ಆದ್ಯತ್‌ರ ಪುಸ್ತಕ 12:16 - ಕೊಡವ ಬೈಬಲ್

¹⁶ ಅವಳಗುಂಡ್‌ ಫರೋಹನ ಅಬ್ರಾಮನ ತಕ್ಕರಿಚಿಟ್ಟತ್. ಅಬ್ರಾಮಂಗ್‌ ಕೊರಿ, ಎತ್ತ್‌ಕಡ್‌ಚಿಯ, ಆಣ್‍ ಪೊಣ್ಣ್‌ ಕತ್ತೆಯ ಪಣಿಕಾರಂಗ ಪಣಿಕಾರ್ತಿಯಳ ಪಿಂಞ ಒಂಟೆಯಳ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 12:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:2

ಇಕ್ಕ ಅಬ್ರಾಮ ದುಂಬ ಐಶ್ವರ್ಯವಂತಂವೊನಾಯಿತ್‌ಂಜಿತ್, ಅಂವೊಂಗ್‌ ಎತ್ತ್‌ಕಡ್‌ಚಿಯ, ಬೊಳ್ಳಿ ಪಿಂಞ ಪೊನ್ನ್‌ ಇಂಜತ್.

ಆದ್ಯತ್‌ರ ಪುಸ್ತಕ 13:6

ಆಚೇಂಗಿ ಅಯಿಂಗ ದಂಡಾಳ್‌ರ ಆಸ್ತಿ ದುಂಬ ಇಂಜನಗುಂಡ್‌ ಅಯಿಂಗ ದಂಡಾಳು ಒಕ್ಕಚೆ ವಾಸ ಮಾಡ್‌ವಕ್‌ ಜಾಗ ಪೋರತೆ ಆಚಿ.

ಆದ್ಯತ್‌ರ ಪುಸ್ತಕ 16:1

ಅಮ್ರಾಮಂಡ ಪೊಣ್ಣ್‌ ಆನ ಸಾರಯಳ್‌ಕ್‌ ಮಕ್ಕಯಿಂಜ್‌ತ್‌ಲ್ಲೆ. ಐಗ್ತುಪ ದೇಶಕ್‌ ಕೂಡ್‌ನ ಹಾಗರ ಎಣ್ಣುವ ಒರ್‌ ಅಡಿಯಾಳ್‌ ಪಣಿಕಾರ್ತಿ ಅವಕ್‌ ಇಂಜತ್.

ಆದ್ಯತ್‌ರ ಪುಸ್ತಕ 20:14

ಅಕ್ಕ ಅಬೀಮೆಲೆಕ ಅಬ್ರಹಾಮಂಗ್‌ ಕೊರಿ ಎತ್ತ್‌ಕಡ್‌ಚಿಯಳ ಪಿಂಞ ಪಣಿಕಾರ ಪಣಿಕಾರ್ತಿಯಳ ಕೊಡತಿತ್, ಅಂವೊಂಡ ಪೊಣ್ಣ್‌ ಆನ ಸಾರಳನ ಸಹ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟತ್.

ಆದ್ಯತ್‌ರ ಪುಸ್ತಕ 24:35

ಯೆಹೋವ ನಾಡ ಎಜಮಾನನ ದುಂಬ ಆಶೀರ್ವಾದ ಮಾಡಿತ್‌ ಅಂವೊ ಬಲ್ಯ ಐಶ್ವರ್ಯವಂತಂವೊನಾಯಿತುಂಡ್. ಅಂವೊಂಗ್‌ ಕೊರಿ, ಎತ್ತ್‌ಕಡ್‌ಚಿ, ಬೊಳ್ಳಿ ಪೊನ್ನ್‌ ಪಣಿಕಾರಂಗಳ, ಪಣಿಕಾರ್ತಿಯಳ, ಒಂಟೆಯಳ ಪಿಂಞ ಕತ್ತೆಯಳ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 26:14

ಅಂವೊಂಗ್‌ ಆಡ್‌ ಕೊರಿಯ, ಎತ್ತ್‌ ಕಡ್‌ಚಿಯ, ಪಿಂಞ ದುಂಬ ಪಣಿಕಾರಂಗ ಇಂಜತ್. ಇದ್‌ನ ನೊಟ್‌ನ ಫಿಲಿಷ್ಟಿರಯಿಂಗಕ್‌ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ ಪಟ್ಟತ್.

ಆದ್ಯತ್‌ರ ಪುಸ್ತಕ 30:43

ಯಾಕೋಬ ಬಲ್ಯ ಸೊತ್ತ್‌ರ ಎಜಮಾನನಾಚಿ. ಅಂವೊಂಗ್‌ ಬೋಂಡಿಯಚ್ಚಕ್‌ ಕೊರಿಯ, ಆಡ್‌ವ, ಒಂಟೆಕತ್ತೆಯ ಪಿಂಞ ಪಣಿಕಾರಂಗ ಇಂಜತ್.

ಆದ್ಯತ್‌ರ ಪುಸ್ತಕ 32:5

ಇಕ್ಕ ಅಂವೊಂಡ ಪಕ್ಕ ಎತ್ತ್, ಕತ್ತೆ, ಕೊರಿ ಪಣಿಕಾರಂಗ ಪಿಂಞ ಪಣಿಕಾರ್ತಿಯ ಎಲ್ಲಾ ಉಂಡ್. ಅಂವೊಂಗ್‌ ನೀಡ ದಯೆ ಕ್‌ಟ್ಟಂಡೂಂದ್‌ ನೀಕ್‌ ಎಣ್ಣ್‌ವಕಾಯಿತ್‌ ನಂಗಳ ನೀಡ ಪಕ್ಕ ಅಯಿಚಿತುಂಡ್‍ೕಂಡ್‍ೕಂದ್‌ ಎಣ್ಣೀಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:45

ಆಚೇಂಗಿ, ಆ ಆಳ್, ಮನೆರ ಎಜಮಾನ ಬಪ್ಪಕ್ ಇಂಞು ಕಾಲ ಉಂಡ್‍ೕಂದ್ ಗೇನ ಮಾಡಿಯಂಡ್, ಬೋರೆಯಿಂಗಡ ಕೂಡೆ ತಿಂದಂಡ್, ಕಳ್ಳ್‌ಕುಡ್‌ಚಂಡ್, ಆಳುವಳ ಪೊಯ್ಯುವಂಜಿ, ತಾಂಡ ಮನಸ್ಸ್ ಬಂದನೆಕೆ ಮಾಡಿಯಂಡ್ ಇಂಜತೇಂಗಿ,