ಆದ್ಯತ್‌ರ ಪುಸ್ತಕ 18:1 - ಕೊಡವ ಬೈಬಲ್

¹ ಪಿಂಞ ಅಬ್ರಹಾಮ ಮಜ್ಜಣ ನೇರತ್‌ಲ್‌ ತಾಂಡ ಗುಡಾರತ್‌ರ ಪಡಿಲ್‌ ಅಳ್‌ತಿತ್‌ ಇಪ್ಪಕ, ಯೆಹೋವ ಮಮ್ರೆ ತೋಟತ್‌ರ ಪಕ್ಕತ್‌ ಅಂವೊಂಗ್‌ ಕಾಂಬ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 18:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:7

ಅಲ್ಲಿ ಯೆಹೋವ ಅಬ್ರಾಮಂಗ್‌ ಕಾಂಬ್‌ಚಿಟ್ಟಂಡ್: ಈ ದೇಶತ್‌ನ ನೀಡ ಸಂತಾನಕಾರಂಗಕ್‌ ತಪ್ಪೀಂದ್‌ ಎಣ್ಣ್‌ಚಿ. ಅಕ್ಕ ಅಂವೊ ತಾಂಗ್‌ ಕಾಂಬ್‌ಚಿಟ್ಟ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 13:18

ಪಿಂಞ ಅಬ್ರಾಮ ತಾಂಡ ಗುಡಾರತ್‌ನ ಹೆಬ್ರೋನ್‌ಲ್‌ ಉಳ್ಳ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ಇಟ್ಟಿತ್, ಯೆಹೋವಂಗ್‌ ಅಲ್ಲಿ ಓರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 14:13

ಅಯಿಂಗಡಲ್ಲಿ ತಪ್ಪ್‌ಚಿಟ್ಟ ಒಬ್ಬ ಇಬ್ರಿಯನಾನ ಅಮ್ರಾಮಂಡ ಪಕ್ಕ ಬಂದಿತ್‌ ಇದ್‌ನ ಎಣ್ಣ್‌ಚಿ. ಅಕ್ಕ ಅಬ್ರಾಮ ಅಮೋರಿಯನಾನ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ವಾಸಮಾಡಿಯಂಡಿಂಜತ್. ಮಮ್ರೆಯಂಗ್‌ ಎಷ್ಕೋಲ ಪಿಂಞ ಆನೇರ ಎಣ್ಣುವ ಬೆಂದ್‌ಕ ಇಂಜತ್. ಈ ದಂಡಾಳ್‌ಕು ಅಬ್ರಾಮಂಗು ಒಪ್ಪಂದ ಇಂಜತ್.

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:22

ದೇವ ಅಬ್ರಹಾಮಂಡ ಕೂಡೆ ತಕ್ಕ್‌ ಪರ್‌ಂದಿತಾನ ಪಿಂಞ ಅಂವೊನ ಬುಟ್ಟಿತ್‌ ಕೊಡಿಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 18:22

ಅಕ್ಕ ಆ ಆಣಾಳ್‌ವ ಸೊದೋಮ್ರ ಕಡೆಕ್‌ ಪೋಚಿ. ಆಚೇಂಗಿ, ಅಬ್ರಹಾಮ ಇಂಞು ಯೆಹೋವಂಡ ಮಿಂಞತ್‌ ನಿಂದಂಡಿಂಜತ್.

ಆದ್ಯತ್‌ರ ಪುಸ್ತಕ 20:1

ಅಬ್ರಹಾಮ ಆ ಜಾಗತ್‌ನ ಬುಟ್ಟಿತ್, ತೆಕ್ಕ್‌ ಸೀಮೆಲ್‌ ಉಳ್ಳ ನೆಗೆವ್‌ ಎಣ್ಣುವ ಜಾಗಕ್‌ ಪೋಪಕ್‌ ಪ್ರಯಾಣ ಮಾಡಿತ್, ಕಾದೇಶಿಕು ಶೂರುಕು ಮದ್ಯತ್‌ಲ್‌ ವಾಸಮಾಡ್‌ಚಿ. ಚೆನ್ನಕಾಲ ಗೆರಾರಿ ಎಣ್ಣುವ ಬಲ್ಯ ಊರಲ್‌ ಇಂಜತ್.

