ಆದ್ಯತ್‌ರ ಪುಸ್ತಕ 18:14 - ಕೊಡವ ಬೈಬಲ್

¹⁴ ಯೆಹೋವಂಗ್‌ ಕಯ್ಯತ್ತದ್‌ ಎಂತದೇಂಗಿ ಉಂಡಾ? ನಾನ್‌ ಎಣ್ಣ್‌ನನೆಕೆ ಬಪ್ಪ ಕಾಲತ್‌ ಇದೇ ಸಮಯಕ್‌ ತಿರಿತ್‌ ಬಪ್ಪಿ; ಅಕ್ಕ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:16

ನಾನ್‌ ಅವಳ ಆಶೀರ್ವಾದ ಮಾಡಿತ್, ಅವಡ ಮೂಲಕ ನೀಕ್‌ ಒರ್‌ ಮೋಂವೊನ ತಪ್ಪಿ. ಅವ ದುಂಬ ಜನಾಂಗಕ್‌ ಅವ್ವಳಾಯಿತು, ಅವಡ ಮೂಲಕ ಅನೇಕ ಜನಾಂಗತ್‌ರ ರಾಜಂಗಳ ಪುಟ್ಟ್‌ಚಿಟ್ಟಿತು, ಅವಳ ಆಶೀರ್ವಾದ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:10

ಅಕ್ಕ ಅಯಿಂಗಡಲ್ಲಿ ಒಬ್ಬ: ನಾನ್‌ ಕಂಡಿತವಾಯಿತು ಬಪ್ಪ ಕಾಲ ಈ ಸಮಯತ್‌ಲ್‌ ನೀಡಲ್ಲಿಕ್‌ ಬಪ್ಪಿ; ಅಕ್ಕ ನೀಡ ಪೊಣ್ಣ್‌ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ. ಸಾರಳ ಅಂವೊಂಡ ಬಯ್ಯತ್‌ ಗುಡಾರತ್‌ರ ಪಡಿರ ಬರಿಲ್‌ ನಿಂದಂಡ್‌ ಈ ತಕ್ಕ್‌ನ ಕ್‍ೕಟಡಿಂಜತ್.

ಆದ್ಯತ್‌ರ ಪುಸ್ತಕ 18:13

ಅಕ್ಕ ಯೆಹೋವ ಅಬ್ರಹಾಮನ ನೋಟಿತ್: ಎನ್ನಂಗ್‌ ಸಾರಳ ತೆಳ್‌ಚತ್, ತಾನ್‌ ಮುದುಕಿ, ನಾಕ್‍ ಕುಂಞಿನ ಪೆರುವಕ್‌ ಕಯ್ಯುವಾಂದ್‌ ಎಣ್ಣಿಯಂಡುಂಡ್‌ಂದ್‌ ಎಣ್ಣ್‌ಚಿ?

ಆದ್ಯತ್‌ರ ಪುಸ್ತಕ 18:15

ಸಾರಳಂಗ್‌ ಪೋಡಿಯಾಯಿತ್‌ ನಾನ್‌ ತೆಳ್‌ಚಿತ್‌ಲ್ಲೇಂದ್‌ ಎಣ್ಣ್‌ಚಿ. ಅದಂಗ್‌ ಅಂವೊ: ಅನ್ನನೆ ಅಲ್ಲ, ನೀನ್‌ ನೇರಾಯಿತು ತೆಳ್‌ಚಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:1

ಯೆಹೋವ ಎಣ್ಣ್‌ನನೆಕೆ ಅಂವೊ ಸಾರಳಡ ಮೇಲೆ ಕನಿಕರ ಕಾಟ್‌ಚಿ. ಯೆಹೋವ ಅವಕ್‌ ಕೊಡ್‌ತ ತಕ್ಕ್‌ನ ನೆರವೇರಿಚಿಟ್ಟತ್.

ಆದ್ಯತ್‌ರ ಪುಸ್ತಕ 21:2

ಅಬ್ರಹಾಮ ವಯಸ್ಸಾಯಿತ್‌ಪ್ಪಕ ಸಾರಳ ಕುಳುಮೆಕಾರ್ತಿಯಾಯಿತ್, ಯೆಹೋವನಾನ ದೇವ ನೇಮಿಚಿಟ್ಟ ಕಾಲತ್‌ಲ್‌ ಒರ್‌ ಕ್‌ಣ್ಣ ಕುಂಞಿನ ಪೆತ್ತ್‌ತ್.

