ಆದ್ಯತ್‌ರ ಪುಸ್ತಕ 16:13 - ಕೊಡವ ಬೈಬಲ್

¹³ ಅದ್‌ಂಗ್‌ ಹಾಗರ: ನನ್ನ ನೋಟ್‌ವಂವೊನ ನಾನ್‌ ಸಹ ನೋಟ್‌ನಲ್ಲಾಂದ್‌ ಎಣ್ಣಿತ್, ತಾಂಡ ಕೂಡೆ ತಕ್ಕ್‌ ಪರ್‌ಂದ ಯೆಹೋವಂಗ್‌ ನೀನ್‌ ನನ್ನ ಕಾಂಬ ದೇವಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 16:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:7

ಯೆಹೋವಂಡ ದೂತ ಅವಳ ಮಣಬೂಮಿಲ್‌ ಶೂರಿ ಎಣ್ಣುವ ಊರ್‌ಕ್‌ ಪೋಪ ಬಟ್ಟೆಲ್‌ ಉಳ್ಳ ಬುಗ್ಗೆರ ಪಕ್ಕ ಇಪ್ಪಕ ಕಂಡತ್.

ಆದ್ಯತ್‌ರ ಪುಸ್ತಕ 22:14

ಅಬ್ರಹಾಮ ಆ ಜಾಗಕ್‌ ಯೆಹೋವಯೀರೆ ಎಣ್ಣಿಯಂಡ್‌ ಪೆದ ಬೆಚ್ಚತ್. ಯೆಹೋವಂಡ ಕುಂದ್‌ಲ್‌ ನಂಗಕ್‌ ಬೋಂಡಿಯಾನದ್‌ನ ತಪ್ಪ ಎಣ್ಣಿಯಂಡ್‌ ಇಕ್ಕಲು ಜನ ಎಣ್ಣುವ.

ಆದ್ಯತ್‌ರ ಪುಸ್ತಕ 28:17

ಅಕ್ಕ, ಅಂವೊಂಗ್‌ ಪೋಡಿಯಾಯಿತ್: ಎಂತ ಒರ್‌ ಬಯಂಗರವಾನ ಜಾಗ ಇದ್‌! ಇದ್‌ ನೇರಾಯಿತು ದೇವಡ ಮನೆ ಅಲ್ಲತೆ ಬೋರೆ ಏದು ಇಲ್ಲೆ. ಇದ್‌ ಸ್ವರ್‌ಗಕ್‌ ಉಳ್ಳ ಪಡೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 31:42

ನಾಡ ಅಪ್ಪಂಡ ದೇವನಾನ ಅಬ್ರಹಾಮಂಡ ದೇವನು, ಇಸಾಕ ಪೋಡಿ ಬೆಚ್ಚಿತ್‌ಂಜ ದೇವನು ನಾಡ ಕೂಡೆ ಇಲ್ಲತೆ ಪೋಯಿತ್‌ಂಜತೇಂಗಿ ನೀನ್‌ ನನ್ನ ಬರಿ ಕೈಲ್‌ ಅಯಿಚಿರುವಯಿಂಜಿಯ. ಆಚೇಂಗಿ ದೇವ ನಾಡ ಕಷ್ಟತ್‌ನ ಪಿಂಞ ನಾನ್‌ ನಯಿಚದ್‌ನ ಕಂಡಾಂಗ್‌ ನಿನ್ನಾಂದ್‌ ಬಯಿಟ್ ದೇವ ನಿನ್ನ ಚೂಕ್‌ಚಿಟ್ಟತ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 32:30

ಅಕ್ಕ ಯಾಕೋಬ: ನಾನ್‌ ದೇವಡ ಮೂಡ್‌ನ ನೋಟ್‌ನ ಆಚೇಂಗಿಯು, ನಾಡ ಜೀವ ಉಳ್‌ಂಜತಲ್ಲಾಂದ್‌ ಎಣ್ಣಿತ್‌ ಆ ಜಾಗಕ್‌ ಪೆನೀಯೇಲ್‌ಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 32:31

ತೊಡೆರ ನೊಂಬಲತ್‌ರಗುಂಡ್‌ ಅಂವೊ ಕುಂಟಿಯಂಡ್‌ ಪೆನೀಯೇಲ್‌ ಜಾಗತ್‌ನ ಬುಟ್ಟಿತ್‌ ಪೋಪಕ ಸೂರ್ಯ ಕೊಡಿಕ್‌ ಬಾತ್.

ಜ್ಞಾನತ್‌ರ ಪಡಿಮ 15:3

ಯೆಹೋವಂಡ ದೃಷ್ಟಿ ಎಲ್ಲಾ ಜಾಗತ್‌ಲು ಇಂಜಂಡ್, ನಲ್ಲಯಿಂಗಳ ಪಿಂಞ ಕೆಟ್ಟಯಿಂಗಳ ಎಚ್ಚರತ್‌ಲ್‌ ನೋಟಿಯಂಡ್‌ ಉಂಡ್.

ಜ್ಞಾನತ್‌ರ ಪಡಿಮ 5:21

ಒರ್‌ ಮನುಷ್ಯ ಮಾಡ್‌ವ ಎಲ್ಲಾ ಕಾರ್ಯವು ಯೆಹೋವಂಗ್‌ ಚಾಯಿತೆ ಕಾಂಬ. ಆ ಮನುಷ್ಯ ಎಡ್‌ಪ ಪ್ರತಿಯೊರ್‌ ಬಟ್ಟೆನ ಯೆಹೋವ ಪರೀಕ್ಷೆ ಮಾಡುವ.