ಆದ್ಯತ್‌ರ ಪುಸ್ತಕ 18:2 - ಕೊಡವ ಬೈಬಲ್

² ಅದ್‌ ಎನ್ನನೆ ಎಣ್ಣ್‌ಚೇಂಗಿ, ಅಬ್ರಹಾಮ ಕಣ್ಣೆಡ್‌ತಿತ್‌ ನೋಟ್‌ವಕ, ಮೂಂದ್‌ ಆಣಾಳ್‌ವ ಅಂವೊಂಡ ಪಕ್ಕತ್‌ಲ್‌ ನಿಂದಿತುಳ್ಳದ್‌ನ ಕಂಡತ್. ಅಂವೊ ಎದ್ದಿತ್‌ ಅಯಿಂಗಳ ಸ್ವೀಕಾರ ಮಾಡ್‌ವಕಾಯಿತ್‌ ಓಡಿಪೋಯಿತ್‌ ಅಯಿಂಗಡ ಮಿಂಞತ್‌ ಅಡ್ಡ ಬುದ್ದಿತ್:

ಆದ್ಯತ್‌ರ ಪುಸ್ತಕ 18:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:3

ಅಕ್ಕ ಅಬ್ರಾಮ ಅಡ್ಡಬುದ್ದತ್. ದೇವ ಅಂವೊಂಡ ಕೂಡೆ ತಕ್ಕ್‌ ಪರ್‌ಂದಿತ್:

ಆದ್ಯತ್‌ರ ಪುಸ್ತಕ 18:16

ಅಕ್ಕ ಆ ಆಣಾಳ್‌ವ ಎದ್ದಿತ್‌ ಸೋದೋಮ್‌ ಪಟ್ಟಣತ್‌ರ ಕಡೆಕ್‌ ನೋಟ್‌ಚಿ. ಅಯಿಂಗ ಪೋಪಕ ಅಯಿಂಗಡ ಕೂಡೆ ಅಬ್ರಹಾಮನು ಅಯಿಂಗಳ ಬುಟ್ಟಿತ್‌ ಬಪ್ಪಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 18:22

ಅಕ್ಕ ಆ ಆಣಾಳ್‌ವ ಸೊದೋಮ್ರ ಕಡೆಕ್‌ ಪೋಚಿ. ಆಚೇಂಗಿ, ಅಬ್ರಹಾಮ ಇಂಞು ಯೆಹೋವಂಡ ಮಿಂಞತ್‌ ನಿಂದಂಡಿಂಜತ್.

ಆದ್ಯತ್‌ರ ಪುಸ್ತಕ 18:3

ಸ್ವಾಮಿ, ನೀಡ ಕಣ್ಣ್‌ಲ್, ನಾಕ್‍ ದಯೆ ಕ್‌ಟ್ಟ್‌ಚೇಂಗಿ ನಾಡ ಗುಡಾರಕ್‌ ಬಕ್ಕತೆ ಮಿಂಞಕ್‌ ಪೋಕತಿ.

ಆದ್ಯತ್‌ರ ಪುಸ್ತಕ 19:1

ಬಯಿಟಾಪಕ ಆ ದಂಡ್‌ ದೂತಂಗಳೂ ಸೊದೋಮ್‌ ಪಟ್ಟಣಕ್‌ ಬಾತ್. ಆ ಸಮಯತ್‌ಲ್‌ ಸೊದೋಮ್‌ ಪಟ್ಟಣತ್‌ರ ಪಡಿರ ಪಕ್ಕ ಲೋಟ ಅಳ್‌ತಂಡಿಂಜತ್. ಅಂವೊ ಅಯಿಂಗಳ ಕಾಂಬಕ ಎದ್ದಿತ್‌ ಅಯಿಂಗಡ ಮಿಂಞತ್‌ ಮಂಡೆ ಬಗ್ಗಿಚಿಟ್ಟಿತ್:

ಆದ್ಯತ್‌ರ ಪುಸ್ತಕ 23:12

ಅಕ್ಕ ಅಬ್ರಹಾಮ ಆ ದೇಶತ್‌ರ ಜನಕ್‌ ಬಗ್ಗಿತ್‌ ನಮಸ್ಕಾರ ಮಾಡಿತ್:

