ಆದ್ಯತ್‌ರ ಪುಸ್ತಕ 17:23 - ಕೊಡವ ಬೈಬಲ್

²³ ಅದೇ ದಿವಸತ್‌ಲ್‌ ಅಬ್ರಹಾಮ ತಾಂಡ ಮೋಂವೊ ಇಷ್ಮಾಯೇಲನ ಪಿಂಞ ಅಂವೊಂಡ ಮನೆಲ್ ಪುಟ್ಟ್‌ನ ಎಲ್ಲಾ ಆಣಾಳ್‌ವಳ ಪಿಂಞ ಕ್ರಯಕ್‌ ಎಡ್‌ತ ಬಂದ ಎಲ್ಲಾ ಆಣಾಳ್‌ವಳ ಯೆಹೋವ ಎಣ್ಣ್‌ನನೆಕೆ ಸುನ್ನತಿ ಮಾಡಿಚಿಟ್ಟತ್.

ಆದ್ಯತ್‌ರ ಪುಸ್ತಕ 17:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:14

ಅಬ್ರಾಮಂಗ್‌ ತಾಂಡ ತಮ್ಮಣಂಡ ಮೋಂವೊನಾನ ಲೋಟನ ಪುಡಿಚಿತ್‍ೕಂದ್‌ ಗೊತ್ತಾನ ಪಿಂಞ ತಾಂಡ ಮನೆಲ್ಲೇ ಪುಟ್ಟಿ ಬೊಳ್‌ಂದ ಯುದ್ದ ಮಾಡುವಕ್ಕುಳ್ಳ ಮುನ್ನೂಟ್ಯ ಪದ್‌ನೆಟ್ಟ್‌ ಜನಡ ಪಡೆನ ತಯಾರ್‌ ಮಾಡಿತ್, ಅಯಿಂಗ ಪೊರ್‌ಟಿತ್‌ ಆ ರಾಜಂಗಳ ದಾನೂರ್‌ಕತ್ತನೆಕೆ ಓಡಿಚಿಟ್ಟಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 17:9

ಇದ್‌ಲ್ಲತೆ ಯೆಹೋವನಾನ ದೇವ ಅಬ್ರಹಾಮಂಗ್: ಇಕ್ಕ ನೀನು, ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನವು ನಾಡ ಒಪ್ಪದಂತ್‌ರ್‌ ಪ್ರಕಾರ ನಡ್‌ಕಂಡು.

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 34:24

ಅಕ್ಕ ಹಮೋರ ಪಿಂಞ ಅಂವೊಂಡ ಮೋಂವೊನಾನ ಶೆಕೆಮ ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್‌ ಊರ್‌ರ ಪೊರಮೆ ಪೋಪ ಎಲ್ಲಾ ಆಣಾಳ್‌ವ ಸುನ್ನತಿ ಮಾಡ್‌ಚಿಟ್ಟಂಡತ್.

ಜ್ಞಾನತ್‌ರ ಪಡಿಮ 27:1

ನಾಳೆರ ವಿಷಯತ್‌ ಕೊಚ್ಚಿಯೊತೆ. ಒರ್‌ ದಿನಕು ಎಂತ ಆಪ ಎಣ್ಣಿಯಂಡ್‌ ನೀಕ್‌ ಗೊತ್ತ್‌ಲೆಲ್ಲಾ.

ಅಪೊಸ್ತಲ 16:3

ತಿಮೊಥೆಯನ ತಾಂಡಕೂಡೆ ಕಾಕಿಯಂಡ್ ಪೋಪಕ್ ಪೌಲ ಕುಶೀಲ್ ಇಂಜತ್. ಆಚೇಂಗಿ, ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೋಂದ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಕ್ ಗೊತ್ತ್ಂಜಗುಂಡ್, ಅಯಿಂಗಕಾಯಿತ್ ತಿಮೊಥೆಯಂಗ್ ಅಂವೊ ಸುನ್ನತಿ ಮಾಡ್‍ಚಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:15

ಕ್ರಿಸ್ತ ಯೇಸುರ ವಿಷಯತ್‍ಲ್, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು ಒರ್ ಪ್ರಯೋಜನವು ಇಲ್ಲೆ, ಏದ್ ಮುಕ್ಯ ಎಣ್ಣ್‌ಚೇಂಗಿ, ನಂಗ ಅಂವೊಂಡ ಪುದಿಯ ಸೃಷ್ಟಿಯಾಯಿತ್ ಬದ್‍ಲಾಪದೇ.