ಆದ್ಯತ್‌ರ ಪುಸ್ತಕ 11:9 - ಕೊಡವ ಬೈಬಲ್

⁹ ಈ ಲೋಕತ್‌ಲ್‌ ಇಂಜ ಬಾಷೆನ ಯೆಹೋವ ಅಲ್ಲಿ ತಾರಮಾರ ಮಾಡ್‍ನಗುಂಡ್, ಆ ಪಟ್ಟಣಕ್‌ ಬಾಬೆಲ್‍ೕಂದ್‌ ಪೆದ ಬಾತ್. ಯೆಹೋವ ಅಯಿಂಗಳೆಲ್ಲ ಈ ಲೋಕತ್‌ರ ಎಲ್ಲಾ ಜಾಗತ್‌ಲ್‌ ಚದ್‍ರ್‍ಚಿಟ್ಟತ್.

ಆದ್ಯತ್‌ರ ಪುಸ್ತಕ 11:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:10

ಶಿನಾರ್‌ ದೇಶತ್‌ಲ್‌ ಉಳ್ಳ ಬಾಬೇಲ್, ಯೆರೆಕ್, ಅಕ್ಕದ್, ಕಲ್‌ನೇ ಎಣ್ಣುವ ಪಟ್ಟಣತ್‌ಲೇ ಅಂವೊಂಡ ಆದ್ಯ ರಾಜ್ಯವಾಯಿತಿಂಜತ್.

ಆದ್ಯತ್‌ರ ಪುಸ್ತಕ 10:20

ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ.

ಆದ್ಯತ್‌ರ ಪುಸ್ತಕ 10:25

ಎಬರಂಗ್‌ ದಂಡ್‌ ಕ್‌ಣ್ಣ ಮಕ್ಕ ಪುಟ್ಟ್‌ಚಿ. ಒಬ್ಬಂಗ್‌ ಪೆಲೆಗ ಎಣ್ಣುವ ಪೆದ; ಅಂವೊಂಡ ಕಾಲತ್‌ಲ್‌ ಬೂಮಿಲ್‌ ಇಂಜ ಜನಾಂಗ ಬೋರೆ ಬೋರೆ ಆಚಿ. ಅಂವೊಂಡ ತಮ್ಮಣಂಡ ಪೆದ ಯೊಕ್ತಾನ್.

ಆದ್ಯತ್‌ರ ಪುಸ್ತಕ 10:5

ಈಂಗಡ ಸಂತಾನತ್‌ಂಜ ಕಡಕರೆರ ಜನ ಪಬ್ಬ್‌ಚಿ. ಈಂಗಳೇ ಯೆಫೆತ್‌ರ ಸಂತಾನಕಾರ, ಅಯಿಂಗಯಿಂಗಡ ಬಾಷೆರೆ, ಒಕ್ಕತ್‌ರ ಪಿಂಞ ದೇಶತ್‌ರ ಪ್ರಕಾರ ವಾಸ ಮಾಡಿಯಂಡಿಂಜತ್.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

1 ಕೊರಿಂಥ 14:23

ಆನಗುಂಡ್, ನಿಂಗ ಸಬೇಲ್ ಆರಾದನೆಕ್ ಕೂಡಿ ಬಪ್ಪಕ, ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡಿಂಜತೇಂಗಿ, ಪೊರಮೆ ಉಳ್ಳ ಜನ, ಅಥವ ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ದಾರಾಚೇಂಗಿ ಒಳ್‍ಕ್ ಬಾತೇಂಗಿ, ಅಯಿಂಗ ನಿಂಗಳ ಪುಚ್ಚ್ ಪುಡ್‌ಚಯಿಂಗಾಂದ್ ಎಣ್ಣುವ ಅಲ್ಲ?