ಆದ್ಯತ್‌ರ ಪುಸ್ತಕ 23:7

ಅಬ್ರಹಾಮ ಎದ್ದಿತ್, ಹಿತ್ತಿಯಂಡ ವಂಶಕಾರಂಗಳಾನ ಆ ದೇಶತ್‌ರ ಜನಕ್‌ ಬಗ್ಗಿತ್‌ ನಮಸ್ಕಾರ ಮಾಡಿತ್:

ಆದ್ಯತ್‌ರ ಪುಸ್ತಕ 24:63

ಇಸಾಕ ಬಯಿಟಾಪಕ ನೇರತ್‌ ದ್ಯಾನ ಮಾಡುವಕಾಯಿತ್‌ ಪೊರಮೆ ಪೋಯಿತಿಂಜತ್. ಅಲ್ಲಿಂಜ ಅಂವೊ ಕಣ್ಣೆಡ್‌ತಿತ್‌ ನೋಟ್‌ವಕ, ಒಂಟೆಯ ಬಂದಂಡಿಪ್ಪಾನ ಕಂಡತ್.

ಆದ್ಯತ್‌ರ ಪುಸ್ತಕ 32:24

ಇದಾನ ಪಿಂಞ ಯಾಕೋಬ ಗುಡಾರತ್‌ ಒಂಟಿಯಾಯಿತ್‌ ದಾರ್‌ ಇಲ್ಲತ ಇಂಜತ್. ಅಕ್ಕ ಒರ್‌ ಮನುಷ್ಯ ಅಂವೊಂಡ ಕೂಡೆ ಪೊಲಾಕಕತ್ತನೆ ಪೋರಾಡ್‌ಚಿ.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:26

ಯೋಸೇಫ ಮನೆಕ್‌ ಬಂದದು ಅಯಿಂಗ ಅಯಿಂಗಡ ಕೈಯಿಲ್‌ ಬೆಚ್ಚಂಡಿಂಜ ಇನಾಮ್‌ನ ಮನೆರ ಒಳ್‌ಕ್‌ ಎಡ್‌ತ ಬಂತ್, ಅಂವೊಂಗ್‌ ಕೊಡ್‌ತಿತ್, ಅಂವೊಂಡ ಮಿಂಞತ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:28

ಅದ್‌ಂಗ್‌ ಅಯಿಂಗ: ಅಕ್ಕು, ನೀಡ ಸೇವಕನಾನ ನಂಗಡ ಅಪ್ಪ ಚಾಯಿತೆ ಉಂಡ್. ಅಂವೊ ಬದ್‌ಕಿತುಂಡ್‍ೕಂದ್‌ ಎಣ್ಣಿತ್, ಪುನಃ ಅಂವೊಂಗ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 44:14

ಯೆಹೂದ ಪಿಂಞ ಅಂವೊಂಡ ಅಣ್ಣತಮ್ಮಣಂಗ ಯೋಸೇಫಂಡ ಮನೆಕ್‌ ಪೋಚಿ. ಅಲ್ಲಿಕತ್ತನೆ ಯೋಸೇಫ ಮನೆಲ್ ಇಂಜತ್. ಅಯಿಂಗೆಲ್ಲಾರು ಅಂವೊಂಗ್‌ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 48:12

ಅಕ್ಕ ಯೋಸೇಫ ಅಯಿಂಗಳ ಅಪ್ಪಂಡ ಮೊಣಕಾಲ್‌ರ ಮದ್ಯತ್‌ ಇಂಜ ಮಕ್ಕಳ ಕಾಕಿತ್, ಅಂವೊಂಡ ಅಪ್ಪಂಗ್‌ ಅಡ್ಡ ಬುದ್ದತ್.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

ಇಬ್ರಿಯ 13:2

ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.

1 ಪೇತ್ರ 4:9

ಗೊಣಗತೆ, ಮನೆಲ್ ಎಲ್ಲಾರ್‌ನ ಚಾಯಿ ಸತ್ಕಾರ ಮಾಡಂಡು.