ಆದ್ಯತ್‌ರ ಪುಸ್ತಕ 18:31 - ಕೊಡವ ಬೈಬಲ್

³¹ ಅದ್‌ಂಗ್‌ ಅಬ್ರಹಾಮ: ನಾನ್‌ ಯೆಹೋವಂಡ ಕೂಡೆ ತಕ್ಕ್‌ ಪರಿಯುವಕ್‌ ದೈರ್ಯ ಎಡ್‌ತಂಗ್‌ ತಕ್ಕ್‌ ಪರಿಯುವಿ. ಒರ್‌ ಸಮಯ ಅಲ್ಲಿ ಬರೀ ಇರ್ವದ್‌ ನೀತಿವಂತಯಿಂಗ ಉಂಡೇಂಗೀಂದ್‌ ಕ್‍ೕಟತ್. ಅದ್‌ಂಗ್‌ ಯೆಹೋವ: ಆ ಇರ್ವದ್‌ ನೀತಿವಂತಯಿಂಗಕಾಯಿತ್‌ ನಾಶ ಮಾಡುಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:27

ಅದ್‌ಂಗ್‌ ಅಬ್ರಹಾಮ: ನಾನ್‌ ಬರೀ ದೂಳು ಬೂದಿಯು ಆಯಿತ್‌ಂಜತೇಂಗಿಯು, ಯೆಹೋವಂಡ ಕೂಡೆ ತಕ್ಕ್‌ ಪರಿಯುವಕ್‌ ದೈರ್ಯ ಎಡ್‌ತಿತುಳ್ಳ.

ಆದ್ಯತ್‌ರ ಪುಸ್ತಕ 18:30

ಅಕ್ಕ ಅಬ್ರಹಾಮ: ಯೆಹೋವನೇ, ದಯಬೆಚ್ಚಿತ್‌ ಚೆಡಿಮಾಡಿಯೊತೆ; ಒರ್‌ ಸಮಯ ಅಲ್ಲಿ ಬರೀ ನುಪ್ಪದ್‌ ನೀತಿವಂತಯಿಂಗ ಉಂಡೇಂಗೀಂದ್‌ ಕ್‍ೕಟತ್. ಅದ್‌ಂಗ್‌ ಯೆಹೋವ: ನಾನ್‌ ನುಪ್ಪದ್‌ ನೀತಿವಂತಯಿಂಗಳ ಅಲ್ಲಿ ಕಂಡತೇಂಗಿ ಆ ಪಟ್ಟಣತ್‌ನ ನಾಶ ಮಾಡುಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:32

ಅದ್‌ಂಗ್‌ ಅಬ್ರಹಾಮ: ಯೆಹೋವನೇ, ದಯಬೆಚ್ಚಿತ್‌ ಚೆಡಿಮಾಡಿಯೊತೆ. ಇಂಞು ಒರ್‌ ಕುರಿ ಮಾತ್‌ರ ನಾನ್‌ ತಕ್ಕ್‌ ಪರಿಯುವಿ. ಒರ್‌ ಸಮಯ ಅಲ್ಲಿ ಬರೀ ಪತ್ತ್‌ ನೀತಿವಂತಯಿಂಗ ಉಂಡೇಂಗೀಂದ್‌ ಕ್‍ೕಟತ್. ಅದ್‌ಂಗ್‌ ಯೆಹೋವ: ಆ ಪತ್ತ್‌ ನೀತಿವಂತಯಿಂಗಕಾಯಿತ್‌ ನಾಶ ಮಾಡುಲೇಂದ್‌ ಎಣ್ಣ್‌ಚಿ.

ಮತ್ತಾಯ 7:11

ಅಕ್ಕ, ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ತಾಂಡ ಪಕ್ಕ ಕ್‍ೕಪಯಿಂಗಕ್ ಎಚ್ಚಕ್ ನಲ್ಲ ವಸ್ತುನ ತಪ್ಪ?

ಮತ್ತಾಯ 7:7

ಕ್‍ೕಳಿ, ಅಕ್ಕ ನಿಂಗಕ್ ತಪ್ಪ. ತ್‍ೕಡಿ ನಿಂಗಕ್ ಕ್‍ಟ್ಟುವ. ಪಡಿನ ತಟ್ಟಿ, ಅಕ್ಕ ನಿಂಗಕ್ ಪಡಿ ತೊರ್‌ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:8

ಆಚೇಂಗಿ, ಅಂವೊ ಅಂವೊಂಡ ಸ್ನೇಹಿತನಾಯಿತ್ ಉಳ್ಳಗುಂಡ್ ಎದ್ದಿತ್ ಕೊಡ್‍ಕತೆ ಪೋಚೇಂಗಿಯು, ಅಂವೊ ಅಚ್ಚಕ್ ಒತ್ತಾಯ ಮಾಡ್‌ವಗುಂಡ್ ಅಂವೊಂಗ್ ಬೋಂಡಿಯಾನದ್‍ನ ಕೊಡ್‍ಪಾಂದ್ ನಿಂಗಕ್ ನಾನ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:1

ಯೇಸು ಅಂವೊಂಡ ಶಿಷ್ಯಂಗಕ್, ಅಯಿಂಗ ತಳ್ಂದ್ ಪೋಕತೆ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಕ್ಕಂಡೂಂದ್ ಒರ್ ಕಥೇರ ರೂಪ ಎಣ್ಣಿ ಕೊಡ್‍ತತ್.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಇಬ್ರಿಯ 4:16

ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.