ಆದ್ಯತ್‌ರ ಪುಸ್ತಕ 14:10 - ಕೊಡವ ಬೈಬಲ್

¹⁰ ಆಚೇಂಗಿ ಸಿದ್ದೀಮ್‌ ತಗ್ಗ್‌ಲ್‌ ತಾರ್‌ರ ಗುಂಡಿ ದುಂಬ್‌ನದಾಯಿತ್‌ಂಜತ್. ಸೊದೋಮ್‌ ಗೊಮೋರತ್‌ರ ರಾಜಂಗ ಓಡಿ ಪೋಪಕ ಚೆನ್ನ ಜನ ಆ ಗುಂಡಿರ ಒಳಕ್‌ ಬುದ್ದಿತ್‌ ಚತ್ತತ್. ಬಾಕಿವುಳ್ಳಯಿಂಗ ಕುಂದ್‌ಕ್‌ ಓಡಿ ಪೋಚಿ.

ಆದ್ಯತ್‌ರ ಪುಸ್ತಕ 14:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:3

ಅಕ್ಕ ಅಯಿಂಗ: ಬಾರಿ, ನಂಗ ಚಾಯಿತೆ ಚುಟ್ಟಿತ್‌ ಇಟ್ಟಿಗೆ ಮಾಡನಾಂದ್‌ ಅಯಿಂಗಡಡೆಲ್‌ ತಕ್ಕ್‌ ಪರ್ಂದತ್. (ಈ ಸೀಮೆಲ್‌ ಜನ ಕಲ್ಲ್‌ಕ್‌ ಬದ್‌ಲ್‌ ಇಟ್ಟಿಗೆಯು, ಒಕ್ಕಚೆ ಕೂಟಿ ಬೆಪ್ಪಕ್‌ ತಾರು ಉಪಯೋಗಿಚಿಡುವಯಿಂಜತ್.)

ಆದ್ಯತ್‌ರ ಪುಸ್ತಕ 14:11

ಬಯ್ಯ ಗೆದ್ದಯಿಂಗ ಸೊದೋಮ್‌ ಪಿಂಞ ಗೊಮೋರ ಪಟ್ಟಣತ್‌ಲ್‌ ಇಂಜ ಎಲ್ಲಾ ಆಸ್ತಿನ ಪಿಂಞ ಬೊಳೆನೆಲ್ಲ ಎಡ್‌ತಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 14:17

ಅಬ್ರಾಮ ಕೆದೊರ್ಲಗೋಮರನ, ಅಂವೊಂಡ ಕೂಡೆ ಇಂಜ ರಾಜಂಗಳ ಚೋಪ್‌ಚಿಟ್ಟಿತ್‌ ವಾಪಸ್ ಬಪ್ಪಕ, ಸೊದೋಮ್ರ ರಾಜ ಪೊರ್‌ಟಿತ್, ರಾಜಂಡ ಯಾರೆ ಎಣ್ಣುವ ಶಾವೆ ಯಾರೆರಕತ್ತನೆ ಅಬ್ರಾಮನ ಕಾಂಬಕಾಯಿತ್‌ ಪೋಚಿ.

ಆದ್ಯತ್‌ರ ಪುಸ್ತಕ 14:21

ಸೊದೋಮ್ರ ರಾಜ ಅಬ್ರಾಮಂಗ್: ನೀನ್‌ ಸೆರೆಪುಡ್‌ಚ ಜನಳ ನಾಕ್‍ ಒಪ್ಪ್‌ಚಿಡ್. ನೀನ್‌ ಕೊಂಡಬಂದ ಆಸ್ತಿನ ನೀನೆ ಬೆಚ್ಚಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 14:9

ಏಲಾಮಿರ ರಾಜನಾನ ಕೆದೊರ್ಲಗೋಮರ್‌ಂಡ ಕೂಡೆಯು, ಗೋಯಮ್ರ ರಾಜನಾನ ತಿದ್ಗಾಲಂಡ ಕೂಡೆಯು, ಶಿನಾರಿರ ರಾಜನಾನ ಅಮ್ರಾಫೆಲಂಡ ಕೂಡೆಯು, ಎಲ್ಲಸಾರಿರ ರಾಜನಾನ ಅರಿಯೋಕಂಡ ಕೂಡೆಯು ಯುದ್ದ ಮಾಡುವಕ್‌ ಪೊರ್‌ಟಿತ್, ಆ ಅಂಜ್ ರಾಜಂಗಡ ಕೂಡೆ ಈ ನಾಲ್‌ ರಾಜಂಗ ಯುದ್ದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 19:17

ಅಯಿಂಗಳ ಪೊರಮೆ ಕಾಕಿಯಂಡ ಪೋಯಿತ್‌ ಬುಟ್ಟಿತಾನ ಪಿಂಞ ಒಬ್ಬ ದೇವದೂತ: ನಿಂಗಡ ಪ್ರಾಣತ್‌ನ ಬಚಾವ್‌ ಮಾಡ್‌ವಕಾಯಿತ್‌ ಓಡಿ ಪೋಯಿ. ನಿಂಗ ಬಯ್ಯಕ್‌ ತಿರಿತ್‌ ನೋಟತಿ; ಈ ಸಮತಟ್ಟ್‌ ಬೂಮಿಲ್‌ ಎಲ್ಲಿಯೂ ನಿಕ್ಕತೆ ಕುಂದ್‌ಕ್‌ ಓಡಿಪೋಯಿರಿ. ಇಲ್ಲತಪೋಚೇಂಗಿ ನಿಂಗಳು ನಾಶ ಆಯಿ ಪೋಪಿರಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:30

ಪಂಞ ಲೋಟ ಚೋಗರ್‌ ಪಟ್ಟಣತ್‌ಲ್‌ ವಾಸಮಾಡ್‌ವಕ್‌ ಪೋಡಿಚಿಟ್ಟಂಡ್‌ ತಾಂಡ ದಂಡ್‌ ಮೂಡಿಮಕ್ಕಳ ಕಾಕಿಯಂಡ್‌ ಕುಂದ್‌ಲ್‌ ಉಳ್ಳ ಗುವೆಲ್‌ ವಾಸಮಾಡ್‌ಚಿ.