ಆದ್ಯತ್‌ರ ಪುಸ್ತಕ 15:4 - ಕೊಡವ ಬೈಬಲ್

⁴ ಅಕ್ಕ ಯೆಹೋವಂಡ ತಕ್ಕ್‌ ಅಂವೊಂಗ್‌ ಬಂದಿತ್: ನೀಡ ಆಳ್‌ ನೀಕ್‌ ಬಾದ್ಯಸ್ತನಾಪುಲೆ, ನೀಡ ಪೊಟ್ಟೆಲ್‌ ಪುಟ್ಟ್‌ವಂವೊನೇ ನೀಕ್‌ ಬಾದ್ಯಸ್ತನಾಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 15:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:16

ನಾನ್‌ ಅವಳ ಆಶೀರ್ವಾದ ಮಾಡಿತ್, ಅವಡ ಮೂಲಕ ನೀಕ್‌ ಒರ್‌ ಮೋಂವೊನ ತಪ್ಪಿ. ಅವ ದುಂಬ ಜನಾಂಗಕ್‌ ಅವ್ವಳಾಯಿತು, ಅವಡ ಮೂಲಕ ಅನೇಕ ಜನಾಂಗತ್‌ರ ರಾಜಂಗಳ ಪುಟ್ಟ್‌ಚಿಟ್ಟಿತು, ಅವಳ ಆಶೀರ್ವಾದ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 21:12

ಆಚೇಂಗಿ ದೇವ ಅಂವೊಂಗ್: ನೀನ್‌ ಆ ಮೋಂವೊಂಡ ಪಿಂಞ ಆ ಪಣಿಕಾರ್ತಿರ ವಿಷಯತ್‌ ಬೇಜಾರ್‌ ಮಾಡಂಡ. ನೀಡ ಮೋಂವೊ ಇಸಾಕಂಡ ಮೂಲಕ ಪುಟ್ಟ್‌ವಯಿಂಗಳೇ ನೀಡ ಸಂತಾನಕ್‌ ಲೆಕ್ಕ ಆಪ. ಆನಗುಂಡ್‌ ಸಾರಳ ಎಣ್ಣ್‌ವನೆಕೆ ಮಾಡ್‍ೕಂದ್‌ ಎಣ್ಣ್‌ಚಿ.

ಗಲಾತ್ಯ 4:28

ನಾಡ ಅಣ್ಣತಮ್ಮಣಂಗಳೇ, ಇಸಾಕರನೆಕೆ ನಂಗೆಲ್ಲಾರು ದೇವಡ ವಾಗ್ದಾನತ್‍ರ ಮಕ್ಕಳಾಯಿತುಂಡ್.

ಫಿಲೆಮೋನ 1:12

ನಾಕ್ ದುಂಬ ಪ್ರೀತಿ ಉಳ್ಳಂವೊನಾಯಿತುಳ್ಳ ಅಂವೊನ, ನೀಡ ಪಕ್ಕ ನಾನ್ ಅಯಿಪಿ.