ಆದ್ಯತ್‌ರ ಪುಸ್ತಕ 13:2 - ಕೊಡವ ಬೈಬಲ್

² ಇಕ್ಕ ಅಬ್ರಾಮ ದುಂಬ ಐಶ್ವರ್ಯವಂತಂವೊನಾಯಿತ್‌ಂಜಿತ್, ಅಂವೊಂಗ್‌ ಎತ್ತ್‌ಕಡ್‌ಚಿಯ, ಬೊಳ್ಳಿ ಪಿಂಞ ಪೊನ್ನ್‌ ಇಂಜತ್.

ಆದ್ಯತ್‌ರ ಪುಸ್ತಕ 13:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:16

ಅವಳಗುಂಡ್‌ ಫರೋಹನ ಅಬ್ರಾಮನ ತಕ್ಕರಿಚಿಟ್ಟತ್. ಅಬ್ರಾಮಂಗ್‌ ಕೊರಿ, ಎತ್ತ್‌ಕಡ್‌ಚಿಯ, ಆಣ್‍ ಪೊಣ್ಣ್‌ ಕತ್ತೆಯ ಪಣಿಕಾರಂಗ ಪಣಿಕಾರ್ತಿಯಳ ಪಿಂಞ ಒಂಟೆಯಳ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 13:6

ಆಚೇಂಗಿ ಅಯಿಂಗ ದಂಡಾಳ್‌ರ ಆಸ್ತಿ ದುಂಬ ಇಂಜನಗುಂಡ್‌ ಅಯಿಂಗ ದಂಡಾಳು ಒಕ್ಕಚೆ ವಾಸ ಮಾಡ್‌ವಕ್‌ ಜಾಗ ಪೋರತೆ ಆಚಿ.

ಆದ್ಯತ್‌ರ ಪುಸ್ತಕ 24:1

ಅಬ್ರಹಾಮಂಗ್‌ ದುಂಬ ವಯಸ್ಸಾಯಿತ್‌ಂಜತ್. ಯೆಹೋವ ಅಂವೊನ ಎಲ್ಲಾ ವಿಷಯತ್‌ಲ್‌ ಆಶೀರ್ವಾದ ಮಾಡಿತ್‌ಂಜತ್.

ಆದ್ಯತ್‌ರ ಪುಸ್ತಕ 24:35

ಯೆಹೋವ ನಾಡ ಎಜಮಾನನ ದುಂಬ ಆಶೀರ್ವಾದ ಮಾಡಿತ್‌ ಅಂವೊ ಬಲ್ಯ ಐಶ್ವರ್ಯವಂತಂವೊನಾಯಿತುಂಡ್. ಅಂವೊಂಗ್‌ ಕೊರಿ, ಎತ್ತ್‌ಕಡ್‌ಚಿ, ಬೊಳ್ಳಿ ಪೊನ್ನ್‌ ಪಣಿಕಾರಂಗಳ, ಪಣಿಕಾರ್ತಿಯಳ, ಒಂಟೆಯಳ ಪಿಂಞ ಕತ್ತೆಯಳ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 26:14

ಅಂವೊಂಗ್‌ ಆಡ್‌ ಕೊರಿಯ, ಎತ್ತ್‌ ಕಡ್‌ಚಿಯ, ಪಿಂಞ ದುಂಬ ಪಣಿಕಾರಂಗ ಇಂಜತ್. ಇದ್‌ನ ನೊಟ್‌ನ ಫಿಲಿಷ್ಟಿರಯಿಂಗಕ್‌ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ ಪಟ್ಟತ್.

ಆದ್ಯತ್‌ರ ಪುಸ್ತಕ 30:43

ಯಾಕೋಬ ಬಲ್ಯ ಸೊತ್ತ್‌ರ ಎಜಮಾನನಾಚಿ. ಅಂವೊಂಗ್‌ ಬೋಂಡಿಯಚ್ಚಕ್‌ ಕೊರಿಯ, ಆಡ್‌ವ, ಒಂಟೆಕತ್ತೆಯ ಪಿಂಞ ಪಣಿಕಾರಂಗ ಇಂಜತ್.

ಜ್ಞಾನತ್‌ರ ಪಡಿಮ 10:22

ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.