ಆದ್ಯತ್‌ರ ಪುಸ್ತಕ 12:10 - ಕೊಡವ ಬೈಬಲ್

¹⁰ ಈ ಸಮಯತ್‌ಲ್‌ ಆ ದೇಶತ್‌ಲ್‌ ಬರಗಾಲ ಇಂಜತ್. ಅಲ್ಲಿ ಬರಗಾಲ ಕಠಿಣವಾಯಿತ್‌ ಇಂಜನಗುಂಡ್‌ ಚೆನ್ನಕಾಲ ಐಗುಪ್ತ ದೇಶತ್‌ಲ್‌ ಇಪ್ಪಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 12:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 41:56

ದೇಶತ್‌ರ ಎಲ್ಲಾ ಕಡೆಯು ಬರಗಾಲ ಬಪ್ಪಕ, ಯೋಸೇಫ ಪತ್ತಾಯ ಕೋಂಬರೆನ ತೊರ್‌ಂದಿತ್‌ ಐಗುಪ್ತ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರ್ಚಿ. ಬರಕಾಲ ಐಗುಪ್ತ ದೇಶತ್‌ಲ್‌ ದುಂಬ ಕಠಿಣವಾಯಿತ್‌ ಆಯಂಡಿಂಜತ್.

ಆದ್ಯತ್‌ರ ಪುಸ್ತಕ 41:57

ಇಡೀ ಲೋಕತ್‌ ಬರಕಾಲ ದುಂಬ ಕಠಿಣವಾಯಿತ್‌ ಇಂಜಂಗ್‌ ಸುತ್ತ್‌ಮುತ್ತ್‌ ದೇಶತ್‌ಂಜೆಲ್ಲಾ ಜನ ಐಗುಪ್ತ ದೇಶಕ್‌ ಬಂದಿತ್‌ ಯೋಸೇಫಂಡ ಪಕ್ಕ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‍ತತ್.

ಆದ್ಯತ್‌ರ ಪುಸ್ತಕ 42:5

ಕಾನಾನ್‌ ದೇಶತ್‌ಲ್‌ ಬರಗಾಲ ಬಂದಂಗ್‌ ಯಾಕೋಬಂಡ ಮಕ್ಕ ಐಗುಪ್ತ ದೇಶಕ್‌ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‌ತಂಡ್‌ ಬಪ್ಪಯಿಂಗಡ ಕೂಡ ಬಾತ್.

ಆದ್ಯತ್‌ರ ಪುಸ್ತಕ 43:1

ಕಾನಾನ್‌ ದೇಶತ್‌ಲ್‌ ಬರಗಾಲ ಕಠಿಣವಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 47:13

ಬರಗಾಲ ದುಂಬ ಕಠಿಣವಾಯಿತ್‌ ಇಂಜನಗುಂಡ್‌ ದೇಶತ್‌ರ ಏದ್‌ ಬಾಗತ್‌ಲು ಆಹಾರ ಕ್‌ಟ್ಟ್‌ವಯಿಂಜ್‌ಲ್ಲೆ. ಅನ್ನನಾಯಿತ್‌ ಐಗುಪ್ತ ಪಿಂಞ ಕಾನಾನ್‌ ದೇಶತ್‌ಲ್‌ ಇಂಜ ಜನಕ್‌ ಕೆಲ ಪೈಚಿತ್‌ ದುಂಬ ನರಳಿಯಡಿಂಜತ್.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 7:11

ಚೆನ್ನ ಕಾಲ ಆನ ಪಿಂಞ, ಐಗುಪ್ತ ಪಿಂಞ ಕಾನಾನ್ ದೇಶತ್‍ಲ್ ಬರಗಾಲ ಬಾತ್. ಅನ್ನನೆ ಬಲ್ಯ ಕಷ್ಟ ಆಯಿತ್, ನಂಗಡ ಮುತ್ತಜ್ಜಂಗಕ್ ಆಹಾರ ಕ್‍ಟ್ಟಿತ್ತ್‌ಲ್ಲೆ.