ಆದ್ಯತ್‌ರ ಪುಸ್ತಕ 2:24 - ಕೊಡವ ಬೈಬಲ್

²⁴ ಈ ಕಾರಣತ್‌ಂಜ ಒರ್‌ ಮನುಷ್ಯ ತಾಂಡ ಅಪ್ಪನ ಅವ್ವನ ಬುಟ್ಟಿತ್, ತಾಂಡ ಪೊಣ್ಣ್‌ರ ಕೂಡೆ ಕೂಡಿತ್, ಅಯಿಂಗ ದಂಡಾಳು ಒರೇ ತಡಿಯಾಯಿತ್ತಿಪ್ಪ.

ಆದ್ಯತ್‌ರ ಪುಸ್ತಕ 2:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:19

ಲೆಮೆಕ, ಆದಾ ಪಿಂಞ ಚಿಲ್ಲಾ ಎಣ್ಣುವ ದಂಡ್‌ ಪೊಣ್ಣಾಳ್‌ನ ಮಂಗಲ ಕಯಿಚತ್.

ಜ್ಞಾನತ್‌ರ ಪಡಿಮ 12:4

ನಲ್ಲ ಗುಣವುಳ್ಳ ಪೊಣ್ಣ್‌ ಅವಡ ವಡಿಯಂಗ್‌ ಕಿರೀಟವಾಯಿತ್‌ಪ್ಪ. ಆಚೇಂಗಿ ಞಾಣ ಇಲ್ಲತ ಪೊಣ್ಣ್‌ ವಡಿಯಂಡ ಮೂಳೆಕ್‌ ಕೀಂಜಿ ಬಂದನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 2:17

ನೊಣೆ ತಕ್ಕ್‌ ಪರ್‌ಂದಿತ್‌ ತಾಂಡ ಬಲೇಕ್‌ ಬೂವನೆಕೆ ಮಾಡುವ. ವ್ಯಬಿಚಾರಿಯಾನ ಇವಡ ಕೈಯಿಂಜ ಜ್ಞಾನ ನಿನ್ನ ಕಾಪಾಡುವ.

ಜ್ಞಾನತ್‌ರ ಪಡಿಮ 31:10

ನಲ್ಲ ಗುಣವುಳ್ಳ ಪೊಣ್ಣ್‌ನ ದಾರ್‌ಕ್‌ ಕಂಡ್‌ಪುಡಿಪಕಯ್ಯು? ಅವ ಮಾಣಿಕ್ಯಕಿಂಜಿ ಬಲ್ಯ ಬೆಲೆ ಉಳ್ಳವ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ರೋಮ್ 7:2

ವಡಿಯ ಉಳ್ಳ ಒರ್ ಪೊಣ್ಣಾಳ್, ಅಂವೊ ಬದ್‍ಕಿಯಂಡಿಪ್ಪಕತ್ತನೆ, ನ್ಯಾಯಪ್ರಮಾಣತ್‍ರ ಪ್ರಕಾರ ಅಂವೊಂಡ ಪೊಣ್ಣಾಯಿತ್ ಮಾತ್ರ ಇಪ್ಪ. ಆಚೇಂಗಿ, ಅವಡ ವಡಿಯ ಚತ್ತ್‌ಪೋನ ಪಿಂಞ, ಅಂವೊಂಡ ಕೂಡೆ ಮಾಡ್‍ನ ಮಂಗಲತ್‍ರ ಪ್ರಮಾಣತ್ಂಜ ಬುಡುಗಡೆ ಆಯಿರುವ.

1 ತಿಮೊಥೆಯ 5:14

ಅದ್ಂಗಾಯಿತ್, ಚೆರಿಯ ವಯಸ್ಸುಳ್ಳ ವಿದವೆಯಂಗ ಪುನಃ ಮಂಗಲ ಕಯಿಚಿತ್, ಮಕ್ಕಳ ಪೆತ್ತಿತ್, ಮನೆರ ಜವಾಬ್ದಾರಿನ ಎಡ್‍ತಂಡ್ ಇರಂಡೂಂದ್ ನಾನ್ ಅಯಿಂಗಕ್ ಬುದ್ದಿ ಎಣ್ಣ್‌ವಿ. ಅನ್ನನೆ ಮಾಡ್‍ನಕ ವಿರೋದಿಯಾನಂವೊ ಕುತ್ತ ಪರಿಯುವಕ್ ಬಟ್ಟೆ ಕ್‍ಟ್ಟ್‌ಲೆ.