ಆದ್ಯತ್‌ರ ಪುಸ್ತಕ 17:19 - ಕೊಡವ ಬೈಬಲ್

¹⁹ ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:11

ಅಲ್ಲಿಂಜ ಪುನಃ ದೇವದೂತ ಅವಕ್: ನೀನ್‌ ಇಕ್ಕ ಕುಳುಮೆಕಾರ್ತಿಯಾಯಿತ್‌ ಉಳ್ಳಿಯ, ನೀನ್‌ ಒರ್‌ ಕ್‌ಣ್ಣ ಕುಂಞಿನ ಪೆರುವಿಯ. ಯೆಹೋವ ನೀಡ ಕಷ್ಟತ್‌ರ ಮೊರೆನ ಕ್‍ೕಟನಗುಂಡ್‌ ಆ ಕುಂಞಿಕ್‌ ಇಷ್ಮಾಯೇಲ್‌ಂದ್‌ ಪೆದ ಬೆಕ್ಕಂಡು.

ಆದ್ಯತ್‌ರ ಪುಸ್ತಕ 17:16

ನಾನ್‌ ಅವಳ ಆಶೀರ್ವಾದ ಮಾಡಿತ್, ಅವಡ ಮೂಲಕ ನೀಕ್‌ ಒರ್‌ ಮೋಂವೊನ ತಪ್ಪಿ. ಅವ ದುಂಬ ಜನಾಂಗಕ್‌ ಅವ್ವಳಾಯಿತು, ಅವಡ ಮೂಲಕ ಅನೇಕ ಜನಾಂಗತ್‌ರ ರಾಜಂಗಳ ಪುಟ್ಟ್‌ಚಿಟ್ಟಿತು, ಅವಳ ಆಶೀರ್ವಾದ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:18

ಅಬ್ರಹಾಮ ದೇವಂಗ್: ಇಷ್ಮಾಯೇಲ್‌ ನೀಡ ಆಶೀರ್ವಾದತ್‌ನ ಅನುಬವಿಚಿಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:21

ಆಚೇಂಗಿ ನಾಡ ಒಪ್ಪಂದತ್‌ನ, ಸಾರಾಳ ನೀಕ್‌ ಪೆರುವ ಇಸಾಕಂಡ ಕೂಡೆ ಸ್ತಾಪನೆ ಮಾಡುವಿ. ಬಪ್ಪ ಕಾಲ ಇದೇ ಸಮಯತ್‌ ನೀಕು ಸಾರಾಳಕು ಇಸಾಕ ಪುಟ್ಟ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 21:6

ಅಕ್ಕ ಸಾರಳ: ದೇವ ನನ್ನ ಕುಶಿಲ್‌ ತೆಳಿಪನೆಕೆ ಮಾಡ್‌ಚಿ. ಈ ವಿಷಯತ್‌ನ ಕ್‍ೕಪಯಿಂಗೆಲ್ಲ ನಾಡ ಕೂಡೆ ಕುಶಿಲ್‌ ತೆಳಿಪ.

ಆದ್ಯತ್‌ರ ಪುಸ್ತಕ 26:2

ಅಲ್ಲಿ ಯೆಹೋವ ಅಂವೊಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನೀನ್‌ ಐಗುಪ್ತ ದೇಶಕ್‌ ಪೋಕತೆ, ನಾನ್‌ ನೀಕ್‌ ಎಣ್ಣುವ ದೇಶತ್‌ಲ್‌ ವಾಸ ಮಾಡಿಯಂಡಿರ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:3

ನೀನ್‌ ಈ ದೇಶತ್‌ಲ್‌ ಚೆನ್ನ ಕಾಲ ವಾಸ ಮಾಡ್. ನಾನ್‌ ನೀಡ ಕೂಡೆ ಇಂಜಿತ್, ನಿನ್ನ ಆಶೀರ್ವಾದ ಮಾಡುವಿ; ನಾನ್‌ ನೀಕು ನೀಡ ಸಂತಾನಕು ಈ ದೇಶತ್‌ನೆಲ್ಲ ತಂದಿತ್‌ ನೀಡ ಅಪ್ಪನಾನ ಅಬ್ರಹಾಮಂಗ್‌ ಮಾಡ್‌ನ ಆಣೆನ ನೆರೆವೇರಿಚಿಡುವಿ.

ಆದ್ಯತ್‌ರ ಪುಸ್ತಕ 9:16

ಆ ಮಳೆ ಬಿಲ್ಲ್‌ನ ಬಾನತ್‌ಲ್‌ ಕಂಡ್‌ ಬಪ್ಪಕ, ನಾಕೂ ಬೂಮಿಲ್‌ ಜೀವಂತವಾಯಿತುಳ್ಳ ಜೀವಿಯಡ ಕೂಡೆ ಉಳ್ಳ ನಿತ್ಯ ಒಪ್ಪಂದತ್‌ನ ಗೇನಮಾಡಿಯೊವೀಂದ್‌ ಎಣ್ಣ್‌ಚಿ.

ಇಬ್ರಿಯ 11:11

ನಂಬಿಕೇರ ಮೂಲಕ, ಸಾರಳ ಸಹ, ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೋಂದ್ ನಂಬಿತ್, ಕುಂಞಿ ಪೆರುವಕುಳ್ಳ ವಯಸ್ ಆಯಿಪೋಯಿತ್ಂಜತೇಂಗಿಯು, ಕೆಲಕರ್ತಿ ಆಪಕುಳ್ಳ ಶಕ್ತಿನ ಪಡ್ಂದಿತ್ ಕುಂಞಿನ ಪೆತ್ತತ್.