ಆದ್ಯತ್‌ರ ಪುಸ್ತಕ 14:14 - ಕೊಡವ ಬೈಬಲ್

¹⁴ ಅಬ್ರಾಮಂಗ್‌ ತಾಂಡ ತಮ್ಮಣಂಡ ಮೋಂವೊನಾನ ಲೋಟನ ಪುಡಿಚಿತ್‍ೕಂದ್‌ ಗೊತ್ತಾನ ಪಿಂಞ ತಾಂಡ ಮನೆಲ್ಲೇ ಪುಟ್ಟಿ ಬೊಳ್‌ಂದ ಯುದ್ದ ಮಾಡುವಕ್ಕುಳ್ಳ ಮುನ್ನೂಟ್ಯ ಪದ್‌ನೆಟ್ಟ್‌ ಜನಡ ಪಡೆನ ತಯಾರ್‌ ಮಾಡಿತ್, ಅಯಿಂಗ ಪೊರ್‌ಟಿತ್‌ ಆ ರಾಜಂಗಳ ದಾನೂರ್‌ಕತ್ತನೆಕೆ ಓಡಿಚಿಟ್ಟಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 14:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:16

ಅವಳಗುಂಡ್‌ ಫರೋಹನ ಅಬ್ರಾಮನ ತಕ್ಕರಿಚಿಟ್ಟತ್. ಅಬ್ರಾಮಂಗ್‌ ಕೊರಿ, ಎತ್ತ್‌ಕಡ್‌ಚಿಯ, ಆಣ್‍ ಪೊಣ್ಣ್‌ ಕತ್ತೆಯ ಪಣಿಕಾರಂಗ ಪಣಿಕಾರ್ತಿಯಳ ಪಿಂಞ ಒಂಟೆಯಳ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 12:5

ಅಂವೊ ತಾಂಡ ಪೊಣ್ಣ್‌ ಸಾರಯ್, ತಮ್ಮಣನಂಡ ಮೋಂವೊನಾನ ಲೋಟನ ಪಿಂಞ ಹಾರಾನ್‌ಲ್‌ ಸಂಪಾದನೆ ಮಾಡಿತ್‌ಂಜ ಎಲ್ಲಾ ಸೊತ್ತ್‌ನ, ಪಣಿಕಾರಳ ಪಿಂಞ ಪಣಿಕಾರ್ತಿಯಳ ಕೂಟಿಯಂಡ್‌ ಕಾನಾನ್‌ ದೇಶಕ್‌ ಪೊರ್‌ಟ್ ಪೋಚಿ. ಅಯಿಂಗ ಕಾನಾನ್‌ ದೇಶಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 13:8

ಆನಗುಂಡ್‌ ಅಬ್ರಾಮ ಲೋಟಂಗ್: ನಾಕು ನೀಕು, ನಾಡ ಎತ್ತ್‌ ಕಾಪಯಿಂಗಕು ನೀಡ ಎತ್ತ್‌ ಕಾಪಯಿಂಗಕು ತಕರಾರ್‌ ಬೋಂಡ. ಎಚ್ಚಕಾಚೇಂಗಿಯು ನಂಗ ಬೆಂದ್‌ಕ ಅಲ್ಲ!

ಆದ್ಯತ್‌ರ ಪುಸ್ತಕ 14:12

ಅಮ್ರಾಮಂಡ ತಮ್ಮಣಂಡ ಮೋಂವೊನಾನ ಲೋಟ ಸೊದೋಮ್‌ಲ್‌ ವಾಸಮಾಡಿಯಂಡಿಂಜನಗುಂಡ್, ಅಂವೊಂನ, ಅಂವೊಂಡ ಆಸ್ತಿನ ಸಹ ಎಡ್‌ತಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 14:16

ಅಬ್ರಾಮ ಎಲ್ಲಾ ಸಾಮಾನ್‌ತ್‌ನ ಪುನಃ ಎಡ್‌ತಂಡ್‌ ಬಾತ್. ತಾಂಡ ತಮ್ಮಣಂಡ ಮೋಂವೊನಾನ ಲೋಟನ, ಅಂವೊಂಡ ಆಸ್ತಿನ, ಪೊಣ್ಣಾಳ್‌ವಳ ಪಿಂಞ ಬೋರೆ ಜನಳ ಸಹ ಪುನಃ ಕೂಟಿಯಂಡ್‌ ಬಾತ್.

