ಆದ್ಯತ್‌ರ ಪುಸ್ತಕ 17:5 - ಕೊಡವ ಬೈಬಲ್

⁵ ಇಂಞು ಮಿಂಞಕ್‌ ನೀಡ ಪೆದತ್‌ನ ಅಬ್ರಾಮಾಂದ್‌ ಎಣ್ಣುಲೆ, ನಾನ್‌ ನಿನ್ನ ದುಂಬ ಜನಾಂಗಕ್‌ ಅಪ್ಪನಾಯಿತ್‌ ಮಾಡ್‍ನಗುಂಡ್, ನೀಡ ಪೆದತ್‌ನ ಅಬ್ರಹಾಮಾಂದ್‌ ಎಣ್ಣುವ.

ಆದ್ಯತ್‌ರ ಪುಸ್ತಕ 17:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:15

ಇದ್‌ಲ್ಲತೆ ಯೆಹೋವ ಅಬ್ರಹಾಮಂಗ್: ನೀನ್‌ ಇಂಞು ಮಿಂಞಕ್‌ ನೀಡ ಪೊಣ್ಣ್‌ನ ಸಾರಯಾಂದ್‌ ಕಾಕತೆ, ಸಾರಾಳಾಂದ್‌ ಕಾಕಂಡು.

ಆದ್ಯತ್‌ರ ಪುಸ್ತಕ 32:28

ಅಕ್ಕ ಆ ಮನುಷ್ಯ: ನೀನ್‌ ದೇವಡ ಕೂಡೆಯು ಮನುಷ್ಯಂಡ ಕೂಡೆಯು ಪೋರಾಡಿತ್‌ ಗೆದ್ದಗುಂಡ್, ನೀಡ ಪೆದ ಇಂಞು ಮಿಂಞಕ್‌ ಯಾಕೋಬಾಂದ್‌ ಇಕ್ಕತೆ ಇಸ್ರಾಯೇಲ್‌ಾಂದ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 32:29

ಅಕ್ಕ ಯಾಕೋಬ: ನೀಡ ಪೆದ ಎಂತಾಂದ್‌ ಕ್‍ೕಪಕ, ನೀನ್‌ ಎನ್ನಂಗ್‌ ನಾಡ ಪೆದತ್‌ನ ಕ್‍ೕಪಿಯಾಂದ್‌ ಎಣ್ಣಿತ್‌ ಅಲ್ಲಿ ಅಂವೊನ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 35:10

ಇಕ್ಕ ನೀಡ ಪೆದ ಯಾಕೋಬ, ಇಂಞು ಮಿಂಞಕ್‌ ನಿನ್ನ ಯಾಕೋಬಾಂದ್‌ ಕಾಕತೆ, ಇಸ್ರಾಯೇಲ್‌ಾಂದ್‌ ಕಾಕುವಾಂದ್‌ ಎಣ್ಣಿತ್, ಅಂವೊಂಗ್‌ ಇಸ್ರಾಯೇಲ್‌ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಯೋಹಾನ 1:42

ಅಲ್ಲಿಂಜ ಅಂವೊ, ಪೇತ್ರನ ಯೇಸುರ ಪಕ್ಕ ಕಾಕಿಯಂಡ್ ಬಾತ್. ಯೇಸು ಅಂವೊನ ಕಾಂಬಕ: ನೀನ್ ಯೋಹಾನಂಡ ಮೋಂವೊ ಸೀಮೋನ, ಇಂದಿಂಜ ನೀಡ ಪೆದ ಕೇಫ ಎಣ್ಣಿಯಂಡ್ ಕಾಕುವಾಂದ್ ಎಣ್ಣ್‌ಚಿ. ಕೇಫ ಎಣ್ಣ್‌ಚೇಂಗಿ ಪೇತ್ರಾಂದ್ ಅರ್ಥ.

ರೋಮ್ 4:17

ದುಂಬ ಜಾತಿಯಂಗಕ್ ನಿನ್ನ ಅಪ್ಪನಾಯಿತ್ ಮಾಡ್‌ವೀಂದ್ ಒಳ್‍ದಿತುಳ್ಳನೆಕೆ, ಅಂವೊ ನಂಬ್‍ನಂವೊಂಡ ಮಿಂಞತ್ ಪಿಂಞ ಚತ್ತಯಿಂಗಳ ಪುನಃ ಜೀವತ್‍ಲ್ ಕೊಂಡ್ ಬಪ್ಪಂವೊಂಡ ಮಿಂಞತ್ ಪಿಂಞ ಇಲ್ಲತದ್‍ನ ಉಳ್ಳನೆಕೆ ಕಾಕ್‍ವಂವೊನಾಯಿತ್ತುಳ್ಳ ದೇವಡ ಮಿಂಞತ್‍ಲ್ ನಂಗ ಎಲ್ಲಾರ್‌ಕು ಅಪ್ಪನಾಯಿತ್ ಆಚಿ.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.