ಆದ್ಯತ್‌ರ ಪುಸ್ತಕ 16:10 - ಕೊಡವ ಬೈಬಲ್

¹⁰ ಇಂಞು ಯೆಹೋವಂಡ ದೂತ ಹಾಗರನ ನೋಟಿತ್: ನೀಡ ಸಂತಾನತ್‌ನ ಬಲ್ಯದ್‌ ಮಾಡುವಿ; ಅದ್‌ ಬಲ್ಯದಾಯಿತ್‌ ಲೆಕ್ಕ ಮಾಡುವಕ್‌ ಕಯ್ಯತಚ್ಚಕ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 16:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:16

ನೀಡ ಸಂತಾನತ್‌ನ ಬೂಮಿರ ದೂಳ್‌ರಚ್ಚಕ್‌ ಬಲ್ಯದ್‌ ಮಾಡುವಿ. ಒಬ್ಬಂಗ್‌ ಬೂಮಿರ ದೂಳ್‌ನ ಲೆಕ್ಕ ಮಾಡುವಕ್‌ ಕಯ್ಯುವದಾಚೇಂಗಿ, ನೀಡ ಸಂತಾನತ್‌ನ ಸಹ ಲೆಕ್ಕ ಮಾಡುವಕ್‌ ಕಯ್ಯು.

ಆದ್ಯತ್‌ರ ಪುಸ್ತಕ 16:9

ಅದ್‌ಂಗ್‌ ಯೆಹೋವಂಡ ದೇವದೂತ ಅವಕ್: ನೀನ್‌ ನೀಡ ಎಜಮಾನಿರ ಪಕ್ಕ ತಿರಿತ್‌ ಪೋ. ಅವಡ ಅದಿಕಾರಕ್‌ ತಗ್ಗಿತ್‌ ನಡೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:20

ಇಷ್ಮಾಯೇಲಂಡ ವಿಷಯತ್‌ಲ್‌ ನೀನ್‌ ಬೋಡ್‌ನದ್‌ ನಾಕ್‍ ಕ್‍ೕಟತ್; ನಾನ್‌ ಅಂವೊನ ಆಶೀರ್ವಾದ ಮಾಡಿತ್, ಅಂವೊನ ಅಬಿವೃದ್ದಿ ಪೊಂದ್ವನೆಕೆ ಮಾಡಿತ್, ಅಂವೊಂಡ ಸಂತಾನ ಬಲ್ಯದಾಪಕ್‌ ಮಾಡುವಿ. ಅಂವೊ ಪನ್ನೆರಂಡ್‌ ಕುಲಕ್‌ ರಾಜಕುಮಾರನ ಪಡೆಯುವ. ಅಂವೊನ ಬಲ್ಯ ಜನಾಂಗಳಾಯಿತ್‌ ಮಾಡುವಿ.

ಆದ್ಯತ್‌ರ ಪುಸ್ತಕ 21:13

ಹಾಗರಂಡ ಮೋಂವೊನು ನೀಡ ಮೋಂವೊ ಆನಂಗ್, ಅಂವೊಂಡ ಸಂತಾನತ್‌ನ ಸಹ ನಾನ್‌ ಬಲ್ಯ ಜನಾಂಗವಾಯಿತ್‌ ಮಾಡ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:16

ಈ ಕುಂಞಿ ಚಾವದ್‌ನ ನಾನ್‌ ನೋಟೊಕಯ್ಯುಲೇಂದ್‌ ಚೆನ್ನ ದೂರತ್‌ಲ್‌ ಪೋಯಿತ್‌ ಅಳ್‌ತಿತ್‌ ಜೋರಾಯಿತ್‌ ಮೊರ್‌ಟತ್.

ಆದ್ಯತ್‌ರ ಪುಸ್ತಕ 21:18

ನೀನ್‌ ಎದ್ದಿತ್‌ ಅಂವೊನ ಸಮಾದಾನ ಮಾಡ್. ನಾನ್‌ ಅಂವೊನ ಬಲ್ಯ ಜನಾಂಗವಾಯಿತ್‌ ಮಾಡ್‌ವೀಂದ್‌ ಎಣ್ಣ್‌ಚಿ.

ಮಲಾಕಿ 3:1

ಇದಾ! ನಾನ್‌ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್‌ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.