ಆದ್ಯತ್‌ರ ಪುಸ್ತಕ 20:5 - ಕೊಡವ ಬೈಬಲ್

⁵ ಅಂವೊ ಇವಳ ತಾಂಡ ತಂಗೇಂದ್‌ ಎಣ್ಣಿಚಲ್ಲಾ? ಇವಳು ಅಂವೊನ ತಾಂಡ ಅಣ್ಣಾಂದ್‌ ಎಣ್ಣಿಚಲ್ಲಾ? ನಾನ್‌ ಇದ್‌ನ ನಲ್ಲ ಮನಸ್ಸ್‌ಲ್‌ ಪಿಂಞ ಶುದ್ದ ಕೈಯಿಲ್‌ ಮಾಡಿಯೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:13

ಆಂಗಾಯಿತ್‌ ನೀಡಗುಂಡ್‌ ನಾಕ್‍ ನಲ್ಲದ್‌ ಆಪಕಾಯಿತು, ನೀಡಗುಂಡ್‌ ನಾನ್‌ ಚಾವತೆ ಬದ್‌ಕ್‌ವಕಾಯಿತು ದಯಬೆಚ್ಚಿತ್‌ ನೀನ್‌ ನಾಡ ತಂಗೇಂದ್‌ ಅಯಿಂಗಡ ಪಕ್ಕ ಎಣ್ಣ್‌ಂದ್‌ ಅಂವೊ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:13

ದೇವ ನಂಗಳ ನಂಗಡ ಅಪ್ಪಂಡ ಮನೆಯಿಂಜ ದೂರ ಕಾಕಿಯಂಡ್‌ ಬಪ್ಪಕ, ನಾನ್‌ ಅವಕ್: ನಂಗ ಪೋಪ ಜಾಗತ್‌ಲೆಲ್ಲ ನೀನ್‌ ನನ್ನ ಅಣ್ಣಾಂದ್‌ ಎಣ್ಣಿತ್‌ ನಾಕ್‍ ದಯೆ ಮಾಡ್‍ೕಂದ್‌ ನಾನ್‌ ಅವಡ ಪಕ್ಕ ಎಣ್ಣಿತ್‌ಂಜ್ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:16

ಪಿಂಞ ಸಾರಳನ ನೋಟಿತ್: ನೋಟ್ ನೀಡ ಅಣ್ಣಂಗ್‌ ಆಯಿರ ಬೊಳ್ಳಿರ ನಾಣ್ಯತ್‌ನ ಕೊಡ್‌ತ್ತಿಯೆ. ನೀಕ್‌ ನಾನ್‌ ಎಂತಾಚೇಂಗಿ ತಪ್ಪ್‌ ಮಾಡಿತುಂಡೇಂಗಿ ಅದ್‌ನ ಸರಿಪಡ್‌ತ್‌ವಕ್‌ ಕೊಡ್‌ತಂಡುಳ್ಳ. ಇದ್‌ ನಾಡ ವಿರುದ್ದ ನೀಕ್‌ ಎಂತೇಂಗಿ ಹಕ್ಕ್‌ ಉಂಡೇಂಗಿ ಅದ್‌ ಪೂರ್ತಿ ಆಪ. ನೀಡ ಮರ್ಯಾದೆ ಉಳಿಯುವಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 11:3

ನೀತಿವಂತಯಿಂಗಡ ಸತ್ಯತ್‌ರ ಗುಣ ಅಯಿಂಗಳ ನಡ್‌ತ್‌ವ. ಆಚೇಂಗಿ ದ್ರೋಹಿಯಡ ಕಪಟತನ ಅಯಿಂಗಳ ನಾಶ ಮಾಡಿರ್ವ.

ಜ್ಞಾನತ್‌ರ ಪಡಿಮ 20:7

ನೀತಿವಂತಂವೊ ಸತ್ಯತ್‌ಲ್‌ ಜೀವನ ಮಾಡುವ. ಅಯಿಂಗಡ ಕಾಲ ಆನ ಪಿಂಞ ಅಂವೊಂಡ ಮಕ್ಕ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

1 ಥೆಸಲೊನೀಕ 2:10

ದೇವಡ ಮೇಲೆ ನಂಬಿಕೆ ಬೆಚ್ಚ ನಿಂಗಡ ಮದ್ಯತ್‍ಲ್, ನಂಗ ಎಚ್ಚಕ್ ಪವಿತ್ರತ್‍ಲು, ನೀತಿಲು, ತಪ್ಪಿಲ್ಲತಯಿಂಗಳಾಯಿತು ನಡ್ಂದತ್‍ೕಂದ್ ನಿಂಗಳು ಪಿಂಞ ದೇವನು ಸಾಕ್ಷಿಯಾಯಿತುಳ್ಳಿರ.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.