ಆದ್ಯತ್‌ರ ಪುಸ್ತಕ 21:1 - ಕೊಡವ ಬೈಬಲ್

¹ ಯೆಹೋವ ಎಣ್ಣ್‌ನನೆಕೆ ಅಂವೊ ಸಾರಳಡ ಮೇಲೆ ಕನಿಕರ ಕಾಟ್‌ಚಿ. ಯೆಹೋವ ಅವಕ್‌ ಕೊಡ್‌ತ ತಕ್ಕ್‌ನ ನೆರವೇರಿಚಿಟ್ಟತ್.

ಆದ್ಯತ್‌ರ ಪುಸ್ತಕ 21:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:16

ನಾನ್‌ ಅವಳ ಆಶೀರ್ವಾದ ಮಾಡಿತ್, ಅವಡ ಮೂಲಕ ನೀಕ್‌ ಒರ್‌ ಮೋಂವೊನ ತಪ್ಪಿ. ಅವ ದುಂಬ ಜನಾಂಗಕ್‌ ಅವ್ವಳಾಯಿತು, ಅವಡ ಮೂಲಕ ಅನೇಕ ಜನಾಂಗತ್‌ರ ರಾಜಂಗಳ ಪುಟ್ಟ್‌ಚಿಟ್ಟಿತು, ಅವಳ ಆಶೀರ್ವಾದ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:10

ಅಕ್ಕ ಅಯಿಂಗಡಲ್ಲಿ ಒಬ್ಬ: ನಾನ್‌ ಕಂಡಿತವಾಯಿತು ಬಪ್ಪ ಕಾಲ ಈ ಸಮಯತ್‌ಲ್‌ ನೀಡಲ್ಲಿಕ್‌ ಬಪ್ಪಿ; ಅಕ್ಕ ನೀಡ ಪೊಣ್ಣ್‌ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ. ಸಾರಳ ಅಂವೊಂಡ ಬಯ್ಯತ್‌ ಗುಡಾರತ್‌ರ ಪಡಿರ ಬರಿಲ್‌ ನಿಂದಂಡ್‌ ಈ ತಕ್ಕ್‌ನ ಕ್‍ೕಟಡಿಂಜತ್.

ಆದ್ಯತ್‌ರ ಪುಸ್ತಕ 18:14

ಯೆಹೋವಂಗ್‌ ಕಯ್ಯತ್ತದ್‌ ಎಂತದೇಂಗಿ ಉಂಡಾ? ನಾನ್‌ ಎಣ್ಣ್‌ನನೆಕೆ ಬಪ್ಪ ಕಾಲತ್‌ ಇದೇ ಸಮಯಕ್‌ ತಿರಿತ್‌ ಬಪ್ಪಿ; ಅಕ್ಕ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:36

ನಾಡ ಎಜಮಾನಂಡ ಪೊಣ್ಣ್‌ ಸಾರಳ ವಯಸ್ಸಾಯಿತ್‌ಪ್ಪಕ ನಾಡ ಎಜಮಾನಂಗ್‌ ಒರ್‌ ಮೋಂವೊನ ಪೆತ್ತತ್. ಆ ಮೋಂವೊಂಗ್‌ ನಾಡ ಎಜಮಾನ ತಾಂಗ್‌ ಸ್ವಂತವಾನದ್‌ನ ಎಲ್ಲಾ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 50:24

ಯೋಸೇಫ ತಾಂಡ ಅಣ್ಣತಮ್ಮಣಂಗಕ್: ನಾನ್‌ ಚಾವಕ್‌ ಉಳ್ಳ. ಆಚೇಂಗಿ ದೇವ ನಿಂಗಳ ಕಾಂಬಕ್‌ ಬಂದಿತ್, ನಿಂಗ ಈ ದೇಶತ್‌ನ ಬುಟ್ಟಿತ್, ದೇವ ಅಬ್ರಹಾಮಂಗ್, ಇಸಾಕಂಗ್‌ ಪಿಂಞ ಯಾಕೋಬಂಗ್‌ ವಾಗ್ದಾನ ಮಾಡ್‌ನ ದೇಶಕ್‌ ಪೋಪಕ್‌ ಮಾಡ್‌ವಾಂದ್‌ ನಿಂಗಕ್‌ ಗೊತ್ತಿರಡ್.

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:68

ಇಸ್ರಾಯೇಲ್‍ರ ದೇವನಾನ ಒಡೆಯಂಗ್ ತುದಿ ಆಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಬಂದಿತ್ ಅಂವೊಂಡ ಜನತ್‍ನ ಬುಡ್‍ಗಡೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:44

ನಿನ್ನ ಪೂರ್ತಿ ನಾಶ ಮಾಡ್‌ವ, ನೀಡ ಗೋಡೆರ ಒಳ್‍ಲ್ ನಿನ್ನ, ನೀಡ ಮಕ್ಕಳ ನಾಶ ಮಾಡಿತ್, ಈ ಗೋಡೆರ ಒರ್ ಕಲ್ಲ್‌ರ ಮೇಲೆ ಒರ್ ಕಲ್ಲ್ ಇಲ್ಲತನೆಕೆ ಮಾಡ್‌ವಾಂದ್ ಎಣ್ಣ್‌ಚಿ.

ಗಲಾತ್ಯ 4:23

ಅಂವೊಂಡ ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ, ಮನುಷ್ಯಂಡ ಪ್ರಯತ್ನತ್‍ನಗುಂಡ್ ಪುಟ್ಟ್‌ಚಿ. ಆಚೇಂಗಿ ಸ್ವಾವಂತ್ರವಾನ ಅಂವೊಂಡ ಪೊಣ್ಣ್‌ಕ್ ಪುಟ್ಟ್‌ನಂವೊ, ದೇವಡ ವಾಗ್ದಾನತ್‍ನ ಪೂರ್ತಿ ಮಾಡ್‌ವನೆಕೆ ಪುಟ್ಟ್‌ಚಿ.

ಗಲಾತ್ಯ 4:28

ನಾಡ ಅಣ್ಣತಮ್ಮಣಂಗಳೇ, ಇಸಾಕರನೆಕೆ ನಂಗೆಲ್ಲಾರು ದೇವಡ ವಾಗ್ದಾನತ್‍ರ ಮಕ್ಕಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.