ಆದ್ಯತ್‌ರ ಪುಸ್ತಕ 12:7 - ಕೊಡವ ಬೈಬಲ್

⁷ ಅಲ್ಲಿ ಯೆಹೋವ ಅಬ್ರಾಮಂಗ್‌ ಕಾಂಬ್‌ಚಿಟ್ಟಂಡ್: ಈ ದೇಶತ್‌ನ ನೀಡ ಸಂತಾನಕಾರಂಗಕ್‌ ತಪ್ಪೀಂದ್‌ ಎಣ್ಣ್‌ಚಿ. ಅಕ್ಕ ಅಂವೊ ತಾಂಗ್‌ ಕಾಂಬ್‌ಚಿಟ್ಟ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 12:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:8

ಅಲ್ಲಿಂಜ ಅಂವೊ ಪೊರ್‌ಟಿತ್‌ ಬೇತೇಲ್‌ರ ಕ್‍ೕಕ್‌ ದಿಕ್ಕ್‌ಲ್‌ ಉಳ್ಳ ಕುಂದ್ರ ಪಕ್ಕ ಬಂದಿತ್‌ ಗುಡಾರ ಇಟ್ಟತ್. ಅದ್‌ಂಡ ಪಡ್‌ಞಾರ್‌ ದಿಕ್ಕಲ್‌ ಬೇತೇಲು ಕ್‍ೕಕ್‌ ದಿಕ್ಕ್‌ಲ್‌ ಆಯಿ ಎಣ್ಣುವ ಊರು ಇಂಜತ್. ಅಲ್ಲಿ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಯೆಹೋವಂಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 13:15

ನೀನ್‌ ನೋಟ್‌ವ ಈ ಬೂಮಿನೆಲ್ಲಾ ನಾನ್‌ ನೀಕು ನೀಡ ಸಂತಾನಕ್‌ ಕಾಲಕಾಲಕ್‌ ಇಪ್ಪನೆಕೆ ತಪ್ಪಿ.

ಆದ್ಯತ್‌ರ ಪುಸ್ತಕ 13:17

ನೀನ್‌ ಎದ್ದಿತ್, ಈ ದೇಶತ್‌ರ ಉದ್ದಕು ಅಗಲಕು ನಡಪಿಯ; ನಾನ್‌ ಅದ್‌ನ ನೀಕ್‌ ತಪ್ಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 13:18

ಪಿಂಞ ಅಬ್ರಾಮ ತಾಂಡ ಗುಡಾರತ್‌ನ ಹೆಬ್ರೋನ್‌ಲ್‌ ಉಳ್ಳ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ಇಟ್ಟಿತ್, ಯೆಹೋವಂಗ್‌ ಅಲ್ಲಿ ಓರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 13:4

ಮಿಂಞ ಅಲ್ಲಿಯೇ ಅಬ್ರಾಮ ಯೆಹೋವಂಗ್‌ ಬಲಿಪೀಠ ಕೆಟ್ಟಿತ್‌ಂಜತ್. ಇಕ್ಕ ಅಬ್ರಾಮ ಪುನಃ ದೇವಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 15:18

ಅನ್ನನೆ ಆ ದಿವಸತ್‌ಲ್‌ ಯೆಹೋವ ಅಮ್ರಾಮಂಡ ಕೂಡೆ ಒಪ್ಪಂದ ಮಾಡಿತ್: ಐಗ್ತುಪ ದೇಶತ್‌ರ ಪೊಳೆಯಿಂಜ ಪುಡ್‌ಚಿತ್‌ ಯೂಫ್ರೇಟೀಸ್ ಬಲ್ಯ ಪೊಳೆಕತ್ತನೆಕ್‌ ಉಳ್ಳ ಎಲ್ಲಾನ ಪಿಂಞ

ಆದ್ಯತ್‌ರ ಪುಸ್ತಕ 17:1

ಅಬ್ರಾಮ ತೊಂಬತೊಯಿಂಬದ್‌ ವಯಸ್ಸಾಯಿತ್‌ಪ್ಪಕ ಯೆಹೋವ, ಅಬ್ರಾಮಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ನಾಡ ಮಿಂಞತ್‌ಲ್‌ ಏದ್‌ ಕುತ್ತವು ಇಲ್ಲತೆ ನಾಡ ಸೇವೆ ಮಾಡ್.

