ಆದ್ಯತ್‌ರ ಪುಸ್ತಕ 18:8 - ಕೊಡವ ಬೈಬಲ್

⁸ ಅಲ್ಲಿಂಜ ಅಬ್ರಹಾಮ ಪಾಲ್‌ ಮೋರ್‌ ಪಿಂಞ ಅಡಿಗೆ ತಯಾರ್‌ ಮಾಡ್‌ನ ಯರ್ಚಿ ಎಲ್ಲಾನ ಕೊಂಡ ಬಂದಿತ್‌ ಅಯಿಂಗಡ ಮಿಂಞತ್‌ ಬೆಚ್ಚತ್; ಅಯಿಂಗ ತಿಂಬಕ ಅಬ್ರಹಾಮ ಅಲ್ಲಿಯೇ ಮರತ್‌ರ ಅಡಿಲ್‌ ನಿಂದಂಡಿಂಜತ್.

ಆದ್ಯತ್‌ರ ಪುಸ್ತಕ 18:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:7

ಅಲ್ಲಿಂಜ ಅಬ್ರಹಾಮ ಕೊಟ್ಟ್‌ಕ್‌ ಓಡಿಪೋಯಿತ್, ಓರ್‌ ನಲ್ಲ ಕಡ್‌ಚಿನ ಪುಡಿಚಿತ್‌ ತಾಂಡ ಆಳ್‌ಕ್‌ ಕೊಡ್‌ತತ್. ಅಂವೊ ಅದ್‌ನ ಬೆರಿಯ ಅಡಿಗೆ ತಯಾರ್‌ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 18:9

ಅಲ್ಲಿಂಜ ಅಯಿಂಗ ಅಂವೊಂಗ್: ನೀಡ ಪೊಣ್ಣ್‌ ಸಾರಳ ಎಲ್ಲಿಯಾಂದ್‌ ಕ್‍ೕಪಕ, ಅದಾ, ಗುಡಾರತ್‌ಲ್‌ ಉಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:3

ಆಚೇಂಗಿ ಲೋಟ ಅಯಿಂಗಳ ದುಂಬ ಒತ್ತಾಯ ಮಾಡ್‌ಚಿ. ಅದ್‌ಂಗ್‌ ಅಯಿಂಗ ಅಂವೊಂಡ ಕೂಡೆ ಅಂವೊಂಡ ಮನೆಕ್‌ ಪೋಚಿ. ಅಂವೊ ಪುಳಿಯಿಲ್ಲತ ಒಟ್ಟಿನ ಕೂಡ ಗದ್ದಾಳ ತಯಾರ್‌ ಮಾಡಿತ್‌ ಅಯಿಂಗಕ್‌ ಕೊಡ್‌ತತ್. ಅಯಿಂಗ ಅದನ ಉಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37

ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:8

ಇಲ್ಲೆ, ನಿಂಗ ಅನ್ನನೆ ಎಣ್ಣುಲೆ! ಅದ್ಂಡ ಬದ್‍ಲ್, ನೀನ್ ನಾಕ್ ಅಡಿಗೆ ಮಾಡಿತ್, ನಾಕ್ ಉಪಚಾರ ಮಾಡ್, ನಾನ್ ಉಂಡಿತ್ ಕುಡಿಚಿತಾನ ಪಿಂಞ ನೀನ್ ಉಂಡಿತ್ ಕುಡಿಕಲೂಂದ್ ಎಣ್ಣುವಿರಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:30

ಯೇಸು ಅಯಿಂಗಡ ಕೂಡೆ ಉಂಬಕ್ ಅಳ್‌ಪಕ, ಒಟ್ಟಿನ ಎಡ್‌ಪಂಜಿ ದೇವಕ್ ವಂದನೆ ಎಣ್ಣಿತ್ ಒಟ್ಟಿನ ಪೊಳಿಪಂಜಿ ಅಯಿಂಗಕ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:43

ಯೇಸು ಅಯಿಂಗಡ ಮಿಂಞತ್‍ಲೇ ಅದ್‍ನ ತಿಂದತ್.

ಯೋಹಾನ 12:2

ಅಲ್ಲಿ ಲಾಜರಂಡ ಮನೆಲ್ ಯೇಸುಕ್ ಬಯಿಟ್ ಗದ್ದಾಳ ತಯಾರ್ ಮಾಡಿತ್ಂಜತ್. ಮಾರ್ಥ ಎಲ್ಲಾರ್‌ಕು ಉಪಚಾರ ಮಾಡ್‍ಚಿ. ಯೇಸುರ ಕೂಡೆ ಬಯಿಟ್ ಉಂಬಕ್ ಅಳ್‌ತಂಡಿಂಜಯಿಂಗಡಲ್ಲಿ ಲಾಜರ ಸಹ ಅಳ್‌ತಿತ್ಂಜತ್.

ಅಪೊಸ್ತಲ 10:41

ಆಚೇಂಗಿ, ಎಲ್ಲಾರು ಅಂವೊನ ಕಾಂಬನೆಕೆ ಮಾಡತೆ, ಯೇಸು ಚತ್ತಯಿಂಗ ಮದ್ಯತ್ಂಜ ಜೀವವಾಯಿತ್ ಬಂದ ಪಿಂಞ, ಅಂವೊಂಡ ಕೂಡೆ ಉಂಡಯಿಂಗಳು, ಕುಡಿಚಯಿಂಗಳು ಪಿಂಞ ಮಿಂಞಲೇ ಆಯ್ಕೆ ಮಾಡಿತ್ಂಜ ಸಾಕ್ಷಿಯಂಗಳಾನ ನಂಗಕ್ ಪ್ರತ್ಯಕ್ಷ ಆಯಿತ್ ನಂಗ ಕಾಂಬನೆಕೆ ಮಾಡ್‍ಚಿ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಪ್ರಕಟನೆ 3:20

ಇದಾ, ನಾನ್ ಪಡಿರ ಪಕ್ಕ ನಿಂದಂಡ್ ತಟ್ಟಿಯಂಡುಳ್ಳ, ದಾರೇಂಗಿ ನಾಡ ಸದ್ದ್‌ನ ಕ್‍ೕಟಿತ್, ಪಡಿನ ತೊರ್‌ಂದ್‍ತೇಂಗಿ, ನಾನ್ ಒಳ್‍ಕ್ ಬಂದಿತ್, ಅಂವೊಂಡ ಕೂಡೆ ಅಳ್‌ತಿತ್ ಉಂಬಿ, ಅಂವೊನು ನಾಡ ಕೂಡೆ ಅಳ್‌ತಿತ್ ಉಂಬ.