ಆದ್ಯತ್‌ರ ಪುಸ್ತಕ 26:2

ಅಲ್ಲಿ ಯೆಹೋವ ಅಂವೊಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನೀನ್‌ ಐಗುಪ್ತ ದೇಶಕ್‌ ಪೋಕತೆ, ನಾನ್‌ ನೀಕ್‌ ಎಣ್ಣುವ ದೇಶತ್‌ಲ್‌ ವಾಸ ಮಾಡಿಯಂಡಿರ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 35:27

ಯಾಕೋಬ ಮಮ್ರೆಕ್‌ ತಾಂಡ ಅಪ್ಪನಾನ ಇಸಾಕಂಡ ಪಕ್ಕ ಬಾತ್. ಮಮ್ರೆ ಕಿರ್ಯತರ್ಬಕ್‌ (ಇಕ್ಕ ಹೆಬ್ರೋನ್‌ಂದ್‌ ಕಾಕುವ) ಪಕ್ಕತ್‌ಲ್‌ ಉಂಡ್. ಅಲ್ಲಿಯೇ ಅಬ್ರಹಾಮನು ಇಸಾಕನು ವಾಸಮಾಡ್‌ಚಿ.

ಆದ್ಯತ್‌ರ ಪುಸ್ತಕ 48:3

ಯಾಕೋಬ ಯೋಸೇಫನ ನೋಟಿತ್: ಸರ್ವಶಕ್ತನಾನ ದೇವ ಕಾನಾನ್‌ ದೇಶತ್‌ರ ಲೂಜ್ ಎಣ್ಣುವ ಜಾಗತ್‌ಲ್‌ ಅಂವೊನ ನಾಕ್‍ ಕಾಂಬ್‌ಚಿಟ್ಟಿತ್, ನನ್ನ ಆಶೀರ್ವಾದ ಮಾಡಿತ್:

ಅಪೊಸ್ತಲ 7:2

ಅದ್ಂಗ್ ಸ್ತೆಫನ: ಅಣ್ಣತಮ್ಮಣಂಗಳೇ, ಪೆರಿಯಯಿಂಗಳೇ, ನಾನ್ ಎಣ್ಣ್‌ವಾನ ಕ್‍ೕಳಿ. ನಂಗಡ ಅಜ್ಜನಾನ ಅಬ್ರಹಾಮ ಖಾರಾನ ಎಣ್ಣ್‌ವ ಊರ್‌ಲ್ ಬಂದಿತ್ ವಾಸ ಮಾಡ್‌ವಕ್ ಮಿಂಞ, ಅಂವೊ ಮೆಸೊಪೊತಾಮ್ಯ ನಾಡ್‍ಲ್ ಇಪ್ಪಕಲೆ ಮಹಿಮೇರ ದೇವ ಅಂವೊಂಗ್ ಪ್ರತ್ಯಕ್ಷ ಆಚಿ.

ಇಬ್ರಿಯ 11:9

ನಂಬಿಕೇರ ಮೂಲಕ, ಅಂವೊ ವಾಗ್ದಾನತ್‍ರ ದೇಶತ್‍ಲ್ ಬೋರೆ ದೇಶತ್‍ರಂವೊನೆಕೆ ಇಂಜಂಡ್, ಆ ವಾಗ್ದಾನತ್‍ರ ಬಾದ್ಯತೆಕಾರಳಾನ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗುಡಾರತ್‍ಲ್ ವಾಸ ಮಾಡಿಯಂಡ್ ಇಂಜತ್.

ಇಬ್ರಿಯ 13:2

ನಿಂಗಕ್ ಗೊತ್ತ್‌ಲ್ಲತಯಿಂಗ ನಿಂಗಡ ಪಕ್ಕ ಬಪ್ಪಕ, ಅಯಿಂಗಳ ಸತ್ಕಾರ ಮಾಡಿ; ಅನ್ನನೆ ಮಾಡ್‍ನ ಚೆನ್ನ ಜನ ಅಯಿಂಗಕ್ ಗೊತ್ತಿಲ್ಲತೆ ದೇವದೂತಂಗಳ ಸಹ ಸತ್ಕಾರ ಮಾಡಿತುಂಡ್.