ಆದ್ಯತ್‌ರ ಪುಸ್ತಕ 17:3

ಅಕ್ಕ ಅಬ್ರಾಮ ಅಡ್ಡಬುದ್ದತ್. ದೇವ ಅಂವೊಂಡ ಕೂಡೆ ತಕ್ಕ್‌ ಪರ್‌ಂದಿತ್:

ಆದ್ಯತ್‌ರ ಪುಸ್ತಕ 17:8

ನೀನ್‌ ಪರದೇಶಿಯಾಯಿತ್‌ ವಾಸ ಮಾಡಿಯಂಡುಳ್ಳ ಕಾನಾನ್‌ ದೇಶತ್‌ನೆಲ್ಲಾ ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ಕಾಲಕಾಲಕ್‌ ಸ್ವಂತವಾಯಿತ್‌ ಕೊಡ್‌ತಿತ್‌ ನಾನ್‌ ಅಯಿಂಗಕ್‌ ಯೆಹೋವನಾನ ದೇವನಾಯಿತ್‌ ಇಪ್ಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:1

ಪಿಂಞ ಅಬ್ರಹಾಮ ಮಜ್ಜಣ ನೇರತ್‌ಲ್‌ ತಾಂಡ ಗುಡಾರತ್‌ರ ಪಡಿಲ್‌ ಅಳ್‌ತಿತ್‌ ಇಪ್ಪಕ, ಯೆಹೋವ ಮಮ್ರೆ ತೋಟತ್‌ರ ಪಕ್ಕತ್‌ ಅಂವೊಂಗ್‌ ಕಾಂಬ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 22:9

ದೇವ ಎಣ್ಣ್‌ನ ಜಾಗಕ್‌ ಎತ್ತ್‌ಚಿ. ಅಲ್ಲಿ ಅಬ್ರಹಾಮ ಒರ್‌ ಬಲಿಪೀಠತ್‌ನ ತಯಾರ್‌ ಮಾಡಿತ್, ಪುಳ್ಳಿನ ಅಡ್‌ಕಿತ್, ತಾಂಡ ಮೋಂವೊನಾನ ಇಸಾಕಂಡ ಕೈಕಾಲ್‌ನ ಕೆಟ್ಟಿತ್, ಅಂವೊನ ಬಲಿಪೀಠತ್‌ರ ಮೇಲೆ ಇಟ್ಟತ್.

ಆದ್ಯತ್‌ರ ಪುಸ್ತಕ 24:7

ನಾಡ ಅಪ್ಪಂಡ ಮನೆಯಿಂಜಲು, ನಾನ್‌ ಪುಟ್ಟ್‌ನ ದೇಶತ್‌ಂಜಲು ನನ್ನ ಕಾಕಿಯಂಡ್‌ ಬಂದಿತ್, ನೀಡ ಸಂತಾನಕ್‌ ಈ ದೇಶತ್‌ನ ತಪ್ಪೀಂದ್‌ ಎಣ್ಣಿತ್‌ ಆಣೆ ಮಾಡ್‌ನಂವೊನಾನ ಪರಲೋಕತ್‌ರ ದೇವನಾನ ಯೆಹೋವ, ನೀನ್‌ ಅಲ್ಲಿಂಜ ನಾಡ ಮೋಂವೊಂಗ್‌ ಒರ್‌ ಮೂಡಿನ ಕೂಟಿಯಂಡ್‌ ಬಪ್ಪಕಾಯಿತ್, ತಾಂಡ ದೂತನ ನೀಡ ಮಿಂಞತ್‌ ಅಯಿಪ.

ಆದ್ಯತ್‌ರ ಪುಸ್ತಕ 26:25

ಅಕ್ಕ ಇಸಾಕ ಅಲ್ಲಿ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಯೆಹೋವಂಡ ಪೆದತ್‌ನ ಎಣ್ಣಿತ್‌ ಆರಾದನೆ ಮಾಡಿತ್, ಅಲ್ಲಿಯೇ ತಾಂಡ ಗುಡಾರತ್‌ನ ಇಟ್ಟಂಡತ್. ಆ ಜಾಗತ್‌ಲ್‌ ಅಂವೊಂಡ ಪಣಿಕಾರಂಗ ಒರ್‌ ಕಣತರೆನ ತೋಡ್‌ಚಿ.

