ಆದ್ಯತ್‌ರ ಪುಸ್ತಕ 13:12 - ಕೊಡವ ಬೈಬಲ್

¹² ಅಬ್ರಾಮ ಕಾನಾನ್‌ ದೇಶತ್‌ಲ್‌ ಒಳ್‌ಂಜತ್; ಲೋಟ ಯೊರ್ದನ್‌ ಪಕ್ಕತ್‌ಲುಳ್ಳ ಯಾರೆನ್‌ಲ್‌ ಉಳ್ಳ ಚೆನ್ನ ಪಟ್ಟಣತ್‌ಲ್‌ ವಾಸ ಮಾಡಿತ್‌ ಸೋದೋಮ್‌ ಪಟ್ಟಣಕ್‌ ಪೋಪ ಬಟ್ಟೆಲ್‌ ಗುಡಾರ ಇಟ್ಟತ್.

ಆದ್ಯತ್‌ರ ಪುಸ್ತಕ 13:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:11

ಆನಗುಂಡ್‌ ಲೋಟ ಯೊರ್ದನ್‌ ಯಾರೆನ ತ್‍ೕರ ಆರಿಚಿಟ್ಟಂಡ್‌ ಕ್‍ೕಕ್‌ ದಿಕ್ಕ್‌ಲ್‌ ಪೊರ್‌ಟಿತ್‌ ಪೋಚಿ. ಇನ್ನನೆ ಅಯಿಂಗ ಬೋರೆ ಬೋರೆಯಾಯಿತ್‌ ಪೋಚಿ.

ಆದ್ಯತ್‌ರ ಪುಸ್ತಕ 14:12

ಅಮ್ರಾಮಂಡ ತಮ್ಮಣಂಡ ಮೋಂವೊನಾನ ಲೋಟ ಸೊದೋಮ್‌ಲ್‌ ವಾಸಮಾಡಿಯಂಡಿಂಜನಗುಂಡ್, ಅಂವೊಂನ, ಅಂವೊಂಡ ಆಸ್ತಿನ ಸಹ ಎಡ್‌ತಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 14:2

ಈ ನಾಲ್‌ ರಾಜಂಗಳು ಇಕ್ಕ ಉಪ್ಪ್‌ರ ಕಡಲ್‌ ಆಯಿತುಳ್ಳ ಸಿದ್ದೀಮ್‌ ತಗ್ಗ್‌ಲ್‌ ಕೂಡ್‌ನ ಸೊದೋಮ್ರ ರಾಜನಾನ ಬೆರಗ, ಗೊಮೋರ್‌ ರಾಜನಾನ ಬಿರ್ಶಗ, ಅದ್ಮಾಹದರ ರಾಜನಾನ ಶಿನಾಬ, ಚೆಬೋಯೀಮಿನ ರಾಜನಾನ ಶೆಮೇಬರ, ಬೇಲಗಿರ ಎಣ್ಣ್‌ಚೇಂಗಿ ಚೋಗರಂಡ ರಾಜ, ಈಂಗಡ ಕೂಡೆ ಯುದ್ದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 19:1

ಬಯಿಟಾಪಕ ಆ ದಂಡ್‌ ದೂತಂಗಳೂ ಸೊದೋಮ್‌ ಪಟ್ಟಣಕ್‌ ಬಾತ್. ಆ ಸಮಯತ್‌ಲ್‌ ಸೊದೋಮ್‌ ಪಟ್ಟಣತ್‌ರ ಪಡಿರ ಪಕ್ಕ ಲೋಟ ಅಳ್‌ತಂಡಿಂಜತ್. ಅಂವೊ ಅಯಿಂಗಳ ಕಾಂಬಕ ಎದ್ದಿತ್‌ ಅಯಿಂಗಡ ಮಿಂಞತ್‌ ಮಂಡೆ ಬಗ್ಗಿಚಿಟ್ಟಿತ್:

ಆದ್ಯತ್‌ರ ಪುಸ್ತಕ 19:24

ಅಕ್ಕ ಯೆಹೋವ ಸೊದೋಮ್‌ ಗೊಮೋರತ್‌ರ ಮೇಲೆ ಗಂಧಕ ಪಿಂಞ ತಿತ್ತ್‌ರ ಮಳೆನೆ ಪೊಜ್ಜತ್.

ಆದ್ಯತ್‌ರ ಪುಸ್ತಕ 19:25

ಅನ್ನನೆ ಅಲ್ಲಿ ಇಂಜ ಪಟ್ಟಣತ್‌ನೆಲ್ಲಾ, ಸಮತಟ್ಟ್‌ ಬೂಮಿಯೆಲ್ಲಾನ, ಅಲ್ಲಿ ಇಂಜ ಪಟ್ಟಣತ್‌ಲ್‌ ಜೀವಂತವಾಯಿತ್‌ಂಜ ಪ್ರತಿ ಮನುಷ್ಯನ ಪಿಂಞ ಬೂಮಿಲ್‌ ಬೊಳ್‌ಂದ ಬೊಳೆನ ಪೂರ್ತಿಯಾಯಿತ್‌ ನಾಶಮಾಡ್‌ಚಿ.

ಆದ್ಯತ್‌ರ ಪುಸ್ತಕ 19:29

ಆಚೇಂಗಿ, ಯೆಹೋವ ಆ ಸಮತಟ್ಟ್‌ ಬೂಮಿಲ್‌ ಉಳ್ಳ ಪಟ್ಟಣತ್‌ನೆಲ್ಲಾ ನಾಶಮಾಡುವಕ ಅಬ್ರಹಾಮಂಡ ಕೋರಿಕೆನ ಗೇನಮಾಡಿತ್, ಲೋಟ ವಾಸಮಾಡಿಯಂಡಿಂಜ ಪಟ್ಟಣಂಗಕ್‌ ಬಂದ ಕ್‍ೕಡಿಂಜ ಲೋಟ ತಪ್ಪಿಚಿಡ್‌ವನೆಕೆ ಅಂವೊನ ಅಯಿಚಿರ್‌ತ್.

1 ಕೊರಿಂಥ 15:33

ಈ ವಿಷಯತ್‍ಲ್ ಮೋಸ ಪೋಕತಿ, ಬೋಂಡತ ಜನಡ ಕೂಟ್, ನಿಂಗಡ ನಲ್ಲ ಗುಣತ್‍ನ ಪಾಳ್ ಮಾಡಿರ್‌ವ.