Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ಆದ್ಯತ್‌ರ ಪುಸ್ತಕ 20:7 - ಕೊಡವ ಬೈಬಲ್

7 ಇಕ್ಕ ನೀನ್‌ ಆ ಮನುಷ್ಯಂಡ ಪೊಣ್ಣ್‌ನ ತಿರಿತ್‌ ಅಂವೊಂಡ ಪಕ್ಕ ಅಯಿಚಿರ್. ಅಂವೊ ಒರ್‌ ಪ್ರವಾದಿ; ಅಂವೊ ನೀಕಾಯಿತ್‌ ಪ್ರಾರ್ಥನೆ ಮಾಡುವ, ನೀನ್‌ ಬದ್‌ಕ್‌ವಿಯ; ನೀನ್‌ ಅವಳ ತಿರಿತ್‌ ಅಂವೊಂಡ ಪಕ್ಕ ಅಯಿಕತೆ ಪೋಚೇಂಗಿ, ನೀನ್‌ ಪಿಂಞ ನೀಡ ಎಲ್ಲಾ ಮನೆಕಾರಂಗ ನೇರಾಯಿತು ಚತ್ತ್‌ ಪೋಪಾಂದ್‌ ಸ್ವಪ್ನತ್‌ಲ್‌ ಎಣ್ಣ್‌ಚಿ.

အခန်းကိုကြည့်ပါ။ ကော်ပီ




ಆದ್ಯತ್‌ರ ಪುಸ್ತಕ 20:7
42 ပူးပေါင်းရင်းမြစ်များ  

ಫರೋಹನಂಡ ಅದಿಕಾರಿಯ ಅವಳ ಕಂಡಿತ್‌ ಫರೋಹನಂಡ ಮಿಂಞತ್‌ಲ್‌ ಅವಳ ಕೊಂಡಾಡ್‌ಚಿ. ಅಕ್ಕ ಆ ಪೊಣ್ಣಾಳ್‌ನ ಫರೋಹನಂಡ ಅರಮನೆಕ್‌ ಕಾಕಿಯಂಡ್‌ ಪೋಚಿ.


ಆಚೇಂಗಿ ಯೆಹೋವ ಅಬ್ರಹಾಮಂಡ ಪೊಣ್ಣಾನ ಸಾರಯಳಗುಂಡ್‌ ಫರೋಹನ ಪಿಂಞ ಅಂವೊಂಡ ಮನೆಕಾರಕ್‌ ಬಲ್ಯ ಬಾದೆ ಕೊಡ್‌ತಿತ್‌ ಕಷ್ಟ ಬಪ್ಪ್‌ಚಿಟ್ಟತ್.


ಆಚೇಂಗಿ ನಲ್ಲದ್‌ ಪಿಂಞ ಕೆಟ್ಟದ್‌ ಏದ್‌ಂದ್‌ ಅರಿವ್‌ ತಪ್ಪ ಮರತ್‌ರ ಪಣ್ಣ್‌ನ ಮಾತ್‌ರ ನೀನ್‌ ತಿಂಬಕ್ಕಾಗ. ಆ ಪಣ್ಣ್‌ನ ತಿಂದ ಅದೇ ಗಳಿಗೇಲ್‌ ನೀನ್‌ ಚತ್ತ್‌ ಪೋಪಿಯಾಂದ್‌ ಎಚ್ಚರಿಕೆ ಮಾಡ್‌ಚಿ.


ಆಚೇಂಗಿ ಬಯಿಟ್ ದೇವ ಅಬೀಮೆಲೆಕಂಡ ಸ್ವಪ್ನತ್‌ಲ್‌ ಬಂದಿತ್: ಆ ಪೊಣ್ಣಾಳ್‌ನಗುಂಡ್‌ ನೀನ್‌ ಚಾವಿಯ. ಅವ ಬೋರೆ ಒಬ್ಬಂಡ ಪೊಣ್ಣಾಯಿತ್‌ ಉಂಡಲ್ಲಾಂದ್‌ ಎಣ್ಣ್‌ಚಿ.


