ಆದ್ಯತ್‌ರ ಪುಸ್ತಕ 20:3 - ಕೊಡವ ಬೈಬಲ್

³ ಆಚೇಂಗಿ ಬಯಿಟ್ ದೇವ ಅಬೀಮೆಲೆಕಂಡ ಸ್ವಪ್ನತ್‌ಲ್‌ ಬಂದಿತ್: ಆ ಪೊಣ್ಣಾಳ್‌ನಗುಂಡ್‌ ನೀನ್‌ ಚಾವಿಯ. ಅವ ಬೋರೆ ಒಬ್ಬಂಡ ಪೊಣ್ಣಾಯಿತ್‌ ಉಂಡಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 20:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:17

ಆಚೇಂಗಿ ಯೆಹೋವ ಅಬ್ರಹಾಮಂಡ ಪೊಣ್ಣಾನ ಸಾರಯಳಗುಂಡ್‌ ಫರೋಹನ ಪಿಂಞ ಅಂವೊಂಡ ಮನೆಕಾರಕ್‌ ಬಲ್ಯ ಬಾದೆ ಕೊಡ್‌ತಿತ್‌ ಕಷ್ಟ ಬಪ್ಪ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 12:18

ಅಕ್ಕ ಫರೋಹನ ಅಬ್ರಾಮನ ಕಾಕಿತ್: ನೀನ್‌ ಎನ್ನಂಗ್‌ ನಾಕ್‍ ಇನ್ನನೆ ಮಾಡಿಯ? ಇವ ನೀಡ ಪೊಣ್ಣ್‌ಂದ್‌ ನಾಕ್‍ ಎನ್ನಂಗ್‌ ಎಣ್ಣಿತ್‌ಲ್ಲೆ?

ಆದ್ಯತ್‌ರ ಪುಸ್ತಕ 20:7

ಇಕ್ಕ ನೀನ್‌ ಆ ಮನುಷ್ಯಂಡ ಪೊಣ್ಣ್‌ನ ತಿರಿತ್‌ ಅಂವೊಂಡ ಪಕ್ಕ ಅಯಿಚಿರ್. ಅಂವೊ ಒರ್‌ ಪ್ರವಾದಿ; ಅಂವೊ ನೀಕಾಯಿತ್‌ ಪ್ರಾರ್ಥನೆ ಮಾಡುವ, ನೀನ್‌ ಬದ್‌ಕ್‌ವಿಯ; ನೀನ್‌ ಅವಳ ತಿರಿತ್‌ ಅಂವೊಂಡ ಪಕ್ಕ ಅಯಿಕತೆ ಪೋಚೇಂಗಿ, ನೀನ್‌ ಪಿಂಞ ನೀಡ ಎಲ್ಲಾ ಮನೆಕಾರಂಗ ನೇರಾಯಿತು ಚತ್ತ್‌ ಪೋಪಾಂದ್‌ ಸ್ವಪ್ನತ್‌ಲ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:12

ಅಂವೊ ಅಲ್ಲಿ ವರಿಯಂಡಿಪ್ಪಕ, ಒರ್‌ ಸ್ವಪ್ನ ಕಂಡತ್. ಆ ಸ್ವಪ್ನತ್‌ಲ್‌ ಬೂಮಿಯಿಂಜ ಸ್ವರ್‌ಗಕ್‌ ಮುಟ್ಟ್‌ವನೆಕೆ ಒರ್‌ ಮೊಟ್ಟ್‌ನ ಕಂಡತ್. ಅದ್‌ಲ್‌ ದೇವದೂತಂಗ ಕೊಡಿಕು ಅಡಿಕು ಪೋಪದ್‌ ಬಪ್ಪದ್‌ನ ಕಂಡತ್.

ಆದ್ಯತ್‌ರ ಪುಸ್ತಕ 31:24

ಆಚೇಂಗಿ ಅಂದ್‌ ಬಯಿಟ್ ದೇವ ಅರಾಮ್ಯನಾನ ಲಾಬಾನಂಗ್‌ ಸ್ವಪ್ನತ್‌ಲ್‌ ಬಂದಿತ್: ನೀನ್‌ ಯಾಕೋಬಂಡ ಕೂಡೆ ನಲ್ಲದ್‌ನ ಮಾತ್‌ರ ತಕ್ಕ್‌ ಪರಿ, ಕ್‍ೕಡ್‌ ಒಂದು ಎಣ್ಣತನೆಕೆ ಎಚ್ಚರ ಎಡ್‌ತಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:5

ಒರ್‌ ಬಯಿಟ್ ಯೋಸೇಫ ಒರ್‌ ಸ್ವಪ್ನ ಕಂಡಿತ್, ಅದ್‌ನ ತಾಂಡ ಅಣ್ಣತಮ್ಮಣಂಗಕ್‌ ಎಣ್ಣ್‌ಚಿ. ಅಯಿಂಗ ಅದ್‌ನ ಕ್‍ೕಟಿತ್‌ ಅಂವೊನ ಇಂಞು ದುಂಬ ದ್ವೇಶ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 37:9

