ಆದ್ಯತ್‌ರ ಪುಸ್ತಕ 12:14 - ಕೊಡವ ಬೈಬಲ್

¹⁴ ಅನ್ನನೆ ಅಬ್ರಾಮ ಐಗುಪ್ತ ದೇಶಕ್‌ ಬಪ್ಪಕ, ಐಗುಪ್ತ ದೇಶತ್‌ರ ಜನ ಅಂವೊಂಡ ಕೂಡೆ ಇಂಜ ಆ ಪೊಣ್ಣಾಳ್‌ ದುಂಬ ಚಾಯಿಕಾರ್ತೀಂದ್‌ ಕಂಡತ್.

ಆದ್ಯತ್‌ರ ಪುಸ್ತಕ 12:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:13

ಆಂಗಾಯಿತ್‌ ನೀಡಗುಂಡ್‌ ನಾಕ್‍ ನಲ್ಲದ್‌ ಆಪಕಾಯಿತು, ನೀಡಗುಂಡ್‌ ನಾನ್‌ ಚಾವತೆ ಬದ್‌ಕ್‌ವಕಾಯಿತು ದಯಬೆಚ್ಚಿತ್‌ ನೀನ್‌ ನಾಡ ತಂಗೇಂದ್‌ ಅಯಿಂಗಡ ಪಕ್ಕ ಎಣ್ಣ್‌ಂದ್‌ ಅಂವೊ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 12:15

ಫರೋಹನಂಡ ಅದಿಕಾರಿಯ ಅವಳ ಕಂಡಿತ್‌ ಫರೋಹನಂಡ ಮಿಂಞತ್‌ಲ್‌ ಅವಳ ಕೊಂಡಾಡ್‌ಚಿ. ಅಕ್ಕ ಆ ಪೊಣ್ಣಾಳ್‌ನ ಫರೋಹನಂಡ ಅರಮನೆಕ್‌ ಕಾಕಿಯಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 29:17

ಲೇಯಾಂಡ ಕಣ್ಣ್‌ ಚೆನ್ನ ಬೊಳಿ ಕಮ್ಮಿಯಾಯಿತ್‌ ಕಾಂಬನೆಕೆ ಇಂಜತ್. ಆಚೇಂಗಿ ರಾಹೇಲ ಸುಂದರಿಯು ಕಾಂಬಕ್‌ ಚಾಯಿಕಾರ್ತಿಯು ಆಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 3:6

ಅಕ್ಕ ಆ ಪೊಣ್ಣಾಳ್‌ಕ್, ಈ ಮರತ್‌ರ ಪಣ್ಣ್‌ ತಿಂಬಕ್‌ ನಲ್ಲದಾಯಿತು, ನೋಟ್‌ವಕ್‌ ಚಾಯಿ ಉಂಡ್‍ೕಂದು, ಅವಕ್‌ ಜ್ಞಾನ ಕ್‌ಟ್ಟ್‌ವಕ್‌ ಅದ್‌ ಬೋಂಡ್‍ೕಂದು ಗೊತ್ತಾಯಿತ್, ಅದ್‌ನ ಪರಿಚಿತ್‌ ಅವ ತಿಂದತ್. ಅವಡ ವಡಿಯಂಗು ಕೊಡ್‌ಪಕ, ಅಂವೊನು ಅದನ ತಿಂದತ್.

ಆದ್ಯತ್‌ರ ಪುಸ್ತಕ 39:7

ಇನ್ನನೆ ಇಪ್ಪಕ ಅಂವೊಂಡ ಎಜಮಾನಂಡ ಪೊಣ್ಣ್‌ ಅಂವೊಂಡ ಮೇಲೆ ಕಣ್ಣ್‌ ಬೆಚ್ಚಿತ್‌ ಅವಡ ಕೂಡೆ ಬುದ್ದೋಕ್‌ ಬಾಂದ್‌ ಅಂವೊನ ಕಾಕ್‌ಚಿ.

ಆದ್ಯತ್‌ರ ಪುಸ್ತಕ 6:2

ದೇವಡ ಗುಣಕ್‌ ಕೂಡ್‌ನ ಕ್‌ಣ್ಣ ಮಕ್ಕ, ಈ ಲೋಕತ್‌ರ ಗುಣಕ್‌ ಕೂಡ್‌ನ ಮೂಡಿಯ ಕಾಂಬಕ್‌ ಚಾಯ ಉಂಡ್‍ೕಂದ್‌ ಕಂಡಿತ್, ಅಯಿಂಗಕ್‌ ಕುಶಿಯಾನ ಮೂಡಿಯಳ ಅಯಿಂಗಕಯಿಂಗಕ್‌ ಪೊಣ್ಣಾಯಿತ್‌ ಗೊತ್ತ್‌ ಮಾಡಿಯಂಡತ್.

ಮತ್ತಾಯ 5:28

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ಬೋರೆ ಪೊಣ್ಣಾಳ್‍ನ ಆಸೆಯಿಂಜ ನೋಟ್‍ಚೇಂಗಿ ಸಹ, ಅಂವೊ ತಾಂಡ ಹೃದಯತ್‍ಲ್ ಅವಡ ಕೂಡೆ ವ್ಯಬಿಚಾರ ಮಾಡ್‍ನನೆಕೆ.