ಆದ್ಯತ್‌ರ ಪುಸ್ತಕ 18:17 - ಕೊಡವ ಬೈಬಲ್

^17-18 ಅಕ್ಕ ಯೆಹೋವ: ಅಬ್ರಹಾಮ ಬಲ್ಯ ಶಕ್ತಿವಂತ ಜನಾಂಗಳಾಪನಗುಂಡ್, ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗ ಅಂವೊಂಡ ಮೂಲಕ ಆಶೀರ್ವಾದ ಪೊಂದುವಗುಂಡ್, ನಾನ್‌ ಮಾಡುವಕುಳ್ಳದ್‌ನ ಅಬ್ರಹಾಮಡಿಂಜ ಮುಚ್ಚಿಬೆಕ್ಕಂಡುವಾ?

ಆದ್ಯತ್‌ರ ಪುಸ್ತಕ 18:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:21

ಆನಗುಂಡ್, ನಾನ್‌ ಇಳ್‌ಂಜಿ ಪೋಯಿತ್‌ ನಾನ್‌ ಕ್‍ೕಟ ಕ್‌ಟ್ಟ ಸುದ್ದಿಯೆಲ್ಲ ನೇರಾಂದ್‌ ನೋಟಿತ್‌ ಬಪ್ಪಿ. ಅಕ್ಕ ನಾಕ್‍ ಸತ್ಯ ಗೊತ್ತಾಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:22

ಅಕ್ಕ ಆ ಆಣಾಳ್‌ವ ಸೊದೋಮ್ರ ಕಡೆಕ್‌ ಪೋಚಿ. ಆಚೇಂಗಿ, ಅಬ್ರಹಾಮ ಇಂಞು ಯೆಹೋವಂಡ ಮಿಂಞತ್‌ ನಿಂದಂಡಿಂಜತ್.

ಆದ್ಯತ್‌ರ ಪುಸ್ತಕ 18:26

ಅಕ್ಕ ಯೆಹೋವ: ನಾನ್‌ ಸೊದೋಮ್‌ಲ್‌ ಐಂಬದ್‌ ನೀತಿವಂತಯಿಂಗಳ ಕಂಡತೇಂಗಿ, ಅಯಿಂಗಕಾಯಿತ್‌ ಆ ಇಡೀ ಜಾಗತ್‌ನ ಕಾಪಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:24

ಅಕ್ಕ ಯೆಹೋವ ಸೊದೋಮ್‌ ಗೊಮೋರತ್‌ರ ಮೇಲೆ ಗಂಧಕ ಪಿಂಞ ತಿತ್ತ್‌ರ ಮಳೆನೆ ಪೊಜ್ಜತ್.

ಯೋಹಾನ 15:15

ಇಂಞು ಮಿಂಞಕ್ ನಾನ್ ನಿಂಗಳ ನಾಡ ಪಣಿಕಾರಂಗಾಂದ್ ಕಾಕುಲೆ. ಎಜಮಾನ ಮಾಡ್‍ವದ್ ಪಣಿಕಾರಂಗಕ್ ಗೊತ್ತಿಪ್ಪುಲೆ. ನಿಂಗಳ ನಾಡ ಸ್ನೇಹಿತಂಗಾಂದ್ ನಾನ್ ಎಣ್ಣಿಯೆ. ಎನ್ನಂಗೆಣ್ಣ್‌ಚೇಂಗಿ, ನಾಡ ಅಪ್ಪಂಡಿಂಜ ನಾನ್ ಕ್‍ೕಟಾನೆಲ್ಲಾ ನಿಂಗಕ್ ನಾನ್ ಎಣ್ಣಿಯೆ.

ಯಾಕೋಬ 2:23

ಅನ್ನನೆ ಅಬ್ರಹಾಮ ದೇವನ ನಂಬ್‍ಚಿ. ಅದ್ಂಗ್ ದೇವ ಅಂವೊನ ನೀತಿವಂತಂವೋಂದ್ ಲೆಕ್ಕ ಮಾಡ್‍ಚೀಂದ್ ಎಣ್ಣ್‌ವ ದೇವಡ ವಾಕ್ಯ ಪೂರ್ತಿಯಾಚಿ. ಇದ್‍ನಗುಂಡ್ ದೇವ ಅಂವೊನ ದೇವಡ ಸ್ನೇಹಿತಾಂದ್ ಕಾಕ್‍ಚಿ.