ಆದ್ಯತ್‌ರ ಪುಸ್ತಕ 15:3

ಇಂಞು ಅಬ್ರಾಮ: ನೀನ್‌ ನಾಕ್‍ ಸಂತಾನತ್‌ನ ತಂದಿತ್‌ಲ್ಲೆ; ನಾಡ ಮೆನೆಲ್‌ ಪುಟ್ಟ್‌ನ ಒರ್‌ ಆಳ್‌ ನಾಡ ಆಸ್ತಿಕ್‌ ಬಾದ್ಯಸ್ತನಾಪ್ಪಾಂದ್‌ ಅಬ್ರಾಮ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:12

ನಿಂಗಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕ್‌ ಪುಟ್ಟುವ ಪ್ರತಿಯೊರ್‌ ಆಣ್‍ ಕುಂಞಿಕು ಎಟ್ಟ್‌ನೆ ದಿವಸತ್‌ಲ್‌ ಸುನ್ನತಿ ಮಾಡ್‌ಚಿಡಂಡು. ನೀಡ ಮನೆತನತ್‌ಲ್‌ ಪುಟ್ಟ್‌ನ ಕುಂಞಿಯಿಂಜ ಪುಡ್‌ಚಿತ್‌ ನಿಂಗಡ ಸಂತಾನ ಅಲ್ಲತ ಕ್ರಯಕ್‌ ಕೊಂಡಬಂದ ಪರದೇಶಿ ಆಳ್‌ವಡ ಮಕ್ಕಳ ಸಹ ನಿಂಗ ಸುನ್ನತಿ ಮಾಡ್‌ಚಿಡಂಡು.

ಆದ್ಯತ್‌ರ ಪುಸ್ತಕ 17:23

ಅದೇ ದಿವಸತ್‌ಲ್‌ ಅಬ್ರಹಾಮ ತಾಂಡ ಮೋಂವೊ ಇಷ್ಮಾಯೇಲನ ಪಿಂಞ ಅಂವೊಂಡ ಮನೆಲ್ ಪುಟ್ಟ್‌ನ ಎಲ್ಲಾ ಆಣಾಳ್‌ವಳ ಪಿಂಞ ಕ್ರಯಕ್‌ ಎಡ್‌ತ ಬಂದ ಎಲ್ಲಾ ಆಣಾಳ್‌ವಳ ಯೆಹೋವ ಎಣ್ಣ್‌ನನೆಕೆ ಸುನ್ನತಿ ಮಾಡಿಚಿಟ್ಟತ್.

ಆದ್ಯತ್‌ರ ಪುಸ್ತಕ 17:27

ಎಲ್ಲಾ ಆಣಾಳ್‌ವಳ ಎಣ್ಣ್‌ಚೇಂಗಿ, ಅಂವೊಂಡ ಮನೆಲ್ ಪುಟ್ಟ್‌ನ ಆಣಾಳ್‌ವಳ ಪಿಂಞ ಕ್ರಯಕ್‌ ಎಡ್‌ತ ಬಂದ ಎಲ್ಲಾ ಆಣಾಳ್‌ವಳ ಅಂವೊಂಡ ಕೂಡೆ ಸುನ್ನತಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 23:6

ಸ್ವಾಮಿ ನಂಗಡ ತಕ್ಕ್‌ನ ಕ್‍ೕಳ್. ನೀನ್‌ ನಂಗಡ ಮದ್ಯತ್‌ ಬಲ್ಯ ರಾಜಕುಮಾರನಾಯಿತುಳ್ಳಿಯ. ಚತ್ತ್‌ಪೋಯಿತುಳ್ಳ ನೀಡ ಪೊಣ್ಣ್‌ರ ಚಾವ್‌ ತಡಿನ ನಂಗಡಲ್ಲಿ ಉಳ್ಳ ಗೋರಿಲ್, ವಿಶೇಷವಾನ ಗೋರಿಲ್‌ ಬೆಯ್ಯಿ. ನೀಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಂಗಡ ಜನ ದಾರೂ ಅಡ್ಡ ಬಪ್ಪ್‌ಲೇಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 17:17

ಸ್ನೇಹಿತ ಎಲ್ಲಾ ಸಮಯತ್‌ಲು ಪ್ರೀತಿ ಮಾಡುವ. ಇಕ್ಕಟ್‌ರ ಸಮಯತ್‌ ಸಹಾಯ ಮಾಡುವಕೇ ಅಣ್ಣತಮ್ಮಣಂಗ ಪುಟ್ಟಿತುಂಡ್.

1 ಯೋಹಾನ 2:18

ನಾಡ ಮಕ್ಕಳೇ ಕಡೆ ಕಾಲ ಬೆರಿಯ ಬಂದಂಡುಂಡ್! ಅಕ್ಕ, ನಾನೇ ಕ್ರಿಸ್ತಾಂದ್ ಪೊಟ್ಟ್ ಪರಿಯುವಂವೊ ಬಪ್ಪಾಂದ್ ಅಕ್ಕ ಕ್‍ೕಟಿತುಳ್ಳಿರ, ಆಚೇಂಗಿ ಇಕ್ಕಲೆ ಕಳ್ಳ ಕ್ರಿಸ್ತಂಗ ಬಂದಿತುಂಡ್. ಅಂದಕ ಇದ್ ಕಡೆ ಕಾಲಾಂದ್ ನಂಗಕ್ ಗೊತ್ತಾಪ.