ಆದ್ಯತ್‌ರ ಪುಸ್ತಕ 19:7 - ಕೊಡವ ಬೈಬಲ್

⁷ ಅಣ್ಣತಮ್ಮಣಂಗಳೇ, ದಯಬೆಚ್ಚಿತ್‌ ಇಂತ ಕ್‍ೕಡಾನ ಕಾರ್ಯತ್‌ನ ಮಾಡತೀಂದ್‌ ಲೋಟ ಅಯಿಂಗಳ ಬೋಡ್‌ಚಿ.

ಆದ್ಯತ್‌ರ ಪುಸ್ತಕ 19:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:4

ಅಯಿಂಗ ವರ್ವಕ್‌ ಮಿಂಞ, ಸೋದೋಮ್‌ ಪಟ್ಟಣತ್‌ರ ಎಲ್ಲಾ ಬಾಗತ್‌ಂಜ ಬಾಲ್ಯಕಾರ ಮಕ್ಕಯಿಂಜ ಪುಡ್‌ಚಿತ್‌ ವಯಸ್ಸಾನಯಿಂಗಕತ್ತನೆ ಎಲ್ಲಾ ಆಣಾಳ್‌ವಳು ಬಂದಿತ್‌ ಅಂವೊಂಡ ಮನೆರ ಸುತ್ತ್‌ಲ್‌ ನಿಂದತ್.

ಆದ್ಯತ್‌ರ ಪುಸ್ತಕ 19:6

ಅಕ್ಕ ಲೋಟ ಪೊರಮೆ ಬಂದಿತ್‌ ಅಂವೊಂಡ ಬಯ್ಯತ್‌ ಪಡಿನ ಇಟ್ಟಿತ್, ಅಯಿಂಗಡ ಪಕ್ಕ ಪೋಯಿತ್:

ಆದ್ಯತ್‌ರ ಪುಸ್ತಕ 19:8

ನೋಟಿ, ಆಣಾಳ್‌ವಡ ಕೂಡ ಬುದ್ದತ ದಂಡ್‌ ಮೂಡಿ ಮಕ್ಕ ನಾಕ್‍ ಉಂಡ್. ಅಯಿಂಗಳ ನಾನ್‌ ಪೊರಮೆ ಕಾಕಿಯಂಡ್‌ ಬಪ್ಪಿ. ನಿಂಗ ಅಯಿಂಗಕ್‌ ಎಂತ ಬೋಂಡಿಯೇಂಗಿಯು ಮಾಡಿ. ಆಚೇಂಗಿ ಈಂಗ ನಾಡ ಬೆಂದ್‌ಕ, ಅಯಿಂಗಳ ನಾನ್‌ ಕಾಪಾಡಂಡು, ಅಯಿಂಗಕ್‌ ಒಂದು ಮಾಡತೀಂದ್‌ ಎಣ್ಣ್‌ಚಿ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

ರೋಮ್ 1:24

ಅದ್ಂಗಾಯಿತ್ ದೇವ ಅಯಿಂಗಳ ಅಯಿಂಗಡ ಮನಸ್ಸ್‌ಕ್ ಆಸೆ ಬಂದನೆಕೆ ಅಸಹ್ಯ ಕಾರ್ಯತ್‍ನ ಮಾಡ್‌ವಕ್ ಒಪ್ಪ್‌ಚಿಟ್ಟ್‌ರ್‌ತ್. ಅನ್ನನೆ ಅಯಿಂಗ ಅಯಿಂಗಡ ತಡೀನ ಅವಮಾನಪಡುತ್‌ವನೆಕೆ ಪವಿತ್ರಯಿಲ್ಲತ ಕಾರ್ಯತ್‍ನ ಒಬ್ಬಂಗೊಬ್ಬ ಮಾಡ್‍ಚಿ.

ಯೂದ ಒಳ್‍ದ್‍ನ ಕಾಗದ 1:7

ಅನ್ನನೆ ಸೊದೋಮ್ ಗೊಮೋರ ಪಟ್ಟಣತ್‍ರ ಜನ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಇಂಜ ಪಟ್ಟಣತ್‍ರ ಜನಳು ಅಯಿಂಗಡನೆಕೆ ಲೈಂಗಿಕ ಪಾಪತ್‍ನ ಮಾಡಿತ್, ಮನುಷ್ಯಂಗಡ ಸರಿಯಾನ ಆಸೇನ ಅಯಿಂಗಡ ಆಸೆರನೆಕೆ ತಿರಿಕಿತ್ ಪೋಚಿ. ದೇವ ಈ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ನಾಶ ಮಾಡ್‍ಚಿ. ಅನ್ನನೆ ಈಂಗ ದೇವ ತಪ್ಪ ನಿತ್ಯ ತಿತ್ತ್‌ರ ದಂಡೆನೆಕ್ ಉದಾರಣೆಯಾಯಿತ್ ಉಂಡ್.