ಆದ್ಯತ್‌ರ ಪುಸ್ತಕ 17:17 - ಕೊಡವ ಬೈಬಲ್

¹⁷ ಅಕ್ಕ ಅಬ್ರಹಾಮ ಅಡ್ಡ ಬದ್ದಿತ್: ನೂರ್‌ ವಯಸ್ಸಾನಪಿಂಞ ನಾಕ್‍ ಮೊಂವೊ ಪುಟ್ಟ್‌ವೋ? ತೊಂಬದ್‌ ವಯಸ್ಸಾನ ಸಾರಾಳ್‌ಕ್‌ ಕುಂಞಿನ ಪೆರುವಕಯ್ಯುವಾಂದ್‌ ತಾಂಡ ಹೃದಯತ್‌ಲ್‌ ಗೇನ ಮಾಡಿತ್‌ ಮನಸ್ಸ್‌ಲೇ ತೆಳ್‌ಚತ್.

ಆದ್ಯತ್‌ರ ಪುಸ್ತಕ 17:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:18

ಅಬ್ರಹಾಮ ದೇವಂಗ್: ಇಷ್ಮಾಯೇಲ್‌ ನೀಡ ಆಶೀರ್ವಾದತ್‌ನ ಅನುಬವಿಚಿಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:3

ಅಕ್ಕ ಅಬ್ರಾಮ ಅಡ್ಡಬುದ್ದತ್. ದೇವ ಅಂವೊಂಡ ಕೂಡೆ ತಕ್ಕ್‌ ಪರ್‌ಂದಿತ್:

ಆದ್ಯತ್‌ರ ಪುಸ್ತಕ 18:11

ಅಬ್ರಹಾಮ ಪಿಂಞ ಸಾರಳಂಗ್‌ ದುಂಬ ವಯಸ್ಸಾಯಿತ್‌ಂಜನಗುಂಡ್‌ ಅವಕ್‌ ಮಕ್ಕ ಆಪ ಕಾಲ ದಾಟಿ ಪೋಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 18:12

ಅದ್‌ಂಗ್‌ ಸಾರಳ ಅವಡ ಮನಸ್ಸ್‌ರ ಒಳ್‌ಲ್‌ ತೆಳ್‌ಚಿತ್: ನಾನ್‌ ಮುದುಕಿಯು, ನಾಡ ವಡಿಯ ಪಣ್ಣ್‌ ಮುದುಕನು ಆಯಿತ್‌ಪ್ಪಕ ನಾಕೆಲ್ಲಿಂಜ ಆ ಸುಖಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:5

ತಾಂಡ ಮೋಂವೊನಾನ ಇಸಾಕ ಪುಟ್ಟ್‌ವಕ ಅಬ್ರಹಾಮಂಗ್‌ ನೂರ್‌ ವಯಸ್ ಆಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 21:6

ಅಕ್ಕ ಸಾರಳ: ದೇವ ನನ್ನ ಕುಶಿಲ್‌ ತೆಳಿಪನೆಕೆ ಮಾಡ್‌ಚಿ. ಈ ವಿಷಯತ್‌ನ ಕ್‍ೕಪಯಿಂಗೆಲ್ಲ ನಾಡ ಕೂಡೆ ಕುಶಿಲ್‌ ತೆಳಿಪ.

ಆದ್ಯತ್‌ರ ಪುಸ್ತಕ 21:7

ಸಾರಳು ಮಕ್ಕಕ್‌ ಮೊಲೆಪಾಲ್‌ ಕೊಡ್‌ಪಾಂದ್‌ ಅಬ್ರಹಾಮಂಗ್‌ ದಾರೇಂಗಿ ಎಣ್ಣ್‌ವಕ್‌ ಸಾದ್ಯತೆ ಇಂಜತಾ? ಆಚೇಂಗಿಯು ಅಬ್ರಹಾಮಂಡ ವಯಸ್ಸಾನ ಕಾಲತ್‌ಲ್‌ ಒರ್‌ ಮೋಂವೊನ ಪೆತ್ತ್‌ ಕೊಡ್‌ತಿಯೇಂದ್‌ ಎಣ್ಣ್‌ಚಿ.

ಮತ್ತಾಯ 2:11

ಅಯಿಂಗ ಆ ಮನೆರ ಒಳ್‍ಕ್ ಪೋಪಂಜಿ ಅಲ್ಲಿ ಆ ಕುಂಞಿನೂ ಕುಂಞಿರ ಅವ್ವ ಮರಿಯಳನೂ ಕಂಡತ್. ಕಂಡ ಪಿಂಞ ಅಯಿಂಗ ಮೊಣಕಾಲ್ ಊರಿತ್ ಅಂವೊನ ಆರಾದನೆ ಮಾಡ್‍ಚಿ. ಅಯಿಂಗ ಗಂಟ್‍ನ ತೊರಂದಿತ್ ಪೊನ್ನ್, ದೂಪ, ರಕ್ತಬೋಳನೆಲ್ಲ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:18

ಅಕ್ಕ ಜಕರಿಯ ದೇವದೂತಂಗ್: ನಾಕ್ ಇನ್ನನೆ ಆಪಾಂದ್ ಎನ್ನನೆ ಗೊತ್ತಾಪ? ನಾನ್ ವಯಸ್ಸಾನಂವೊ ನಾಡ ಪೊಣ್ಣ್ ಸಹ ದುಂಬ ವಯಸಾನವಾಂದ್ ಎಣ್ಣ್‌ಚಿ.

ಯೋಹಾನ 8:56

ನಿಂಗಡ ಮುತ್ತಜ್ಜನಾನ ಅಬ್ರಹಾಮ ನಾನ್ ಬಪ್ಪ ದಿವಸತ್‍ನ ಕಾಂಬಕ್ ಕುಶೀಲ್ ಇಂಜತ್, ಅದ್‍ನ ಕಂಡಿತ್ ಅಂವೊಂಗ್ ಕುಶಿ ಆಚೀಂದ್ ಎಣ್ಣ್‌ಚಿ.

ಪ್ರಕಟನೆ 11:16

ಅಕ್ಕ, ದೇವಡ ಮಿಂಞತ್‍ಲ್ ಅಯಿಂಗಯಿಂಗಡ ಸಿಂಹಾಸನತ್‍ಲ್ ಅಳ್‍ತಂಡಿಂಜ ಇರುವತ ನಾಲ್ ಪೆರಿಯಯಿಂಗಳು, ಅಡ್ಡ ಬುದ್ದಿತ್ ದೇವನ ಆರಾದನೆ ಮಾಡ್‍ಚಿ.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ: