ಆದ್ಯತ್‌ರ ಪುಸ್ತಕ 13:18 - ಕೊಡವ ಬೈಬಲ್

¹⁸ ಪಿಂಞ ಅಬ್ರಾಮ ತಾಂಡ ಗುಡಾರತ್‌ನ ಹೆಬ್ರೋನ್‌ಲ್‌ ಉಳ್ಳ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ಇಟ್ಟಿತ್, ಯೆಹೋವಂಗ್‌ ಅಲ್ಲಿ ಓರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 13:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:4

ಮಿಂಞ ಅಲ್ಲಿಯೇ ಅಬ್ರಾಮ ಯೆಹೋವಂಗ್‌ ಬಲಿಪೀಠ ಕೆಟ್ಟಿತ್‌ಂಜತ್. ಇಕ್ಕ ಅಬ್ರಾಮ ಪುನಃ ದೇವಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 14:13

ಅಯಿಂಗಡಲ್ಲಿ ತಪ್ಪ್‌ಚಿಟ್ಟ ಒಬ್ಬ ಇಬ್ರಿಯನಾನ ಅಮ್ರಾಮಂಡ ಪಕ್ಕ ಬಂದಿತ್‌ ಇದ್‌ನ ಎಣ್ಣ್‌ಚಿ. ಅಕ್ಕ ಅಬ್ರಾಮ ಅಮೋರಿಯನಾನ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ವಾಸಮಾಡಿಯಂಡಿಂಜತ್. ಮಮ್ರೆಯಂಗ್‌ ಎಷ್ಕೋಲ ಪಿಂಞ ಆನೇರ ಎಣ್ಣುವ ಬೆಂದ್‌ಕ ಇಂಜತ್. ಈ ದಂಡಾಳ್‌ಕು ಅಬ್ರಾಮಂಗು ಒಪ್ಪಂದ ಇಂಜತ್.

ಆದ್ಯತ್‌ರ ಪುಸ್ತಕ 18:1

ಪಿಂಞ ಅಬ್ರಹಾಮ ಮಜ್ಜಣ ನೇರತ್‌ಲ್‌ ತಾಂಡ ಗುಡಾರತ್‌ರ ಪಡಿಲ್‌ ಅಳ್‌ತಿತ್‌ ಇಪ್ಪಕ, ಯೆಹೋವ ಮಮ್ರೆ ತೋಟತ್‌ರ ಪಕ್ಕತ್‌ ಅಂವೊಂಗ್‌ ಕಾಂಬ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 22:9

ದೇವ ಎಣ್ಣ್‌ನ ಜಾಗಕ್‌ ಎತ್ತ್‌ಚಿ. ಅಲ್ಲಿ ಅಬ್ರಹಾಮ ಒರ್‌ ಬಲಿಪೀಠತ್‌ನ ತಯಾರ್‌ ಮಾಡಿತ್, ಪುಳ್ಳಿನ ಅಡ್‌ಕಿತ್, ತಾಂಡ ಮೋಂವೊನಾನ ಇಸಾಕಂಡ ಕೈಕಾಲ್‌ನ ಕೆಟ್ಟಿತ್, ಅಂವೊನ ಬಲಿಪೀಠತ್‌ರ ಮೇಲೆ ಇಟ್ಟತ್.

ಆದ್ಯತ್‌ರ ಪುಸ್ತಕ 23:2

ಸಾರಳ ಕಾನಾನ್‌ ದೇಶತ್‌ಲ್‌ ಉಳ್ಳ ಹೆಬ್ರೋನ ಎಣ್ಣುವ ಕಿರ್ಯತರ್ಬತ್‌ಲ್‌ ಚತ್ತತ್. ಅಬ್ರಹಾಮ ಅವಕಾಯಿತ್‌ ಶೋಕ ಪಟ್ಟಿತ್‌ ಮೊರ್‌ಟತ್.

ಆದ್ಯತ್‌ರ ಪುಸ್ತಕ 26:25

ಅಕ್ಕ ಇಸಾಕ ಅಲ್ಲಿ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಯೆಹೋವಂಡ ಪೆದತ್‌ನ ಎಣ್ಣಿತ್‌ ಆರಾದನೆ ಮಾಡಿತ್, ಅಲ್ಲಿಯೇ ತಾಂಡ ಗುಡಾರತ್‌ನ ಇಟ್ಟಂಡತ್. ಆ ಜಾಗತ್‌ಲ್‌ ಅಂವೊಂಡ ಪಣಿಕಾರಂಗ ಒರ್‌ ಕಣತರೆನ ತೋಡ್‌ಚಿ.

ಆದ್ಯತ್‌ರ ಪುಸ್ತಕ 35:27

ಯಾಕೋಬ ಮಮ್ರೆಕ್‌ ತಾಂಡ ಅಪ್ಪನಾನ ಇಸಾಕಂಡ ಪಕ್ಕ ಬಾತ್. ಮಮ್ರೆ ಕಿರ್ಯತರ್ಬಕ್‌ (ಇಕ್ಕ ಹೆಬ್ರೋನ್‌ಂದ್‌ ಕಾಕುವ) ಪಕ್ಕತ್‌ಲ್‌ ಉಂಡ್. ಅಲ್ಲಿಯೇ ಅಬ್ರಹಾಮನು ಇಸಾಕನು ವಾಸಮಾಡ್‌ಚಿ.

ಆದ್ಯತ್‌ರ ಪುಸ್ತಕ 37:14

ಅಕ್ಕ ಇಸ್ರಾಯೇಲ್‌ ಅಂವೊಂಗ್: ನೀನ್‌ ಪೋಯಿತ್‌ ನೀಡ ಅಣ್ಣಂಗ ಪಿಂಞ ಆಡ್‌ಕೊರಿಯ ಎನ್ನನೆ ಉಂಡ್‍ೕಂದ್‌ ಅರ್‌ಜಂಡ್, ತಿರಿತ್‌ ಬಂದಿತ್‌ ನಾಕ್‍ ಎಣ್ಣ್‍ೕಂದ್‌ ಎಣ್ಣಿತ್, ಅಂವೊನ ಹೆಬ್ರೋನ್‌ ಕಣಿವೆಯಿಂಜ ಅಯಿಚಿ ಕೊಡ್‌ತತ್. ಅನ್ನನೆ ಯೋಸೇಫ ಶೆಕೆಮ್‌ಕ್‌ ಪೊರ್‌ಟತ್.

ಆದ್ಯತ್‌ರ ಪುಸ್ತಕ 8:20

ಅಕ್ಕ ನೋಹ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಶುದ್ದವಾನ ಚೆನ್ನ ಪ್ರಾಣಿ ಪಿಂಞ ಪಕ್ಷಿಯಳ ಬಲಿಪೀಠತ್‌ರ ಮೇಲೆ ದಹನ ಬಲಿಯಾಯಿತ್‌ ಬಲಿ ಕೊಡ್‌ತತ್.

1 ತಿಮೊಥೆಯ 2:8

ಅದಲ್ಲತೆ, ಎಲ್ಲಾ ಆಣಾಳ್‍ವ ಚೆಡಿ ಇಲ್ಲತೆ, ತರ್ಕ ಇಲ್ಲತೆ, ಪವಿತ್ರವಾನ ಕೈಯಿನ ನೇತಿತ್, ಎಲ್ಲಾ ಜಾಗತ್‍ಲು ಪ್ರಾರ್ಥನೆ ಮಾಡಂಡೂಂದ್ ನಾಕ್ ಆಸೆ ಉಂಡ್.

ಇಬ್ರಿಯ 11:9

ನಂಬಿಕೇರ ಮೂಲಕ, ಅಂವೊ ವಾಗ್ದಾನತ್‍ರ ದೇಶತ್‍ಲ್ ಬೋರೆ ದೇಶತ್‍ರಂವೊನೆಕೆ ಇಂಜಂಡ್, ಆ ವಾಗ್ದಾನತ್‍ರ ಬಾದ್ಯತೆಕಾರಳಾನ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗುಡಾರತ್‍ಲ್ ವಾಸ ಮಾಡಿಯಂಡ್ ಇಂಜತ್.