ಆನಗುಂಡ್‌ ಅಬೀಮೆಲೆಕ ಪೊಲಾಕ ಬೆರಿಯ ಎದ್ದಿತ್‌ ತಾಂಡ ಪಣಿಕಾರಳ ಕಾಕಿತ್, ಈ ವಿಷಯತ್‌ನೆಲ್ಲಾ ಅಯಿಂಗಕ್‌ ಎಣ್ಣ್‌ವಕ, ಅಯಿಂಗಕ್‌ ದುಂಬ ಪೋಡಿಯಾಚಿ.


ಸ್ವಾಮಿ ನಂಗಡ ತಕ್ಕ್‌ನ ಕ್‍ೕಳ್. ನೀನ್‌ ನಂಗಡ ಮದ್ಯತ್‌ ಬಲ್ಯ ರಾಜಕುಮಾರನಾಯಿತುಳ್ಳಿಯ. ಚತ್ತ್‌ಪೋಯಿತುಳ್ಳ ನೀಡ ಪೊಣ್ಣ್‌ರ ಚಾವ್‌ ತಡಿನ ನಂಗಡಲ್ಲಿ ಉಳ್ಳ ಗೋರಿಲ್, ವಿಶೇಷವಾನ ಗೋರಿಲ್‌ ಬೆಯ್ಯಿ. ನೀಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಂಗಡ ಜನ ದಾರೂ ಅಡ್ಡ ಬಪ್ಪ್‌ಲೇಂದ್‌ ಎಣ್ಣ್‌ಚಿ.


ಅದ್ಂಗ್ ಸೀಮೋನ: ನಿಂಗ ಎಣ್ಣ್‌ನ ಒರ್ ವಿಷಯವು ನಾಡ ಮೇಲೆ ಬಕ್ಕತನೆಕೆ, ನಾಕಾಯಿತ್ ಒಡೆಯಂಡ ಪಕ್ಕ ಬೋಡಿಯೊಳೀಂದ್ ಎಣ್ಣ್‌ಚಿ.


ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ, ಅಂವೊ ಬಕ್ತಿಲ್ ಬೊಳಿಯುವನೆಕೆ ಮಾಡ್‌ವ. ಆಚೇಂಗಿ, ಪ್ರವಾದನೆ ಎಣ್ಣ್‌ವಂವೊ, ಇಡೀ ಸಬೆ ಬಕ್ತಿಲ್ ಬೊಳಿಯುವನೆಕೆ ಮಾಡ್‌ವ.


ಪಂಡ್ ಕಾಲತ್‍ಲ್ ದೇವ ನಂಗಡ ಮುತ್ತಜ್ಜಂಗಡ ಕೂಡೆ ಪ್ರವಾದಿಯಂಗಡ ಮೂಲಕ ಬೋರೆ ಬೋರೆ ಸಮಯತ್‍ಲ್ ಬೋರೆ ಬೋರೆ ರೀತಿಲ್ ತಕ್ಕ್ ಪರ್ಂದಂಡಿಂಜತ್.


ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.


ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ತಾಂಡ ಅಣ್ಣತಮ್ಮಣನ ನಿಂಗ ಕಂಡತೇಂಗಿ, ನಿಂಗ ಅಂವೊಂಗ್ ಜೀವ ತಪ್ಪ ದೇವಡ ಪಕ್ಕ ಅಂವೊಂಗಾಯಿತ್ ಬೋಡಂಡು. ಇದ್ ದಾರ್‌ಕ್ ಎಣ್ಣ್‌ಚೇಂಗಿ, ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ಅಣ್ಣತಮ್ಮಣನಂಗಕ್. ಆಚೇಂಗಿ ಚಾವ್‍ಕ್ ಕಾರಣವಾನ ಪಾಪವು ಉಂಡ್, ಅದ್ಂಗಾಯಿತ್ ನಿಂಗ ದೇವಡ ಪಕ್ಕ ಪ್ರಾರ್ತಥನೆ ಮಾಡಂಡೂಂದ್ ನಾನ್ ಎಣ್ಣುಲೆ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