ಯೋಸೇಫ ಇಂಞೊರ್‌ ಸ್ವಪ್ನ ಕಂಡಿತ್, ತಾಂಡ ಅಣ್ಣಂಗಡ ಪಕ್ಕ ಬಂದಿತ್: ನಾನ್‌ ಇಂಞು ಒರ್‌ ಸ್ವಪ್ನತ್‌ನ ಕಂಡ; ಸೂರ್ಯ ಚಂದ್ರ ಪಿಂಞ ಪನ್ನಂದ್‌ ಬಾನತ್ಮೀನ್‌ ನಾಡ ಮಿಂಞ ಅಡ್ಡ ಬುದ್ದತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 40:5

ಐಗುಪ್ತ ರಾಜಂಗ್‌ ದ್ರಾಕ್ಷಿರಸ ಮಾಡಿ ಕೊಡ್‌ಪಂವೊನು ಅಡಿಗೆ ಮಾಡ್‌ವಂವೊನು ಜೈಲ್‌ಲ್‌ ಇಪ್ಪಕ, ಅಯಿಂಗ ದಂಡಾಲು ಒರೇ ಬಯಿಟ್ ಬೋರೆ ಬೋರೆ ಅರ್ಥ ತಪ್ಪ ಸ್ವಪ್ನ ಕಂಡತ್.

ಆದ್ಯತ್‌ರ ಪುಸ್ತಕ 40:8

ಅದ್‌ಂಗ್‌ ಅಯಿಂಗ: ಕಯಿಂಜ ಬಯಿಟ್ ನಂಗ ದಂಡಾಳು ಸ್ವಪ್ನ ಕಂಡತ್. ಅದ್‌ಂಡ ಅರ್ಥ ಎಣ್ಣಿ ತಪ್ಪಯಿಂಗ ಇಲ್ಲಿ ದಾರು ಇಲ್ಲೆಂದ್‌ ಎಣ್ಣ್‌ಚಿ. ಅಕ್ಕ ಯೋಸೇಫ: ಸ್ವಪ್ನತ್‌ರ ಅರ್ಥ ಎಣ್ಣ್‌ವದ್‌ ದೇವಕ್‌ ಕೂಡ್‌ನದ್‌ಂದ್‌ ನಿಂಗಕ್‌ ಗೊತ್ತಿಲ್ಲಯಾ? ನಿಂಗ ಎಂತ ಕಂಡಿರಾಂದ್‌ ನಾಕ್‍ ಎಣ್ಣೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 46:2

ಅಂದ್‌ ಬಯಿಟ್ ದೇವ ಇಸ್ರಾಯೇಲ್‌ಂಗ್‌ ದರ್ಶನತ್‌ಲ್‌ ಅಂವೊನ ಕಾಂಬ್‌ಚಿಟ್ಟಿತ್: ಯಾಕೋಬನೇ ಯಾಕೋಬನೇಂದ್‌ ಕಾಕ್‌ಚಿ. ಅಂವೊ: ನಾನ್‌ ಇಲ್ಲಿ ಉಳ್ಳ್ಂದ್‌ ಎಣ್ಣ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:4

ಯೋನ ಆ ಬಲ್ಯ ಪಟ್ಟಣತ್‌ಲ್‌ ಪ್ರವೇಷ ಮಾಡಿತ್, ಒರ್‌ ದಿನ ಪ್ರಯಾಣ ಮಾಡಿತ್: ಇಂಞು ನಾಪ್ಪದ್‌ ದಿವಸತ್‌ಲ್‌ ನಿನೆವೆ ಪಟ್ಟಣ ನಾಶ ಆಪಾಂದ್‌ ಪ್ರಚಾರ ಮಾಡ್‌ಚಿ.

ಮತ್ತಾಯ 1:20

ಯೋಸೇಫ ಇನ್ನನೆ ಗೇನ ಮಾಡಿಯಂಡಿಪ್ಪಕ, ಒರ್ ಒಡೆಯಂಡ ದೂತ ಅಂವೊಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಿತ್: ದಾವೀದಂಡ ಸಂತಾನಕಾರನಾನ ಯೋಸೇಫನೇ, ಮರಿಯಳ ನೀಡ ಪೊಣ್ಣಾಯಿತ್ ಕೂಟಿಯೊಕ್ ನೀಕ್ ಪೋಡಿ ಬೋಂಡ. ಅವ ಪವಿತ್ರಾತ್ಮತ್‍ರ ಮೂಲಕ ಕೆಲಕರ್ತಿ ಆಚಿ.

ಮತ್ತಾಯ 27:19

ಪಿಲಾತ, ನ್ಯಾಯತೀರ್ಪ್ ಕೊಡ್‍ಪ ಜಾಗತ್‍ಲ್ ಅಳ್‌ತಿತ್ ಇಪ್ಪಕ ಪಿಲಾತಂಡ ಪೊಣ್ಣ್ ಅಂವೊಂಗ್: ನೀನ್ ಆ ನೀತಿವಂತಂವೊನ ಒಂದು ಮಾಡತೆ; ಎನ್ನಂಗೆಣ್ಣ್‌ಚೇಂಗಿ ನಿನ್ನಾಂದ್ ಬಯಿಟ್ ಅಂವೊಂಡ ವಿಷಯತ್ ಸ್ವಪ್ನತ್‌ಲ್ ದುಂಬ ಕಷ್ಟಪಟ್ಟಿಯೇಂದ್ ಸುದ್ದಿ ಅಯಿಚತ್.