ಆದ್ಯತ್‌ರ ಪುಸ್ತಕ 18:4 - ಕೊಡವ ಬೈಬಲ್

⁴ ಚೆನ್ನ ನೀರ್‌ ಎಡ್‌ತಂಡ್‌ ಬಪ್ಪಕ್‌ ಎಣ್ಣುವಿ, ನಿಂಗ ಕಾಲ್‌ನ ಕತ್ತಿತ್, ಈ ಮರತ್‌ರ ಅಡಿಲ್‌ ಆರಾಮ್‌ ಮಾಡಿಯೊಳಿ.

ಆದ್ಯತ್‌ರ ಪುಸ್ತಕ 18:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:3

ಸ್ವಾಮಿ, ನೀಡ ಕಣ್ಣ್‌ಲ್, ನಾಕ್‍ ದಯೆ ಕ್‌ಟ್ಟ್‌ಚೇಂಗಿ ನಾಡ ಗುಡಾರಕ್‌ ಬಕ್ಕತೆ ಮಿಂಞಕ್‌ ಪೋಕತಿ.

ಆದ್ಯತ್‌ರ ಪುಸ್ತಕ 19:2

ಸ್ವಾಮಿಯಳೇ, ದಯಬೆಚ್ಚಿತ್‌ ನಾಡ ಮನೆಕ್‌ ಬಾರಿ. ನಿಂಗಡ ಕಾಲ್‌ನ ಕತ್ತಿತ್, ಇಂದ್‌ ಬಯಿಟ್ ಅಲ್ಲೇ ಒಳಿಂಜಿತ್, ಪೊಲಾಕ ಎದ್ದಿತ್‌ ನಿಂಗಡ ಬಟ್ಟೆಲ್‌ ಪೋಯೀಂದ್‌ ಎಣ್ಣ್‌ಚಿ. ಅದ್‌ಂಗ್‌ ಆ ದೇವದೂತಂಗ: ಇಲ್ಲೆ, ನಂಗ ಪೋಪ ಬಟ್ಟೆಲ್, ಬೀದೀಲ್‌ ಬಯಿಟ್ ಕಯಿಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:32

ಅಂವೊ ಲಾಬಾನಂಡ ಕೂಡೆ ಮನೆರ ಒಳ್‌ಕ್‌ ಪೋಚಿ. ಪಿಂಞ ಆ ಒಂಟೆಯಡ ಮೇಲೆ ಇಂಜದ್‌ನ ಉಳ್‌ಪಿತ್, ತಿಂಬಕ್‌ ಪಿಲ್‌ಲ್‌ ಪಿಂಞ ಮೇಚಿನ ಕೊಡ್‌ತಿತ್, ಅಂವೊಂಗು ಅಂವೊಂಡ ಕೂಡೆ ಬಂದಯಿಂಗಕು ಕಾಲ್‌ ಕತ್ತ್‌ವಕ್‌ ನೀರ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 43:24

ಇಂಞು ಆ ಮನುಷ್ಯ ಅಯಿಂಗಳ ಯೋಸೇಫಂಡ ಮನೆರ ಒಳ್‌ಕ್‌ ಕಾಕಿಯಂಡ್‌ ಪೋಯಿತ್, ಅಯಿಂಗಕ್‌ ಕಾಲ್‌ ಕತ್ತ್‌ವಕ್‌ ನೀರ್‌ ಕೊಡ್‌ತಿತ್, ಅಯಿಂಗಡ ಕತ್ತೆಯಕ್‌ ಮೇಚಿನ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:44

ಪಿಂಞ ಯೇಸು ಆ ಪೊಣ್ಣಾಳ್‍ರ ಪಕ್ಕ ತಿರಿತ್ ಸೀಮೋನನ ನೋಟಿತ್: ನೀನ್ ಈ ಪೊಣ್ಣಾಳ್‍ನ ನೋಟ್‍ವಿಯ? ನಾನ್ ನೀಡ ಮನೆಕ್ ಬಪ್ಪಕ, ನೀನ್ ನಾಡ ಕಾಲ್ ಕತ್ತ್‌ವಕ್ ನೀರ್ ತಂದಿತ್‌ಲ್ಲೆ. ಆಚೇಂಗಿ ಈ ಪೊಣ್ಣಾಳ್ ಅವಡ ಕಣ್ಣೀರ್‌ಲ್ ನಾಡ ಕಾಲ್‌ನ ಕತ್ತಿತ್, ಅವಡ ತಲ್‌ಮಿಲ್ ನಾಡ ಕಾಲ್‌ನ ತ್‍ೕಟ್‍ಚಿ.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.