ಆದ್ಯತ್‌ರ ಪುಸ್ತಕ 15:2 - ಕೊಡವ ಬೈಬಲ್

² ಅದ್‌ಂಗ್‌ ಅಬ್ರಾಮ: ಓ ಯೆಹೋವನಾನ ದೇವನೇ, ನಾಕ್‍ ಎಂತ ತಪ್ಪಿಯಾ? ನಾಕ್‍ ಮಕ್ಕ ಇಲ್ಲತೆ ಉಂಡಲ್ಲಾ? ನಾಡ ಆಸ್ತಿಯೆಲ್ಲ ನಾಡ ಮನೆರ ಆಳಾನ ದಮಸ್ಕ ಊರ್‌ಕ್‌ ಕೂಡ್‌ನ ಎಲೀಯೆಜರಂಗ್‌ ಪಾಲ್‌ ಆಪಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 15:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:15

ಬಯಿಟ್ ನೇರತ್‌ಲ್‌ ಅಂವೊನ ಪಿಂಞ ಅಂವೊಂಡ ಸೇವಕಂಗಳ ಬೋರೆ ಬೋರೆ ಗುಂಪಾಯಿತ್‌ ಮಾಡಿತ್‌ ಎಲ್ಲಾ ದಿಕ್ಕ್‌ಯಿಂಜ ಆಕ್ರಮಣ ಮಾಡ್‌ಚಿ. ಅಯಿಂಗಳ ದಮಸ್ಕ ಪಟ್ಟಣತ್‌ರ ಬಡಕ್‌ ದಿಕ್ಕ್‌ಲ್‌ ಉಳ್ಳ ಹೋಬಾ ಊರ್‌ಕತ್ತನೆ ದೌತಿಯಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 15:3

ಇಂಞು ಅಬ್ರಾಮ: ನೀನ್‌ ನಾಕ್‍ ಸಂತಾನತ್‌ನ ತಂದಿತ್‌ಲ್ಲೆ; ನಾಡ ಮೆನೆಲ್‌ ಪುಟ್ಟ್‌ನ ಒರ್‌ ಆಳ್‌ ನಾಡ ಆಸ್ತಿಕ್‌ ಬಾದ್ಯಸ್ತನಾಪ್ಪಾಂದ್‌ ಅಬ್ರಾಮ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 24:10

ಅಲ್ಲಿಂಜ ಆ ಸೇವಕ ತಾಂಡ ಎಜಮಾನಂಡ ಪತ್ತ್‌ ಒಂಟೆನ ತಯಾರ್‌ ಮಾಡಿತ್‌ ಪೊರ್‌ಟತ್. ತಾಂಡ ಎಜಮಾನಂಡ ಎಲ್ಲಾ ತರತ್‌ರ ನಲ್ಲ ಬೆಲೆಯುಳ್ಳ ವಸ್ತು ಅಂವೊಂಡ ಪಕ್ಕ ಇಂಜತ್. ಅಂವೊ ಅಲ್ಲಿಂಜ ಮೆಸೊಪೊತೋಮಿಯತ್‌ಲ್‌ ಅಬ್ರಹಾಮಂಡ ತಮ್ಮಣ ನಾಹೋರ ವಾಸ ಮಾಡಿಯಂಡಿಂಜ ಊರ್‌ಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 24:2

ಇನ್ನನೆ ಇಪ್ಪಕ ಅಬ್ರಹಾಮ ತಾಂಡ ಮನೆಲ್ ಉಳ್ಳಯಿಂಗಡಡೆಲ್‌ ಮುಕ್ಯಂವೊನು, ಅಬ್ರಹಾಮಂಗ್‌ ಉಳ್ಳದ್‌ಲ್‌ ಎಲ್ಲಾಂಗು ಅದಿಕಾರಿಯು ಆಯಿತುಳ್ಳ ತಾಂಡ ಸೇವಕನ ಕಾಕಿತ್: ನೀಡ ಕೈಯಿನ ನಾಡ ತೊಡೆರ ಅಡಿಕ್‌ ಬೆಚ್ಚಿತ್,

ಆದ್ಯತ್‌ರ ಪುಸ್ತಕ 25:21

ಅವಕ್‌ ಮಕ್ಕ ಇಂಜಿತ್‌ಲ್ಲೆ, ಆಂಗ್‌ ಇಸಾಕ ಅವಕಾಯಿತ್, ಯೆಹೋವನ ಬೋಡಿಯಂಡತ್. ಯೆಹೋವ ಅಂವೊಂಡ ಪ್ರಾರ್ಥನೆನ ಕ್‍ೕಟ್‌ತ್. ಅಂವೊಂಡ ಪೊಣ್ಣ್‌ ರೆಬೆಕ್ಕ ಕುಳುಮೆಕಾರ್ತಿ ಆಚಿ.

