ಆದ್ಯತ್‌ರ ಪುಸ್ತಕ 17:16 - ಕೊಡವ ಬೈಬಲ್

¹⁶ ನಾನ್‌ ಅವಳ ಆಶೀರ್ವಾದ ಮಾಡಿತ್, ಅವಡ ಮೂಲಕ ನೀಕ್‌ ಒರ್‌ ಮೋಂವೊನ ತಪ್ಪಿ. ಅವ ದುಂಬ ಜನಾಂಗಕ್‌ ಅವ್ವಳಾಯಿತು, ಅವಡ ಮೂಲಕ ಅನೇಕ ಜನಾಂಗತ್‌ರ ರಾಜಂಗಳ ಪುಟ್ಟ್‌ಚಿಟ್ಟಿತು, ಅವಳ ಆಶೀರ್ವಾದ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:28

ಪಿಂಞ ದೇವ ಅಯಿಂಗಕ್: ನಿಂಗ ಬೂಮಿಲ್‌ ಫಲ ಕೊಡ್‌ತಿತ್, ಅಬಿವೃದ್ದಿ ಪೊಂದಿತ್‌ ಬೂಮಿನ ದುಂಬಿತ್‌ ಅದನ ಆಳ್‌ವಿಕೆ ಮಾಡಿ. ಕಡಲ್‌ಲ್‌ ಉಳ್ಳ ಎಲ್ಲಾ ಮೀನ್‌ರ ಮೇಲೆಯು, ಬಾನತ್‌ರ ಪಕ್ಷಿಯಡ ಮೇಲೆಯು ಪಿಂಞ ಬೂಮಿಲ್‌ ನಡ್‌ಪ ಎಲ್ಲಾ ಪ್ರಾಣಿಯಡ ಮೇಲೆಯು ಆಳ್‌ವಿಕೆ ಮಾಡೀಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 15:4

ಅಕ್ಕ ಯೆಹೋವಂಡ ತಕ್ಕ್‌ ಅಂವೊಂಗ್‌ ಬಂದಿತ್: ನೀಡ ಆಳ್‌ ನೀಕ್‌ ಬಾದ್ಯಸ್ತನಾಪುಲೆ, ನೀಡ ಪೊಟ್ಟೆಲ್‌ ಪುಟ್ಟ್‌ವಂವೊನೇ ನೀಕ್‌ ಬಾದ್ಯಸ್ತನಾಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:15

ಇದ್‌ಲ್ಲತೆ ಯೆಹೋವ ಅಬ್ರಹಾಮಂಗ್: ನೀನ್‌ ಇಂಞು ಮಿಂಞಕ್‌ ನೀಡ ಪೊಣ್ಣ್‌ನ ಸಾರಯಾಂದ್‌ ಕಾಕತೆ, ಸಾರಾಳಾಂದ್‌ ಕಾಕಂಡು.

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 17:6

ನೀಕ್‌ ದುಂಬ ಸಂತಾನತ್‌ನ ತಪ್ಪಿ. ನೀಡಗುಂಡ್‌ ದುಂಬ ಜನಾಂಗಳ ಪುಟ್ಟ್‌ಚಿಡುವಿ. ನೀಡಗುಂಡ್‌ ಅನೇಕ ರಾಜಂಗ ಪುಟ್ಟ್‌ವ.

ಆದ್ಯತ್‌ರ ಪುಸ್ತಕ 21:1

ಯೆಹೋವ ಎಣ್ಣ್‌ನನೆಕೆ ಅಂವೊ ಸಾರಳಡ ಮೇಲೆ ಕನಿಕರ ಕಾಟ್‌ಚಿ. ಯೆಹೋವ ಅವಕ್‌ ಕೊಡ್‌ತ ತಕ್ಕ್‌ನ ನೆರವೇರಿಚಿಟ್ಟತ್.

ಆದ್ಯತ್‌ರ ಪುಸ್ತಕ 24:60

ಪಿಂಞ ಅಯಿಂಗ ರೆಬೆಕ್ಕಂಗ್: ನಂಗಡ ತಂಗೆಯೇ, ನೀನ್‌ ಆಯಿರಾಯಿರ ಜನಕ್‌ ಅವ್ವಳಯಿತ್‌ ಆಂಡು. ನೀಡ ಸಂತಾನ ತಂಗಡ ಶತ್‌ರುವಡ ಪಟ್ಟಣತ್‌ನ ಸ್ವಂತವಾಯಿತ್‌ ಮಾಡಿಯೊಡ್‍ೕಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 25:23

ಯೆಹೋವ ಅವಕ್: ನೀಡ ಕೆಲತ್‌ಲ್‌ ದಂಡ್‌ ಜನಾಂಗ ಉಂಡ್; ದಂಡ್‌ ಜನಾಂಗ ನೀಡ ಕೆಲತ್‌ಂಜ ಬೋರೆ ಬೋರೆ ಆಯಿಪೋಪ. ಅದ್‌ಲ್‌ ಒಬ್ಬ ಇಂಞೊಬ್ಬಕಿಂಜಿ ಬಲಶಾಲಿ ಆಯಿತ್‌ಪ್ಪ. ಪೆರಿಯಂವೊ ಚೆರಿಯವಂಗ್‌ ಸೇವೆ ಮಾಡ್‌ವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 36:31

ಇಸ್ರಾಯೇಲ್‌ರ ರಾಜಂಗ ಆಳ್‌ವಕ್‌ ಮಿಂಞಲೇ ಎದೋಮ್‌ ದೇಶತ್‌ನ ಆಳಿಯಂಡಿಂಜ ರಾಜಂಗ ದಾರ್‌ ಎಣ್ಣ್‌ಚೇಂಗಿ:

ರೋಮ್ 9:9

ಸರಿಯಾನ ಸಮಯತ್‍ಲ್ ನಾನ್ ಬಪ್ಪಿ, ಅಕ್ಕ ಸಾರಾಳ ಒರ್ ಮೋಂವೊನ ಪೆರುವಾಂದ್ ಎಣ್ಣ್‌ನದೇ ಆ ವಾಗ್ದಾನ.

ಗಲಾತ್ಯ 4:23

ಅಂವೊಂಡ ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ, ಮನುಷ್ಯಂಡ ಪ್ರಯತ್ನತ್‍ನಗುಂಡ್ ಪುಟ್ಟ್‌ಚಿ. ಆಚೇಂಗಿ ಸ್ವಾವಂತ್ರವಾನ ಅಂವೊಂಡ ಪೊಣ್ಣ್‌ಕ್ ಪುಟ್ಟ್‌ನಂವೊ, ದೇವಡ ವಾಗ್ದಾನತ್‍ನ ಪೂರ್ತಿ ಮಾಡ್‌ವನೆಕೆ ಪುಟ್ಟ್‌ಚಿ.

1 ಪೇತ್ರ 3:6

ಅನ್ನನೆ, ಸಾರಳ ತಾಂಡ ವಡಿಯನಾನ ಅಬ್ರಹಾಮನ, ಒಡೆಯಾಂದ್ ಕಾಕಿತ್, ಅಂವೊಂಗ್ ಬಗ್ಗಿತ್ ಇಂಜತ್. ನಿಂಗ ನಲ್ಲದ್ ಮಾಡಿತ್ ದಾರ್‌ಕು ಬೊತ್ತ್‌ವಕ್ ಜಾಗ ಕೊಡ್‍ಕತೆ ಇಂಜತೇಂಗಿ ನಿಂಗಳು ಅವಡ ಮೋಳಿಯಂಗಳಾಯಿತ್‌ಪ್ಪಿರ.