ಆದ್ಯತ್‌ರ ಪುಸ್ತಕ 2:16 - ಕೊಡವ ಬೈಬಲ್

¹⁶ ಪಿಂಞ ಯೆಹೋವನಾನ ದೇವ ಆ ಮನುಷ್ಯಂಗ್: ನೀನ್‌ ತೋಟತ್‌ಲ್‌ ಉಳ್ಳ ಎಲ್ಲಾ ಮರತ್‌ರ ಪಣ್ಣ್‌ನ ಏದ್‌ ಅನುಮತಿಯು ಇಲ್ಲತೆ (ಬೋಂಡಿಯೆಚ್ಚಕ್‌) ತಿಂಗಲು;

ಆದ್ಯತ್‌ರ ಪುಸ್ತಕ 2:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:29

ಪಿಂಞ ದೇವ: ಇದಾ! ನಾನ್‌ ಬೂಮಿರ ಮೇಲೆ ಎಲ್ಲಾ ನಾನಾ ತರತ್‌ರ ಕಾಳ್‌ಕಡ್ಡಿಯಳ ಪಿಂಞ ಪಣ್ಣ್‌ ಫಲತ್‌ನ ನಿಂಗಕ್‌ ಉಂಬಕ್‌ ತಂದಿಯೆ.

ಆದ್ಯತ್‌ರ ಪುಸ್ತಕ 2:15

ಯೆಹೋವನಾನ ದೇವ ತಾನ್‌ ಸೃಷ್ಟಿ ಮಾಡ್‌ನ ಮನುಷ್ಯನ ಕಾಕಿಯಂಡ್‌ ಪೋಯಿತ್, ಏದೆನ್‌ ತೋಟತ್‌ಲ್‌ ತೋಟ್ಟ ಪಣಿ ಮಾಡ್‌ವಕು ಅದ್‌ನ ಚಾಯಿ ನೋಟ್ಟುವಕು ಅಲ್ಲಿ ಬೆಚ್ಚತ್.

ಆದ್ಯತ್‌ರ ಪುಸ್ತಕ 2:9

ಅಲ್ಲಿ ಯೆಹೋವನಾನ ದೇವ ಎಲ್ಲಾ ತರತ್‌ರ ಮರಗಿಡಗಳನ ಉಂಟ್ ಮಾಡ್‌ಚಿ. ನೋಟ್‌ವಕ್‌ ಚಾಯಿ ಉಳ್ಳದ್‌ನ ಪಿಂಞ ತಿಂಬಕ್‌ ರಸ ಉಳ್ಳ ಎಲ್ಲಾ ತರತ್‌ರ ಮರತ್‌ನ ಬೂಮಿಯಿಂಜ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ. ಆ ತೋಟತ್‌ರ ಮದ್ಯತ್‌ಲ್‌ ಜೀವ ತಪ್ಪ ಮರ ಪಿಂಞ ನಲ್ಲದ್‌ ಕೆಟ್ಟದ್‌ ಏದ್‌ಂದ್‌ ಅರಿವ್‌ ತಪ್ಪ ಮರತ್‌ನ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 3:3

ಆಚೇಂಗಿ ತೋಟತ್‌ರ ಮದ್ಯತ್‌ಲ್‌ ಉಳ್ಳ ಮರತ್‌ರ ಪಣ್ಣ್‌ನ ಮಾತ್‌ರ ನಂಗ ತಿಂಬಕ್ಕಾಗ. ಅದನ ತಿಂಬಕು, ಮುಟ್ಟ್‌ವಕು ಸಹ ಆಗ. ಅನ್ನನೆ ಮಾಡ್‌ಚೇಂಗಿ ನಂಗ ಚತ್ತ್‌ ಪೋಪಾಂದ್‌ ಎಣ್ಣ್‌ಚೀಂದ್‌ ಎಣ್ಣ್‌ಚಿ.

1 ತಿಮೊಥೆಯ 4:4

ದೇವ ಸೃಷ್ಟಿ ಮಾಡ್‍ನ ಎಲ್ಲಾ ವಸ್ತು ನಲ್ಲದೇ. ಏದ್ ವಸ್ತುನ ಸಹ ಪಾಳ್‍ೕಂದ್ ನಂಗ ಅಲ್ಲಗೆಳೆಯುವಕ್ಕಾಗ. ಆಚೇಂಗಿ ಎಲ್ಲಾ ವಸ್ತುಕಾಯಿತ್ ನಂಗ ವಂದನೆ ಎಣ್ಣಿತ್ ತಿಂಗಂಡು.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.