ಆದ್ಯತ್‌ರ ಪುಸ್ತಕ 13:9 - ಕೊಡವ ಬೈಬಲ್

⁹ ಈ ಊರ್‌ ಎಲ್ಲಾ ನೀಡ ಮಿಂಞತ್‌ಲ್‌ ಉಂಡಲ್ಲ? ನಂಗ ಬೋರೆ ಬೋರೆ ಪೋಕನ. ನೀನ್‌ ಎಡ್‌ತ್‌ ಬರಿ ಪೋಚೇಂಗಿ ನಾನ್‌ ಬಲ್‌ತ್‌ ಬರಿಕ್‌ ಪೋಪಿ. ನೀನ್‌ ಬಲ್‌ತ್‌ ಬರಿ ಪೋಚೇಂಗಿ ನಾನ್‌ ಎಡ್‌ತ್‌ ಬರಿಕ್‌ ಪೋಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 13:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:10

ಲೋಟ ಕಣ್ಣೆಡ್‌ತಿತ್‌ ನೋಟ್‌ವಕ ಯೋರ್ದನ್‌ ಯಾರೆಯಿಂಜ ಚೋಗರ್‌ ಎಣ್ಣುವ ಊರ್‌ಕ್‌ ಪೋಪ ಬಟ್ಟೆಕತ್ತನೆ ಫಲವತ್ತಾನ ಜಾಗಾಂದ್‌ ಕಂಡತ್. ಇದ್‌ ಯೆಹೋವ ಸೊದೋಮ್‌ ಪಿಂಞ ಗೊಮೋರ ಪಟ್ಟಣತ್‌ನ ನಾಶಮಾಡುವಕ್‌ ಮಿಂಞ ಯೆಹೋವಂಡ ತೋಟತ್‌ರನಕೆಯು, ಐಗುಪ್ತ ದೇಶತ್‌ರನೆಕೆಯು ಇಂಜತ್.

ಆದ್ಯತ್‌ರ ಪುಸ್ತಕ 13:8

ಆನಗುಂಡ್‌ ಅಬ್ರಾಮ ಲೋಟಂಗ್: ನಾಕು ನೀಕು, ನಾಡ ಎತ್ತ್‌ ಕಾಪಯಿಂಗಕು ನೀಡ ಎತ್ತ್‌ ಕಾಪಯಿಂಗಕು ತಕರಾರ್‌ ಬೋಂಡ. ಎಚ್ಚಕಾಚೇಂಗಿಯು ನಂಗ ಬೆಂದ್‌ಕ ಅಲ್ಲ!

ಆದ್ಯತ್‌ರ ಪುಸ್ತಕ 20:15

ಅಲ್ಲಿಂಜ ಅಬೀಮೆಲೆಕ ಅಬ್ರಹಾಮಂಗ್: ಇದಾ, ನಾಡ ರಾಜ್ಯ ನೀಡ ಮಿಂಞತ್‌ ಉಂಡ್. ನೀಕ್‌ ಏದ್‌ ಜಾಗ ಕುಶಿ ಉಂಡೋ ಆ ಜಾಗತ್‌ಲ್‌ ವಾಸಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 34:10

ನಿಂಗ ಈ ದೇಶತ್‌ಲ್‌ ನಂಗಡ ಮದ್ಯತ್‌ ವಾಸ ಮಾಡಿ. ಈ ದೇಶ ನಿಂಗಡ ಮಿಂಞತ್‌ ಉಂಡ್. ಈ ದೇಶತ್‌ ವಾಸ ಮಾಡಿತ್, ವ್ಯಾಪಾರ ಮಾಡಿತ್, ಆಸ್ತಿನ ಸಂಪಾದನೆ ಮಾಡಿಯೊಳೀಂದ್‌ ಎಣ್ಣ್‌ಚಿ.

ರೋಮ್ 12:18

ಕಯ್ಯುವಚ್ಚಕ್, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರಿ.

1 ಕೊರಿಂಥ 6:7

ನಿಂಗ ಒಬ್ಬಂಗ್ ವಿರೋದವಾಯಿತ್ ಪುಕಾರ್ ಕೊಡ್‍ಪಕಲೆ, ನಿಂಗ ಚೋತ್ ಪೋಯಿತುಳ್ಳಿರ. ನಿಂಗಕ್ ವಿರೋದವಾಯಿತ್ ಅನ್ಯಾಯ ಮಾಡ್‌ವಯಿಂಗಳ ನಿಂಗ ಎನ್ನಂಗ್ ಸಯಿಸುಲೆ? ನಿಂಗಳ ವಂಚನೆ ಮಾಡ್‌ವಯಿಂಗಕ್ ನಿಂಗ ಎನ್ನಂಗ್ ಬುಟ್ಟ್ ಕೊಡ್‍ತಂಡಿಲ್ಲೆ?

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.