ಆದ್ಯತ್‌ರ ಪುಸ್ತಕ 17:18 - ಕೊಡವ ಬೈಬಲ್

¹⁸ ಅಬ್ರಹಾಮ ದೇವಂಗ್: ಇಷ್ಮಾಯೇಲ್‌ ನೀಡ ಆಶೀರ್ವಾದತ್‌ನ ಅನುಬವಿಚಿಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:17

ಅಕ್ಕ ಅಬ್ರಹಾಮ ಅಡ್ಡ ಬದ್ದಿತ್: ನೂರ್‌ ವಯಸ್ಸಾನಪಿಂಞ ನಾಕ್‍ ಮೊಂವೊ ಪುಟ್ಟ್‌ವೋ? ತೊಂಬದ್‌ ವಯಸ್ಸಾನ ಸಾರಾಳ್‌ಕ್‌ ಕುಂಞಿನ ಪೆರುವಕಯ್ಯುವಾಂದ್‌ ತಾಂಡ ಹೃದಯತ್‌ಲ್‌ ಗೇನ ಮಾಡಿತ್‌ ಮನಸ್ಸ್‌ಲೇ ತೆಳ್‌ಚತ್.

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 21:11

ತಾಂಡ ಮೋಂವೊಂಡ ವಿಷಯತ್‌ ಎಣ್ಣ್‌ನ ಈ ಕಾರ್ಯ ಅಬ್ರಹಾಮನ ದುಂಬ ಬೇಜಾರ್‌ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 4:12

ನೀನ್‌ ಬೂಮಿನ ಎಚ್ಚಕ್‌ ಕಷ್ಟಪಟ್ಟಿತ್‌ ವ್ಯವಸಾಯ ಮಾಡ್‌ಚೇಂಗಿಯು ಅದ್‌ ಇಂಞು ಮಿಂಞಕ್‌ ಬೊಳೆ ತಪ್ಪ್‌ಲೆ, ಇಕ್ಕಯಿಂಞ ನೀನ್‌ ಈ ಬೂಮಿಲ್‌ ಮನೆ ಇಲ್ಲತೆ ತಿರ್‌ಗಾಡ್‌ವಂವೊನಾಯಿತ್‌ಪ್ಪಿಯಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 4:14

ಇಕ್ಕ ನೀನ್‌ ನನ್ನ ಈ ಜಾಗತಿಂಜ, ನೀಡ ಪ್ರಸನ್ನತ್‌ಂಜ ಓಟಿಚಿಟ್ಟಂಡುಳ್ಳಿಯ; ನನ್ನ ಒರ್‌ ಅಲೆಮಾರಿಯಾಯಿತ್‌ ಮಾಡಿತುಳ್ಳಿಯ. ನನ್ನ ದರಾಚೇಂಗಿ ಕಂಡತೇಂಗಿ ನನ್ನ ಕೊಂದ್ರುವಾಂದ್‌ ಎಣ್ಣ್‌ಚಿ.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.