ಆದ್ಯತ್‌ರ ಪುಸ್ತಕ 16:1 - ಕೊಡವ ಬೈಬಲ್

¹ ಅಮ್ರಾಮಂಡ ಪೊಣ್ಣ್‌ ಆನ ಸಾರಯಳ್‌ಕ್‌ ಮಕ್ಕಯಿಂಜ್‌ತ್‌ಲ್ಲೆ. ಐಗ್ತುಪ ದೇಶಕ್‌ ಕೂಡ್‌ನ ಹಾಗರ ಎಣ್ಣುವ ಒರ್‌ ಅಡಿಯಾಳ್‌ ಪಣಿಕಾರ್ತಿ ಅವಕ್‌ ಇಂಜತ್.

ಆದ್ಯತ್‌ರ ಪುಸ್ತಕ 16:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:30

ಸಾರಯ್‌ ಗೊಡ್ಡಿಯಾಯಿತ್‌ಂಜನಗುಂಡ್‌ ಅವಕ್‌ ಮಕ್ಕ ಇಂಜಿತ್‌ಲೆ.

ಆದ್ಯತ್‌ರ ಪುಸ್ತಕ 12:16

ಅವಳಗುಂಡ್‌ ಫರೋಹನ ಅಬ್ರಾಮನ ತಕ್ಕರಿಚಿಟ್ಟತ್. ಅಬ್ರಾಮಂಗ್‌ ಕೊರಿ, ಎತ್ತ್‌ಕಡ್‌ಚಿಯ, ಆಣ್‍ ಪೊಣ್ಣ್‌ ಕತ್ತೆಯ ಪಣಿಕಾರಂಗ ಪಣಿಕಾರ್ತಿಯಳ ಪಿಂಞ ಒಂಟೆಯಳ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 15:21

ಅಮೋರಿಯಂಗ, ಕಾನಾನ್ಯಯಂಗ ಗಿರ್‌ಗಾಷಿಯಂಗ ಯೆಬೂಸಿಯಂಗೆಲ್ಲಾ ವಾಸಮಾಡಿಯಂಡುಳ್ಳ ದೇಶತ್‌ನ ಕೊಡ್‌ತಿತುಳ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:12

ಆಚೇಂಗಿ ದೇವ ಅಂವೊಂಗ್: ನೀನ್‌ ಆ ಮೋಂವೊಂಡ ಪಿಂಞ ಆ ಪಣಿಕಾರ್ತಿರ ವಿಷಯತ್‌ ಬೇಜಾರ್‌ ಮಾಡಂಡ. ನೀಡ ಮೋಂವೊ ಇಸಾಕಂಡ ಮೂಲಕ ಪುಟ್ಟ್‌ವಯಿಂಗಳೇ ನೀಡ ಸಂತಾನಕ್‌ ಲೆಕ್ಕ ಆಪ. ಆನಗುಂಡ್‌ ಸಾರಳ ಎಣ್ಣ್‌ವನೆಕೆ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:21

ಅಂವೊ ಪಾರಾನ ಎಣ್ಣುವ ಮಣಬೂಮಿಲ್‌ ವಾಸ ಮಾಡಿಯಂಡಿಪ್ಪಕ, ಅಂವೊಂಡ ಅವ್ವ ಐಗುಪ್ತ ದೇಶಕ್‌ ಕೂಡ್‌ನ ಒರ್‌ ಮೂಡಿನ ಅಂವೊಂಗ್‌ ಮಂಗಲ ಕಯಿಚತ್.

ಆದ್ಯತ್‌ರ ಪುಸ್ತಕ 25:21

ಅವಕ್‌ ಮಕ್ಕ ಇಂಜಿತ್‌ಲ್ಲೆ, ಆಂಗ್‌ ಇಸಾಕ ಅವಕಾಯಿತ್, ಯೆಹೋವನ ಬೋಡಿಯಂಡತ್. ಯೆಹೋವ ಅಂವೊಂಡ ಪ್ರಾರ್ಥನೆನ ಕ್‍ೕಟ್‌ತ್. ಅಂವೊಂಡ ಪೊಣ್ಣ್‌ ರೆಬೆಕ್ಕ ಕುಳುಮೆಕಾರ್ತಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:36

ನೀಡ ಬೆಂದ್‌ಕ ಎಲಿಸಬೇತ್ ಈ ವಯಸ್ಸಾನ ಕಾಲತ್‍ಲ್ ಇಕ್ಕ ಕೆಲಕರ್ತಿ ಆಯಿತುಂಡ್. ನಾಕ್ ಕುಂಞಿ ಆಪುಲೇಂದ್ ಎಣ್ಣಿಯಂಡಿಂಜ ಅವ ಇಕ್ಕ ಆರ್ ತಿಂಗ ಕುಳುಮೆಕರ್‌ತಿಯಾಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:7

ಆಚೇಂಗಿ ಎಲಿಸಬೇತ್ ಗೊಡ್ಡಿಯಾಯಿತ್ಂಜಗುಂಡ್ ಅಯಿಂಗಕ್ ಮಕ್ಕ ಇಂಜಿಲೆ. ಅದಲ್ಲತೆ ದಂಡಾಳ್‍ಕು ದುಂಬ ವಯಸ್ಸಾಯಿತ್ಂಜತ್.

ಗಲಾತ್ಯ 4:24

ಇದ್ ನಿಂಗಕ್ ಅರ್ಥ ಆಪಕುಳ್ಳ ದಂಡ್ ಉದಾರಣೆಯಾಯಿತುಂಡ್. ಈ ದಂಡ್ ಪೊಣ್ಣಾಳುವ ದೇವಡ ದಂಡ್ ಒಪ್ಪಂದತ್‍ರ ಗುರ್‌ತ್. ಆದ್ಯವಳಾನ ಹಾಗರ್ ಎಣ್ಣುವವ ಸೀನಾಯಿ ಪರ್ವತತ್‍ಲ್ ಆನ ಒಪ್ಪಂದ. ಇದ್ಂಜ ಕ್‍ಟ್ಟ್‌ನ ನ್ಯಾಯಪ್ರಮಾಣ ಜನತ್‍ನ, ಅದ್ಂಗ್ ಅಡಿಯಾಳಾಯಿತ್ ಮಾಡ್‍ಚಿ.