ಆದ್ಯತ್‌ರ ಪುಸ್ತಕ 18:9 - ಕೊಡವ ಬೈಬಲ್

⁹ ಅಲ್ಲಿಂಜ ಅಯಿಂಗ ಅಂವೊಂಗ್: ನೀಡ ಪೊಣ್ಣ್‌ ಸಾರಳ ಎಲ್ಲಿಯಾಂದ್‌ ಕ್‍ೕಪಕ, ಅದಾ, ಗುಡಾರತ್‌ಲ್‌ ಉಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:10

ಅಕ್ಕ ಅಯಿಂಗಡಲ್ಲಿ ಒಬ್ಬ: ನಾನ್‌ ಕಂಡಿತವಾಯಿತು ಬಪ್ಪ ಕಾಲ ಈ ಸಮಯತ್‌ಲ್‌ ನೀಡಲ್ಲಿಕ್‌ ಬಪ್ಪಿ; ಅಕ್ಕ ನೀಡ ಪೊಣ್ಣ್‌ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ. ಸಾರಳ ಅಂವೊಂಡ ಬಯ್ಯತ್‌ ಗುಡಾರತ್‌ರ ಪಡಿರ ಬರಿಲ್‌ ನಿಂದಂಡ್‌ ಈ ತಕ್ಕ್‌ನ ಕ್‍ೕಟಡಿಂಜತ್.

ಆದ್ಯತ್‌ರ ಪುಸ್ತಕ 18:8

ಅಲ್ಲಿಂಜ ಅಬ್ರಹಾಮ ಪಾಲ್‌ ಮೋರ್‌ ಪಿಂಞ ಅಡಿಗೆ ತಯಾರ್‌ ಮಾಡ್‌ನ ಯರ್ಚಿ ಎಲ್ಲಾನ ಕೊಂಡ ಬಂದಿತ್‌ ಅಯಿಂಗಡ ಮಿಂಞತ್‌ ಬೆಚ್ಚತ್; ಅಯಿಂಗ ತಿಂಬಕ ಅಬ್ರಹಾಮ ಅಲ್ಲಿಯೇ ಮರತ್‌ರ ಅಡಿಲ್‌ ನಿಂದಂಡಿಂಜತ್.

ಆದ್ಯತ್‌ರ ಪುಸ್ತಕ 24:67

ಅಲ್ಲಿಂಜ ಇಸಾಕ ಅವಳ ತಾಂಡ ಅವ್ವ ಸಾರಳಂಡ ಗುಡಾರಕ್‌ ಕಾಕಿಯಂಡ್‌ ಪೋಯಿತ್, ರೆಬೆಕ್ಕಳ ಮಂಗಲ ಕಯಿಚತ್. ಅವ ಅಂವೊಂಡ ಪೊಣ್ಣ್‌ ಆಚಿ. ಅಂವೊ ಅವಳ ಪ್ರೀತಿ ಮಾಡಿತ್‌ ತಾಂಡ ಅವ್ವ ಚತ್ತ ದುಃಖತ್‌ನ ಮರ್‌ಂದತ್.

ಆದ್ಯತ್‌ರ ಪುಸ್ತಕ 3:9

ಯೆಹೋವನಾನ ದೇವ ಆದಾಮನ ಕಾಕಿತ್: ನೀನ್‌ ಎಲ್ಲಿ ಉಳ್ಳಿಯಾಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 31:33

ಅಕ್ಕ, ಲಾಬಾನ ಯಾಕೋಬಂಡ ಗುಡಾರತ್‌ಲ್, ಲೇಯಾಡ ಗುಡಾರತ್‌ಲ್‌ ಪಿಂಞ ದಂಡ್‌ ಪಣಿಕಾರ್ತಿಯಡ ಗುಡಾರತ್‌ಲ್‌ ತ್‍ೕಡ್‌ಚಿ. ಅಲ್ಲಿ ಅಂವೊಂಗ್‌ ಒಂದು ಕ್‌ಟ್ಟಿತ್‌ಲ್ಲೆ. ಬಯ್ಯ ಅಂವೊ ರಾಹೇಲಂಡ ಗುಡಾರಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 4:9

ಅದಾನ ಪಿಂಞ ಯೆಹೋವ ಕಾಯಿನಂಗ್: ನೀಡ ತಮ್ಮಣ ಹೇಬೆಲ ಎಲ್ಲಿಯಾಂದ್‌ ಕ್‍ೕಟತ್. ಅದ್‌ಂಗ್‌ ಕಾಯಿನ: ನಾಕ್‍ ಗೊತ್ತ್‌ಲೆ, ನಾನೆಂತ ನಾಡ ತಮ್ಮಣನ ಕಾಪಂವೊನಾಂದ್‌ ಜವಾಬ್ ಕೊಡ್‌ತತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:5

ಎಲ್ಲಾ ಬಾಲೆಕಾರ್ತಿಯಳು, ತನ್ನಡಕ್ಕ ಉಳ್ಳಯಿಂಗಳಾಯಿತ್, ವಡಿಯಂಗ್ ನೇರಾನಯಿಂಗಳಾಯಿತ್, ಅಯಿಂಗಡ ಮನೆನ ಚಾಯಿ ನೋಟ್‍ವಯಿಂಗಳಾಯಿತ್, ಅಯಿಂಗಡ ವಡಿಯಂಗಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್, ಪ್ರೀತಿಯುಳ್ಳಯಿಂಗಳಾಯಿತ್, ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್. ಅಕ್ಕ ದೇವಡ ವಾಕ್ಯಕ್ ಅಯಿಂಗ ದೂಷಣೆ ಕೊಂಡ್ ಬಪ್ಪುಲೆ.

ಇಬ್ರಿಯ 11:9

ನಂಬಿಕೇರ ಮೂಲಕ, ಅಂವೊ ವಾಗ್ದಾನತ್‍ರ ದೇಶತ್‍ಲ್ ಬೋರೆ ದೇಶತ್‍ರಂವೊನೆಕೆ ಇಂಜಂಡ್, ಆ ವಾಗ್ದಾನತ್‍ರ ಬಾದ್ಯತೆಕಾರಳಾನ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗುಡಾರತ್‍ಲ್ ವಾಸ ಮಾಡಿಯಂಡ್ ಇಂಜತ್.