ಆದ್ಯತ್‌ರ ಪುಸ್ತಕ 14:7 - ಕೊಡವ ಬೈಬಲ್

⁷ ಅಲ್ಲಿಂಜ ಅಯಿಂಗ ತಿರಿತ್‌ ಬಪ್ಪಕ ಕಾದೇಶ್‍ ಎಣ್ಣುವ ಎನ್ಮಿಷ್ಪಾಟಿಕ್‌ ಬಂತ್‌ ಅಮಾಲೇಕ್ಯಂಗಡ ಎಲ್ಲಾ ದೇಶತ್‌ನ, ಹಚಚೋನ್‌ ತಾಮರ್‌ಲ್‌ ವಾಸ ಮಾಡಿಯಡಿಂಜ ಅಮೋರಿಯರ ಸಹ ಗೆದ್ದತ್.

ಆದ್ಯತ್‌ರ ಪುಸ್ತಕ 14:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 16:14

ಆನಗುಂಡ್‌ ಅಲ್ಲಿಯಿಂಜ ಆ ಕಣತರೆಕ್‌ ಲಹೈರೋಯಿಂದ್‌ ಪೆದಬಾತ್; ಅದ್‌ ಕಾದೇಶಿಕು ಬೆರೆದಿಕು ಮದ್ಯತ್‌ಲ್‌ ಉಂಡ್.

ಆದ್ಯತ್‌ರ ಪುಸ್ತಕ 20:1

ಅಬ್ರಹಾಮ ಆ ಜಾಗತ್‌ನ ಬುಟ್ಟಿತ್, ತೆಕ್ಕ್‌ ಸೀಮೆಲ್‌ ಉಳ್ಳ ನೆಗೆವ್‌ ಎಣ್ಣುವ ಜಾಗಕ್‌ ಪೋಪಕ್‌ ಪ್ರಯಾಣ ಮಾಡಿತ್, ಕಾದೇಶಿಕು ಶೂರುಕು ಮದ್ಯತ್‌ಲ್‌ ವಾಸಮಾಡ್‌ಚಿ. ಚೆನ್ನಕಾಲ ಗೆರಾರಿ ಎಣ್ಣುವ ಬಲ್ಯ ಊರಲ್‌ ಇಂಜತ್.

ಆದ್ಯತ್‌ರ ಪುಸ್ತಕ 36:12

ತಿಮ್‌ನ ಎಣ್ಣುವವ ಏಸಾವಂಡ ಮೋಂವೊನಾನ ಎಲೀಫಜಂಗ್‌ ಉಪ ಪೊಣ್ಣಾಯಿತಿಂಜಗುಂಡ್‌ ಅಂವೊಂಗ್‌ ಅಮಾಲೇಕನ ಪೆತ್ತತ್. ಈಂಗಳೇ ಏಸಾವಂಡ ಪೊಣ್ಣ್‌ ಆನ ಆದಾಕ್‌ ಪುಟ್ಟ್‌ನ ಮಕ್ಕ.

ಆದ್ಯತ್‌ರ ಪುಸ್ತಕ 36:16

ಕೋರಹ ಕುಲತ್‌ರ ಮುಖ್ಯಸ್ತ, ಗತಾಮ ಕುಲತ್‌ರ ಮುಖ್ಯಸ್ತ, ಅಮಾಲೇಕ ಕುಲತ್‌ರ ಮುಖ್ಯಸ್ತಂಗಳೇ. ಈಂಗ ಎದೋಮ್ಯಂಡ ದೇಶತ್‌ಲ್‌ ಎಲೀಫಜಂಡ ಸಂತಾನವು, ಆದಾಳಂಡ ಕ್‌ಣ್ಣ ಮಕ್ಕಳು ಆಯಿತ್‌ಂಜ ಮುಖ್ಯಸ್ತಂಗ.