ಆದ್ಯತ್‌ರ ಪುಸ್ತಕ 19:2 - ಕೊಡವ ಬೈಬಲ್

² ಸ್ವಾಮಿಯಳೇ, ದಯಬೆಚ್ಚಿತ್‌ ನಾಡ ಮನೆಕ್‌ ಬಾರಿ. ನಿಂಗಡ ಕಾಲ್‌ನ ಕತ್ತಿತ್, ಇಂದ್‌ ಬಯಿಟ್ ಅಲ್ಲೇ ಒಳಿಂಜಿತ್, ಪೊಲಾಕ ಎದ್ದಿತ್‌ ನಿಂಗಡ ಬಟ್ಟೆಲ್‌ ಪೋಯೀಂದ್‌ ಎಣ್ಣ್‌ಚಿ. ಅದ್‌ಂಗ್‌ ಆ ದೇವದೂತಂಗ: ಇಲ್ಲೆ, ನಂಗ ಪೋಪ ಬಟ್ಟೆಲ್, ಬೀದೀಲ್‌ ಬಯಿಟ್ ಕಯಿಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:4

ಚೆನ್ನ ನೀರ್‌ ಎಡ್‌ತಂಡ್‌ ಬಪ್ಪಕ್‌ ಎಣ್ಣುವಿ, ನಿಂಗ ಕಾಲ್‌ನ ಕತ್ತಿತ್, ಈ ಮರತ್‌ರ ಅಡಿಲ್‌ ಆರಾಮ್‌ ಮಾಡಿಯೊಳಿ.

ಆದ್ಯತ್‌ರ ಪುಸ್ತಕ 19:1

ಬಯಿಟಾಪಕ ಆ ದಂಡ್‌ ದೂತಂಗಳೂ ಸೊದೋಮ್‌ ಪಟ್ಟಣಕ್‌ ಬಾತ್. ಆ ಸಮಯತ್‌ಲ್‌ ಸೊದೋಮ್‌ ಪಟ್ಟಣತ್‌ರ ಪಡಿರ ಪಕ್ಕ ಲೋಟ ಅಳ್‌ತಂಡಿಂಜತ್. ಅಂವೊ ಅಯಿಂಗಳ ಕಾಂಬಕ ಎದ್ದಿತ್‌ ಅಯಿಂಗಡ ಮಿಂಞತ್‌ ಮಂಡೆ ಬಗ್ಗಿಚಿಟ್ಟಿತ್:

ಆದ್ಯತ್‌ರ ಪುಸ್ತಕ 19:3

ಆಚೇಂಗಿ ಲೋಟ ಅಯಿಂಗಳ ದುಂಬ ಒತ್ತಾಯ ಮಾಡ್‌ಚಿ. ಅದ್‌ಂಗ್‌ ಅಯಿಂಗ ಅಂವೊಂಡ ಕೂಡೆ ಅಂವೊಂಡ ಮನೆಕ್‌ ಪೋಚಿ. ಅಂವೊ ಪುಳಿಯಿಲ್ಲತ ಒಟ್ಟಿನ ಕೂಡ ಗದ್ದಾಳ ತಯಾರ್‌ ಮಾಡಿತ್‌ ಅಯಿಂಗಕ್‌ ಕೊಡ್‌ತತ್. ಅಯಿಂಗ ಅದನ ಉಂಡತ್.

ಆದ್ಯತ್‌ರ ಪುಸ್ತಕ 24:31

ಅಕ್ಕ ಲಾಬಾನ ಅಂವೊಂಗ್: ಯೆಹೋವಯಿಂಜ ಆಶೀರ್ವಾದ ಪಡ್‌ಂದಂವೊನೇ, ಒಳ್‌ಕ್‌ ಬಾರಿ, ನಿಂಗ ಎನ್ನಂಗ್‌ ಪೊರ್ಮೆ ನಿಂದಿತುಳ್ಳಿರ? ನಿಂಗ ಇಪ್ಪಕ್‌ ನಂಗಡ ಮನೆಯು, ಒಂಟೆಯಕ್‌ ಬೋಂಡಿಯಾನ ಜಾಗವು ತಯಾರ್‌ ಮಾಡಿಯೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:24

ಇಂಞು ಆ ಮನುಷ್ಯ ಅಯಿಂಗಳ ಯೋಸೇಫಂಡ ಮನೆರ ಒಳ್‌ಕ್‌ ಕಾಕಿಯಂಡ್‌ ಪೋಯಿತ್, ಅಯಿಂಗಕ್‌ ಕಾಲ್‌ ಕತ್ತ್‌ವಕ್‌ ನೀರ್‌ ಕೊಡ್‌ತಿತ್, ಅಯಿಂಗಡ ಕತ್ತೆಯಕ್‌ ಮೇಚಿನ ಇಟ್ಟತ್.

ಜ್ಞಾನತ್‌ರ ಪಡಿಮ 25:17

ನೀಡ ನೆರೆಮನೆಕಾರಂಡ ಮನೆಕ್‌ ಅಕ್ಕಕ್ಕ ಪೋಕತೆ. ಅನ್ನನೆ ಪೋಚೇಂಗಿ ಅಂವೊಂಗ್‌ ಮದಿಯಾಯಿತ್‌ ನಿನ್ನ ದ್ವೇಷ ಮಾಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:44

ಪಿಂಞ ಯೇಸು ಆ ಪೊಣ್ಣಾಳ್‍ರ ಪಕ್ಕ ತಿರಿತ್ ಸೀಮೋನನ ನೋಟಿತ್: ನೀನ್ ಈ ಪೊಣ್ಣಾಳ್‍ನ ನೋಟ್‍ವಿಯ? ನಾನ್ ನೀಡ ಮನೆಕ್ ಬಪ್ಪಕ, ನೀನ್ ನಾಡ ಕಾಲ್ ಕತ್ತ್‌ವಕ್ ನೀರ್ ತಂದಿತ್‌ಲ್ಲೆ. ಆಚೇಂಗಿ ಈ ಪೊಣ್ಣಾಳ್ ಅವಡ ಕಣ್ಣೀರ್‌ಲ್ ನಾಡ ಕಾಲ್‌ನ ಕತ್ತಿತ್, ಅವಡ ತಲ್‌ಮಿಲ್ ನಾಡ ಕಾಲ್‌ನ ತ್‍ೕಟ್‍ಚಿ.

ಯೋಹಾನ 13:5

ಪಿಂಞ ಒರ್ ಪಾತ್ರತ್‍ಲ್ ಚೆನ್ನ ನೀರ್ ಬೂಕಿತ್, ಅಂವೊಂಡ ಶಿಷ್ಯಂಗ ಒಬ್ಬೊಬ್ಬಂಗಡ ಕಾಲ್‌ನ ಕತ್ತ್‌ವಂಜಿ ತೋರ್ತ್‌ಲ್ ತ್‍ೕಟ್‍ಚಿ.

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ಇಬ್ರಿಯ 13:2

ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.