ಆದ್ಯತ್‌ರ ಪುಸ್ತಕ 39:9

ಈ ಮನೆಲ್ ನಾಕ್ಯಿಂಜ ಬಲ್ಯಂವೊ ದಾರು ಇಲ್ಲೆ. ನೀನ್‌ ಅಂವೊಂಡ ಪೊಣ್ಣಾಯಿತ್‌ ಉಳ್ಳಾಂಗ್‌ ನಿನ್ನ ಬುಟ್ಟಿತ್‌ ಬೋರೆ ಎಲ್ಲಾಂಡ ಮೇಲೆ ನಾಕ್‍ ಅದಿಕಾರ ತಂದಿತ್. ಇನ್ನನೆ ಇಪ್ಪಕ ಇಂತ ಮೋಸವಾನ ಕಾರ್ಯತ್‌ನ ಮಾಡಿತ್, ಯೆಹೋವಂಗ್‌ ವಿರುದ್ದವಾಯಿತ್‌ ನಾನ್‌ ಎನ್ನನೆ ಪಾಪ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:19

ಆನಗುಂಡ್‌ ಅಯಿಂಗ ಯೋಸೇಫಂಡ ಮನೆರ ಪಡಿರ ಪಕ್ಕ ಬಪ್ಪಕ, ಯೋಸೇಫಂಡ ಕಾರ್ಯಕಾರಂಡ ಪಕ್ಕ ಬಂದಿತ್:

ಆದ್ಯತ್‌ರ ಪುಸ್ತಕ 44:1

ಅಲ್ಲಿಂಜ ಯೋಸೇಫ ತಾಂಡ ಮನೆರ ಕಾರ್ಯಕಾರನ ಕಾಕಿತ್: ಅಯಿಂಗಕ್‌ ಎಚ್ಚಕ್‌ ಪೊರ್ತಂಡ್‌ ಪೋಪಕ್‌ ಕಯ್ಯುವ ಅಚ್ಚಕ್‌ ಅಯಿಂಗಡ ಚೀಲತ್‌ನ ದುಂಬಿತ್, ಪ್ರತಿಯೊಬ್ಬಂಡ ಪಣತ್‌ನ ಅಯಿಂಗಯಿಂಗಡ ಚೀಲತ್‌ರ ಬಾಯಿಕ್‌ ಇಡಿ.

ಜ್ಞಾನತ್‌ರ ಪಡಿಮ 13:12

ನಿರೀಕ್ಷೆ ಮಾಡ್‌ನದ್‌ ನೆರವೇರುವಕ್‌ ದುಂಬ ತಡೆ ಆಚೇಂಗಿ ಮನಸ್ಸ್‌ ಕುಂದಿ ಪೋಪ. ಆಚೇಂಗಿ ಆಸೆಪಟ್ಟದ್‌ ಕ್‌ಟ್ಟ್‌ವಕ ಜೀವ ತಪ್ಪ ಮರತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 17:2

ಬುದ್ದಿವಂತ ಅಡಿಯಾಳ್, ಅವಮಾನತ್‌ಲ್‌ ಬಡುಕ್ಕುವ ಮೋಂವೊನ ಆಳುವ. ಅಂವೊಂಡ ಅಣ್ಣತಮ್ಮಣಂಗಡ ಆಸ್ತಿಲ್‌ ಇಂವೊಂಗು ಪಾಲ್‌ ಕ್‌ಟ್ಟುವ.

ಅಪೊಸ್ತಲ 7:5

ಆಚೇಂಗಿ, ಅಲ್ಲಿಕತ್ತನೆ ದೇವ ಅಂವೊಂಗ್ ಕಾಲಿಡ್‍ವಚ್ಚಕ್ ಬೂಮಿನ ಸಹ ಸ್ವಂತವಾಯಿತ್ ಈ ಜಾಗತ್‍ಲ್ ಕೊಡ್‍ತಿತ್‌ಲ್ಲೆ. ಅಂವೊಂಗ್ ಮಕ್ಕ ದಾರೂ ಇಲ್ಲತಿಪ್ಪಕಲೇ: ಈ ದೇಶತ್‍ನ ನೀಕ್, ನೀಡ ಬಯ್ಯ ಬಪ್ಪಕುಳ್ಳ ನೀಡ ಸಂತಾನಕ್ ಸ್ವಂತವಾಯಿತ್ ತಪ್ಪೀಂದ್ ಅಂವೊಂಗ್ ವಾಗ್ದಾನ ಮಾಡ್‍ಚಿ.