ಆದ್ಯತ್‌ರ ಪುಸ್ತಕ 26:3

ನೀನ್‌ ಈ ದೇಶತ್‌ಲ್‌ ಚೆನ್ನ ಕಾಲ ವಾಸ ಮಾಡ್. ನಾನ್‌ ನೀಡ ಕೂಡೆ ಇಂಜಿತ್, ನಿನ್ನ ಆಶೀರ್ವಾದ ಮಾಡುವಿ; ನಾನ್‌ ನೀಕು ನೀಡ ಸಂತಾನಕು ಈ ದೇಶತ್‌ನೆಲ್ಲ ತಂದಿತ್‌ ನೀಡ ಅಪ್ಪನಾನ ಅಬ್ರಹಾಮಂಗ್‌ ಮಾಡ್‌ನ ಆಣೆನ ನೆರೆವೇರಿಚಿಡುವಿ.

ಆದ್ಯತ್‌ರ ಪುಸ್ತಕ 28:13

ಅದಾ, ಯೆಹೋವ ಮೊಟ್ಟ್‌ರ ಕೊಡಿಲ್‌ ನಿಂದಿತ್: ನಾನ್‌ ನೀಡ ಮುತ್ತಜ್ಜಂಗಳಾನ ಅಬ್ರಹಾಮಂಡ ದೇವನು ಇಸಾಕಂಡ ದೇವನು ಆನ ಯೆಹೋವ; ನೀನ್‌ ಬುದ್ದಂಡುಳ್ಳ ಬೂಮಿನ ನೀಕು ನೀಡ ಸಂತಾನಕು ತಪ್ಪಿ.

ಆದ್ಯತ್‌ರ ಪುಸ್ತಕ 28:4

ದೇವ ಅಬ್ರಹಾಮಂಗ್‌ ಕೊಡ್‌ತ ಆಶೀರ್ವಾದತ್‌ನ ಪಿಂಞ ನೀನ್‌ ಪರದೇಶಿಯಾಯಿತ್‌ ಉಳ್ಳ ಈ ಜಾಗತ್‌ನ ನೀನ್‌ ಸ್ವಂತವಾಯಿತ್‌ ಪಡೆಯುವಕ್‌ ಅಬ್ರಹಾಮಂಗ್‌ ವಾಗ್ದಾನ ಮಾಡಿತ್‌ ಕೊಡ್‌ತ ಆಶೀರ್ವಾದತ್‌ನ ನೀಕು ನೀಡ ಸಂತಾನಕು ತರಡ್‍ೕಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 32:30

ಅಕ್ಕ ಯಾಕೋಬ: ನಾನ್‌ ದೇವಡ ಮೂಡ್‌ನ ನೋಟ್‌ನ ಆಚೇಂಗಿಯು, ನಾಡ ಜೀವ ಉಳ್‌ಂಜತಲ್ಲಾಂದ್‌ ಎಣ್ಣಿತ್‌ ಆ ಜಾಗಕ್‌ ಪೆನೀಯೇಲ್‌ಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 33:20

ಅಲ್ಲಿ ಯಾಕೋಬ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಅದ್‌ಂಗ್‌ ಏಲ್‌ ಎಲೋಹೇ ಇಸ್ರಾಯೇಲ್‌ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 35:12

ನಾನ್‌ ಅಬ್ರಹಾಮಂಗು ಇಸಾಕಂಗು ಕೊಡ್‌ತ ದೇಶತ್‌ನ ನೀಕು ತಪ್ಪಿ. ಅಕ್ಕು ನೀಕು, ಬಯ್ಯ ನೀಡ ಸಂತಾನಕು ತಪ್ಪೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 35:7

ಅಂವೊ ಅಲ್ಲಿ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಯಾಕೋಬ ತಾಂಡ ಅಣ್ಣಂಡಿಂಜ ಓಡಿಪೋಪಕ, ಅಲ್ಲಿ ದೇವ ಅಂವೊಂಗ್‌ ಪ್ರತ್ಯಕ್ಷ ಆನಗುಂಡ್, ಆ ಜಾಗಕ್‌ ಏಲ್‌ ಬೇತೇಲ್‌ ಎಣ್ಣಿಯಂಡ್‌ ಪೆದಬೆಚ್ಚತ್.

ಆದ್ಯತ್‌ರ ಪುಸ್ತಕ 50:24

ಯೋಸೇಫ ತಾಂಡ ಅಣ್ಣತಮ್ಮಣಂಗಕ್: ನಾನ್‌ ಚಾವಕ್‌ ಉಳ್ಳ. ಆಚೇಂಗಿ ದೇವ ನಿಂಗಳ ಕಾಂಬಕ್‌ ಬಂದಿತ್, ನಿಂಗ ಈ ದೇಶತ್‌ನ ಬುಟ್ಟಿತ್, ದೇವ ಅಬ್ರಹಾಮಂಗ್, ಇಸಾಕಂಗ್‌ ಪಿಂಞ ಯಾಕೋಬಂಗ್‌ ವಾಗ್ದಾನ ಮಾಡ್‌ನ ದೇಶಕ್‌ ಪೋಪಕ್‌ ಮಾಡ್‌ವಾಂದ್‌ ನಿಂಗಕ್‌ ಗೊತ್ತಿರಡ್.

