ಆದ್ಯತ್‌ರ ಪುಸ್ತಕ 15:6 - ಕೊಡವ ಬೈಬಲ್

⁶ ಅಬ್ರಾಮ ಯೆಹೋವನ ನಂಬ್‌ಚಿ; ಯೆಹೋವ ಅಂವೊಂಡ ನಂಬಿಕೆನ ನೋಟಿತ್‌ ಅಂವೊನ ನೀತಿವಂತಂವೋಂದ್‌ ಲೆಕ್ಕ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 15:6 ပူးပေါင်းရင်းမြစ်များ

ರೋಮ್ 4:11

ಅದಲ್ಲತೆ, ಅಂವೊಂಗ್ ಸುನ್ನತಿ ಆಪಕ್ ಮಿಂಞ, ನಂಬಿಕೇರ ಮೂಲಕ ಅಂವೊಂಗ್ ಕ್‍ಟ್ಟ್‌ನ ನೀತಿಕ್ ಮುದ್ರೆಯಾಯಿತ್ ಸುನ್ನತಿ ಎಣ್ಣುವ ಗುರ್‍ತ್‍ನ ಅಂವೊಂಗ್ ಕೊಡ್‍ತತ್. ಆನಗುಂಡ್, ಸುನ್ನತಿ ಮಾಡತಯಿಂಗಳಾಯಿತ್ ನಂಬುವ ಎಲ್ಲಾರ್‌ಕು, ನೀತಿರ ಲೆಕ್ಕ ಕ್‍ಟ್ಟಿತ್ ಅಯಿಂಗಕ್ ಸಹ ಅಂವೊ ಅಪ್ಪನಾಯಿತ್ ಇಪ್ಪನೆಕೆ ಆಚಿ.

ರೋಮ್ 4:9

ಈ ಆಶೀರ್ವಾದ ಸುನ್ನತಿ ಮಾಡ್‍ನಯಿಂಗಕ್ ಮಾತ್ರ ಕ್‍ಟ್ಟುವಾ? ಅಥವ ಸುನ್ನತಿ ಮಾಡತಯಿಂಗಕು ಉಂಡಾ? ಅಬ್ರಹಾಮಂಡ ನಂಬಿಕೆನ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಮಾಡ್‍ಚೀಂದ್ ನಂಗ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 5:19

ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

ಇಬ್ರಿಯ 11:8

ನಂಬಿಕೇರ ಮೂಲಕ, ಅಬ್ರಹಾಮ ತಾಂಗ್ ಬಾದ್ಯತೆಯಾಯಿತ್ ಕ್‍ಟ್ಟ್‌ವಕುಳ್ಳ ಜಾಗಕ್ ಪೋಪಕ್ ದೇವ ಕಾಕ್‍ವಕ, ತಗ್ಗಿತ್, ತಾನ್ ಎಲ್ಲಿ ಪೋಯಂಡುಳ್ಳ್‌ಂದ್ ಗೊತ್ತಿಲ್ಲತೆ ಪೊರಟಿತ್ ಪೋಚಿ.

ಯಾಕೋಬ 2:23

ಅನ್ನನೆ ಅಬ್ರಹಾಮ ದೇವನ ನಂಬ್‍ಚಿ. ಅದ್ಂಗ್ ದೇವ ಅಂವೊನ ನೀತಿವಂತಂವೋಂದ್ ಲೆಕ್ಕ ಮಾಡ್‍ಚೀಂದ್ ಎಣ್ಣ್‌ವ ದೇವಡ ವಾಕ್ಯ ಪೂರ್ತಿಯಾಚಿ. ಇದ್‍ನಗುಂಡ್ ದೇವ ಅಂವೊನ ದೇವಡ ಸ್ನೇಹಿತಾಂದ್ ಕಾಕ್‍ಚಿ.