ಆದ್ಯತ್‌ರ ಪುಸ್ತಕ 17:4 - ಕೊಡವ ಬೈಬಲ್

⁴ ನಾನ್‌ ನೀಡ ಕೂಡೆ ಮಾಡುವ ಒಪ್ಪಂದ ಎಂತ ಎಣ್ಣ್‌ಚೇಂಗಿ, ನೀನ್‌ ದುಂಬ ಜನಾಂಗಕ್‌ ಅಪ್ಪನಾಪಿಯ.

ಆದ್ಯತ್‌ರ ಪುಸ್ತಕ 17:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 13:16

ನೀಡ ಸಂತಾನತ್‌ನ ಬೂಮಿರ ದೂಳ್‌ರಚ್ಚಕ್‌ ಬಲ್ಯದ್‌ ಮಾಡುವಿ. ಒಬ್ಬಂಗ್‌ ಬೂಮಿರ ದೂಳ್‌ನ ಲೆಕ್ಕ ಮಾಡುವಕ್‌ ಕಯ್ಯುವದಾಚೇಂಗಿ, ನೀಡ ಸಂತಾನತ್‌ನ ಸಹ ಲೆಕ್ಕ ಮಾಡುವಕ್‌ ಕಯ್ಯು.

ಆದ್ಯತ್‌ರ ಪುಸ್ತಕ 16:10

ಇಂಞು ಯೆಹೋವಂಡ ದೂತ ಹಾಗರನ ನೋಟಿತ್: ನೀಡ ಸಂತಾನತ್‌ನ ಬಲ್ಯದ್‌ ಮಾಡುವಿ; ಅದ್‌ ಬಲ್ಯದಾಯಿತ್‌ ಲೆಕ್ಕ ಮಾಡುವಕ್‌ ಕಯ್ಯತಚ್ಚಕ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:17

ನಾನ್‌ ನಿನ್ನ ನೇರಾಯಿತು ಆಶೀರ್ವಾದ ಮಾಡಿತ್, ನೀಡ ಸಂತಾನತ್‌ನ ಬಾನತ್‌ ಮೀನ್‌ರನೆಕೆಯು, ಕಡಕರೆಲ್‌ ಉಳ್ಳ ಮಣತ್‌ರನೆಕೆಯು ಲೆಕ್ಕ ಮಾಡುವಕಯ್ಯತಚ್ಚಕ್‌ ಆಪನೆಕೆ ಮಾಡುವಿ. ನೀಡ ಸಂತಾನಕಾರಂಗ ಅಯಿಂಗಡ ಶತ್‌ರುವಳ ಚೋಪ್‌ಚಿಡುವಾಂದು,

ಆದ್ಯತ್‌ರ ಪುಸ್ತಕ 25:23

ಯೆಹೋವ ಅವಕ್: ನೀಡ ಕೆಲತ್‌ಲ್‌ ದಂಡ್‌ ಜನಾಂಗ ಉಂಡ್; ದಂಡ್‌ ಜನಾಂಗ ನೀಡ ಕೆಲತ್‌ಂಜ ಬೋರೆ ಬೋರೆ ಆಯಿಪೋಪ. ಅದ್‌ಲ್‌ ಒಬ್ಬ ಇಂಞೊಬ್ಬಕಿಂಜಿ ಬಲಶಾಲಿ ಆಯಿತ್‌ಪ್ಪ. ಪೆರಿಯಂವೊ ಚೆರಿಯವಂಗ್‌ ಸೇವೆ ಮಾಡ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:3

ಸರ್ವಶಕ್ತತನಾನ ದೇವ ನಿನ್ನ ಆಶೀರ್ವಾದ ಮಾಡಿತ್, ನೀಕ್‌ ದುಂಬ ಸಂತಾನ ಕೊಡ್‌ತಿತ್, ನೀಡಗೊಂಡ್‌ ದುಂಬ ಜನಾಂಗ ಪುಟ್ಟಚ್.

ಆದ್ಯತ್‌ರ ಪುಸ್ತಕ 32:12

ಆಚೇಂಗಿ ನೀನ್‌ ನಲ್ಲದ್‌ನ ಮಾಡ್‌ವಿಯಾಂದ್‌ ನಾಕ್‍ ತಕ್ಕ್‌ ತಂದಿತುಳ್ಳಿಯ. ಪಿಂಞ ನಾಡ ಸಂತಾನತ್‌ನ ಕಡಕರೆಲ್‌ ಉಳ್ಳ ಮಣತ್‌ರನೆಕೆ ಲೆಕ್ಕ ಮಾಡ್‌ವಕಯ್ಯತಚ್ಚಕ್‌ ಮಾಡ್‌ವಿಯಾಂದ್‌ ತಕ್ಕ್‌ ತಂದಿತುಳ್ಳಿಯಾಂದ್‌ ಪ್ರಾರ್ಥನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 48:19

ಆಚೇಂಗಿ ಅಂವೊಂಡ ಅಪ್ಪ ಅದ್‌ಂಗ್‌ ಒತ್ತತೆ: ನಾನ್‌ ಎಂತ ಮಾಡಿಯಂಡುಳ್ಳ ಎಣ್ಣಿಯಂಡ್‌ ನಾಕ್‍ ಗೊತ್ತುಂಡ್‌ ನಾಡ ಮೋನೇ. ಮನಸ್ಸೆಯು ಬಲ್ಯ ಜನಾಂಗ ಆಪ. ಇಂವೊಂಡ ಸಂತಾನವೂ ಬಲ್ಯದಾಪ. ಆಚೇಂಗಿ ಇಂವೊಂಡ ತಮ್ಮಣ ಇಂವೊಂಗಿಂಜ ಇಂಞು ಬಲ್ಯ ಜನಾಂಗಳಾಪ. ಅಂವೊಂಡ ಸಂತಾನ ಎಚ್ಚಕೋ ಬಲ್ಯ ಜನಾಂಗಳಾಯಿತ್‌ ಬೊಳೆಯುವಾಂದ್‌ ಎಣ್ಣ್‌ಚಿ.