ಮತ್ತಾಯ 14:31

ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.

ಮತ್ತಾಯ 19:26

ಯೇಸು ಅಯಿಂಗಳ ನೋಟುವಂಜಿ: ಇದ್ ಮನುಷ್ಯಗಂಕ್ ಕಯ್ಯುಲೆ, ಆಚೇಂಗಿ ದೇವಕ್ ಎಲ್ಲಾ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮಾರ್ಕ 10:27

ಯೇಸು ಅಯಿಂಗಳ ನೋಟಿತ್: ಇದ್ ಮನುಷ್ಯಂಗಕ್ ಕಯ್ಯುಲೆ ಆಚೇಂಗಿ ದೇವಕ್ ಕಯ್ಯು. ದೇವಕ್ ಎಲ್ಲಾ ಕಯ್ಯೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:13

ಆಚೇಂಗಿ ಆ ದೂತ ಅಂವೊಂಗ್, ಜಕರಿಯ ನೀನ್ ಬೊತ್ತತೆ, ನೀಡ ಪ್ರಾರ್ಥನೆ ದೇವಕ್ ಮುಟ್ಟ್‌ಚಿ. ನೀಡ ಪೊಣ್ಣ್ ಎಲಿಸಬೇತ್ ನೀಕ್ ಒರ್ ಕ್‍ಣ್ಣ ಕುಂಞಿನ ಪೆರುವ. ನೀನ್ ಅಂವೊಂಗ್ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:18

ಅಕ್ಕ ಜಕರಿಯ ದೇವದೂತಂಗ್: ನಾಕ್ ಇನ್ನನೆ ಆಪಾಂದ್ ಎನ್ನನೆ ಗೊತ್ತಾಪ? ನಾನ್ ವಯಸ್ಸಾನಂವೊ ನಾಡ ಪೊಣ್ಣ್ ಸಹ ದುಂಬ ವಯಸಾನವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:37

ದೇವಕ್ ಮಾಡ್‌ವಕ್ ಕಯ್ಯತದ್‍ೕಂದ್, ಒಂದು ಇಲ್ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:50

ಯೇಸು ಇದ್‍ನ ಕ್‍ೕಟಿತ್: ನೀನ್ ಬೊತ್ತತೆ, ನನ್ನ ನಂಬ್, ಕುಂಞಿ ಚಾಯಾಪಾಂದ್ ಯಾಯಿರಂಗ್ ಎಣ್ಣ್‌ಚಿ.

ರೋಮ್ 4:21

ದೇವ ವಾಗ್ದಾನ ಮಾಡ್‍ನದ್‍ನ ನೆರೆವೇರಿಚಿಡುವಕ್ ಅಂವೊಂಗ್ ಶಕ್ತಿ ಉಂಡ್‍ೕಂದ್ ನಿಶ್ಚಯವಾಯಿತ್ ನಂಬ್‍ಚಿ.

ಎಫೆಸ 3:20

ಇಕ್ಕ, ನಂಗಡಲ್ಲಿ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡ್, ನಂಗ ಬೋಡ್‌ವಕು ಗೇನಮಾಡ್‌ವಕು ಜಾಸ್ತಿಯಾಯಿತ್ ದುಂಬ ಮಾಡ್‌ವಕ್ ಶಕ್ತಿವಂತನಾನ ಅಂವೊಂಗ್,

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.

ಫಿಲಿಪ್ಪಿ 4:13

ನಾಕ್ ಶಕ್ತಿ ತಪ್ಪ ಕ್ರಿಸ್ತನಗುಂಡ್ ನಾಕ್ ಎಲ್ಲಾನ ಮಾಡ್‌ವಕಯ್ಯು.

ಇಬ್ರಿಯ 11:19

ಇಸಾಕ ಚತ್ತ್ ಪೋಚೇಂಗಿಯು, ಅಂವೊನ ದೇವ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿ ಉಳ್ಳಂವೋಂದ್ ನಂಬ್‍ಚಿ, ಅನ್ನನೆ ಅಂವೊಂಗ್ ಇಸಾಕ ಪುನಃ ಚಾವ್‍ಯಿಂಜ ಕ್‍ಟ್ಟ್‌ನನೆಕೆ ಆಚಿ.