ಆದ್ಯತ್‌ರ ಪುಸ್ತಕ 8:20

ಅಕ್ಕ ನೋಹ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಶುದ್ದವಾನ ಚೆನ್ನ ಪ್ರಾಣಿ ಪಿಂಞ ಪಕ್ಷಿಯಳ ಬಲಿಪೀಠತ್‌ರ ಮೇಲೆ ದಹನ ಬಲಿಯಾಯಿತ್‌ ಬಲಿ ಕೊಡ್‌ತತ್.

ಅಪೊಸ್ತಲ 7:5

ಆಚೇಂಗಿ, ಅಲ್ಲಿಕತ್ತನೆ ದೇವ ಅಂವೊಂಗ್ ಕಾಲಿಡ್‍ವಚ್ಚಕ್ ಬೂಮಿನ ಸಹ ಸ್ವಂತವಾಯಿತ್ ಈ ಜಾಗತ್‍ಲ್ ಕೊಡ್‍ತಿತ್‌ಲ್ಲೆ. ಅಂವೊಂಗ್ ಮಕ್ಕ ದಾರೂ ಇಲ್ಲತಿಪ್ಪಕಲೇ: ಈ ದೇಶತ್‍ನ ನೀಕ್, ನೀಡ ಬಯ್ಯ ಬಪ್ಪಕುಳ್ಳ ನೀಡ ಸಂತಾನಕ್ ಸ್ವಂತವಾಯಿತ್ ತಪ್ಪೀಂದ್ ಅಂವೊಂಗ್ ವಾಗ್ದಾನ ಮಾಡ್‍ಚಿ.

ರೋಮ್ 9:8

ಎನ್ನನೆ ಎಣ್ಣ್‌ಚೇಂಗಿ, ತಡೀರ ಪ್ರಕಾರ ಮಕ್ಕ ಆನಯಿಂಗ ಎಲ್ಲಾರು ದೇವಡ ಮಕ್ಕ ಅಲ್ಲ, ವಾಗ್ದಾನತ್‍ರ ಪ್ರಕಾರ ಮಕ್ಕ ಆನಯಿಂಗಳೇ ಅಂವೊಂಡ ಸಂತಾನಕಾರಂಗಳಾಯಿತ್‌ಪ್ಪ.

ಗಲಾತ್ಯ 3:16

ದೇವ ಅಬ್ರಹಾಮಂಗು ಅಂವೊಂಡ ಸಂತಾನಕಾರಂಗಕು ವಾಗ್ದಾನ ಮಾಡ್‍ಚಿ. ಅಂವೊಂಡ ಸಂತಾನಕಾರಂಗಕ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತ್‌ಲ್ಲೆ. ವಾಗ್ದಾನ ಅಂವೊಂಡ ಮೋಂವೊಂಗ್‍ೕಂದ್ ಎಣ್ಣ್‌ನಗುಂಡ್ ಆ ಸಂತಾನಕಾರ ಒಬ್ಬನೇ; ಅಂವೊ ಯೇಸು ಕ್ರಿಸ್ತನೇ.

ಗಲಾತ್ಯ 4:28

ನಾಡ ಅಣ್ಣತಮ್ಮಣಂಗಳೇ, ಇಸಾಕರನೆಕೆ ನಂಗೆಲ್ಲಾರು ದೇವಡ ವಾಗ್ದಾನತ್‍ರ ಮಕ್ಕಳಾಯಿತುಂಡ್.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 11:8

ನಂಬಿಕೇರ ಮೂಲಕ, ಅಬ್ರಹಾಮ ತಾಂಗ್ ಬಾದ್ಯತೆಯಾಯಿತ್ ಕ್‍ಟ್ಟ್‌ವಕುಳ್ಳ ಜಾಗಕ್ ಪೋಪಕ್ ದೇವ ಕಾಕ್‍ವಕ, ತಗ್ಗಿತ್, ತಾನ್ ಎಲ್ಲಿ ಪೋಯಂಡುಳ್ಳ್‌ಂದ್ ಗೊತ್ತಿಲ್ಲತೆ ಪೊರಟಿತ್ ಪೋಚಿ.