, ಕತ್ತಿನ ಎಡ್‍ತತ್.

ಆದ್ಯತ್‌ರ ಪುಸ್ತಕ 25:19

ಅಬ್ರಹಾಮಂಡ ಮೊಂವೊನಾನ ಇಸಾಕಂಡ ವಂಶಾವಳಿ. ಅಬ್ರಹಾಮ ಇಸಾಕನ ಪೆತ್ತತ್.

ಆದ್ಯತ್‌ರ ಪುಸ್ತಕ 25:6

ಅಬ್ರಹಾಮ ಬದ್‌ಕಿಯಂಡಿಪ್ಪ ಕಾಲತ್‌ಲೇ, ತಾಂಡ ಉಪ ಪೊಣ್ಣ್‌ಕ್ ಪುಟ್ಟ್‌ನ ಕ್‌ಣ್ಣ್‌ ಮಕ್ಕಕ್‌ ಇನಾಮ್‌ನ ಕೊಡ್‌ತಿತ್‌ ತಾಂಡ ಮೋಂವೊ ಇಸಾಕಡಿಂಜ ಕ್‍ೕಕ್‌ ದಿಕ್ಕ್‌ಲ್‌ ಕ್‍ೕಕ್‌ ದೇಶಕ್‌ ಅಯಿಚತ್.

ಜ್ಞಾನತ್‌ರ ಪಡಿಮ 22:10

ಪರಿಹಾಸ ಮಾಡ್‌ವಂವೊನ ದೌತ್. ಅಕ್ಕ ಜಗಳ ತೊಲಗುವ. ವಾದ ಆಡ್‌ ಅವಮಾನ ಆಡ್‌ ಇಲ್ಲತೆ ಆಪ.

ಮತ್ತಾಯ 22:13

ಅಕ್ಕ ರಾಜ ಅಂವೊಂಡ ಆಳ್‍ವಕ್, ಅಂವೊಂಡ ಕೈಕಾಲ್ ಕೆಟ್ಟ್‌ವಂಜಿ ಅಂವೊನ ಪೊರಮೆ ಇರ್‌ಟ್‌ಲ್ ಇಡಿ, ಅಲ್ಲಿ ಅಂವೊ ಪಲ್ಲ್‌ಕಡ್‌ಚಂಡ್ ಗೋಳಾಡಿಯಂಡ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 8:35

ಅಡಿಯಾಳ್ ಎಕ್ಕಾಲು ಮನೆಲ್ ಇಪ್ಪುಲೆ, ಆಚೇಂಗಿ ಮೋಂವೊ ಎಕ್ಕಾಲು ಮನೆಲ್ ಇಪ್ಪ.

ಗಲಾತ್ಯ 3:18

ಅದಲ್ಲತೆ ದೇವಡ ಬಾದ್ಯತೆ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಕ್ ಮಾತ್ರ ಕ್‍ಟ್ಟ್‌ಚೇಂಗಿ, ಅದ್ ದೇವಡ ವಾಗ್ದಾನತ್‍ರಗುಂಡ್ ಕ್‍ಟ್ಟ್‌ನದಾಯಿತ್ ಆಪಕಿಂಜಿಲೆ. ಆಚೇಂಗಿ ದೇವ ಕೃಪೆಯಾಯಿತ್ ಇದ್‍ನ ಅಬ್ರಹಾಮಂಗ್ ವಾಗ್ದಾನವಾಯಿತ್ ಕೊಡ್‍ತತ್.

ಗಲಾತ್ಯ 4:7

ಆನಗುಂಡ್ ಇಂಞು ಮಿಂಞಕ್ ನಿಂಗ ದಾರೂ ಅಡಿಯಾಳಾಯಿತ್ ಇಲ್ಲತೆ, ದೇವಡ ಮಕ್ಕಳಾಯಿತುಳ್ಳಿರ; ನಿಂಗ ದೇವಡ ಮಕ್ಕಾಂದ್ ಎಣ್ಣ್‌ಚೇಂಗಿ, ಕ್ರಿಸ್ತನಗುಂಡ್ ದೇವಡ ಹಕ್ಕ್‌ದಾರಂಗಳಾಯಿತ್ ಉಳ್ಳಿರ.

1 ಪೇತ್ರ 1:4

ಒರ್‌ಕಾಲು ಬಾಡಿ ಪೋಕತ ಅಥವ ನಾಶ ಆಯಿ ಪೋಕತ, ಪಾಳಾಯಿ ಪೋಪಕ್ ಕಯ್ಯತ ಬಾದ್ಯತೇನ ಪರಲೋಕತ್‍ಲ್ ನಂಗಕಾಯಿತ್ ಬೆಚ್ಚಿತುಂಡ್.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.