ಆದ್ಯತ್‌ರ ಪುಸ್ತಕ 13:11 - ಕೊಡವ ಬೈಬಲ್

¹¹ ಆನಗುಂಡ್‌ ಲೋಟ ಯೊರ್ದನ್‌ ಯಾರೆನ ತ್‍ೕರ ಆರಿಚಿಟ್ಟಂಡ್‌ ಕ್‍ೕಕ್‌ ದಿಕ್ಕ್‌ಲ್‌ ಪೊರ್‌ಟಿತ್‌ ಪೋಚಿ. ಇನ್ನನೆ ಅಯಿಂಗ ಬೋರೆ ಬೋರೆಯಾಯಿತ್‌ ಪೋಚಿ.

ಆದ್ಯತ್‌ರ ಪುಸ್ತಕ 13:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:10

ಲೋಟ ಕಣ್ಣೆಡ್‌ತಿತ್‌ ನೋಟ್‌ವಕ ಯೋರ್ದನ್‌ ಯಾರೆಯಿಂಜ ಚೋಗರ್‌ ಎಣ್ಣುವ ಊರ್‌ಕ್‌ ಪೋಪ ಬಟ್ಟೆಕತ್ತನೆ ಫಲವತ್ತಾನ ಜಾಗಾಂದ್‌ ಕಂಡತ್. ಇದ್‌ ಯೆಹೋವ ಸೊದೋಮ್‌ ಪಿಂಞ ಗೊಮೋರ ಪಟ್ಟಣತ್‌ನ ನಾಶಮಾಡುವಕ್‌ ಮಿಂಞ ಯೆಹೋವಂಡ ತೋಟತ್‌ರನಕೆಯು, ಐಗುಪ್ತ ದೇಶತ್‌ರನೆಕೆಯು ಇಂಜತ್.

ಆದ್ಯತ್‌ರ ಪುಸ್ತಕ 13:12

ಅಬ್ರಾಮ ಕಾನಾನ್‌ ದೇಶತ್‌ಲ್‌ ಒಳ್‌ಂಜತ್; ಲೋಟ ಯೊರ್ದನ್‌ ಪಕ್ಕತ್‌ಲುಳ್ಳ ಯಾರೆನ್‌ಲ್‌ ಉಳ್ಳ ಚೆನ್ನ ಪಟ್ಟಣತ್‌ಲ್‌ ವಾಸ ಮಾಡಿತ್‌ ಸೋದೋಮ್‌ ಪಟ್ಟಣಕ್‌ ಪೋಪ ಬಟ್ಟೆಲ್‌ ಗುಡಾರ ಇಟ್ಟತ್.

ಆದ್ಯತ್‌ರ ಪುಸ್ತಕ 13:14

ಲೋಟ ಅಬ್ರಾಮನ ಬುಟ್ಟಿತ್‌ ಪೋನ ಪಿಂಞ, ಯೆಹೋವ ಅಬ್ರಾಮಂಗ್: ನೀನ್‌ ಉಳ್ಳ ಜಾಗತ್‌ಂಜ ನೀಕ್‌ ಕಣ್ಣೆಟ್ಟುವ ಜಾಗಕತ್ತನೆ ಬಡಕ್, ತೆಕ್ಕ್, ಕ್‍ೕಕ್‌ ಪಿಂಞ ಪಡ್‌ಞಾರ್‌ ದಿಕ್ಕ್‌ಲ್‌ ಕಣ್ಣೆಡ್‌ತಿತ್‌ ನೋಟ್.

ಆದ್ಯತ್‌ರ ಪುಸ್ತಕ 13:9

ಈ ಊರ್‌ ಎಲ್ಲಾ ನೀಡ ಮಿಂಞತ್‌ಲ್‌ ಉಂಡಲ್ಲ? ನಂಗ ಬೋರೆ ಬೋರೆ ಪೋಕನ. ನೀನ್‌ ಎಡ್‌ತ್‌ ಬರಿ ಪೋಚೇಂಗಿ ನಾನ್‌ ಬಲ್‌ತ್‌ ಬರಿಕ್‌ ಪೋಪಿ. ನೀನ್‌ ಬಲ್‌ತ್‌ ಬರಿ ಪೋಚೇಂಗಿ ನಾನ್‌ ಎಡ್‌ತ್‌ ಬರಿಕ್‌ ಪೋಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:17

ಅಯಿಂಗಳ ಪೊರಮೆ ಕಾಕಿಯಂಡ ಪೋಯಿತ್‌ ಬುಟ್ಟಿತಾನ ಪಿಂಞ ಒಬ್ಬ ದೇವದೂತ: ನಿಂಗಡ ಪ್ರಾಣತ್‌ನ ಬಚಾವ್‌ ಮಾಡ್‌ವಕಾಯಿತ್‌ ಓಡಿ ಪೋಯಿ. ನಿಂಗ ಬಯ್ಯಕ್‌ ತಿರಿತ್‌ ನೋಟತಿ; ಈ ಸಮತಟ್ಟ್‌ ಬೂಮಿಲ್‌ ಎಲ್ಲಿಯೂ ನಿಕ್ಕತೆ ಕುಂದ್‌ಕ್‌ ಓಡಿಪೋಯಿರಿ. ಇಲ್ಲತಪೋಚೇಂಗಿ ನಿಂಗಳು ನಾಶ ಆಯಿ ಪೋಪಿರಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 27:10

ನೀಡ ಸ್ನೇಹಿತನ ಆಡ್, ನೀಡ ಅಪ್ಪಂಡ ಸ್ನೇಹಿತನ ಆಡ್‌ ಮರ್‌ಕತೆ. ನೀಡ ಆಪಾಯತ್‌ರ ನೇರತ್‌ ನೀಡ ಅಣ್ಣತಮ್ಮಣಂಡ ಮನೆಕ್‌ ಪೋಕತೆ. ದೂರತ್‌ಲ್‌ ಉಳ್ಳ ನೀಡ ಅಣ್ಣತಮ್ಮಣಂಗಕಿಂಜಿ ಪಕ್ಕತ್‌ಲ್‌ ಉಳ್ಳ ನೀಡ ನೆರೆಮನೆಕಾರನೇ ಮೇಲ್.

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

1 ಪೇತ್ರ 2:17

ಎಲ್ಲಾರ್‌ಕು ಚಾಯಿ ಮರ್ಯಾದೆ ಕೊಡಿ, ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡಿ, ದೇವಕ್ ಬೊತ್ತ್‌ಚಿಡಿ, ರಾಜನ ಗನಪಡ್‌ತಂಡು.