ಆದ್ಯತ್‌ರ ಪುಸ್ತಕ 11:7 - ಕೊಡವ ಬೈಬಲ್

⁷ ಬಾರಿ, ನಂಗ ಪೋಯಿತ್‌ ಅಯಿಂಗಡಲ್ಲಿ ಒಬ್ಬಂಡ ತಕ್ಕ್‌ ಇಂಞೊಬ್ಬಂಗ್‌ ಅರ್ತ ಆಕತನೆಕೆ ಅಯಿಂಗಡ ಬಾಷೆನ ತಾರಮಾರ ಮಾಡನಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 11:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:26

ಅಲ್ಲಿಂಜ ದೇವ: ನಂಗಡನೆಕೆ, ನಂಗಡ ರೂಪತ್‌ಲ್‌ ಮನುಷ್ಯನ ಉಂಡ್‌ ಮಾಡನ. ಅಯಿಂಗ ಕಡಲ್‌ಲ್‌ ಉಳ್ಳ ಪ್ರಾಣಿಯ ಪಿಂಞ ಮೀನ್‌ರ ಮೇಲೆ, ಬಾನತ್‌ಲ್‌ ಪಾರುವ ಪಕ್ಷಿಯಡ ಮೇಲೆ ಎಲ್ಲಾ ಚಾಕ್‌ ಪಿಂಞ ಕಾಡ್‌ ಪ್ರಾಣಿಯಡ ಮೇಲೆ ಆಳ್‌ವಿಕೆ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 10:20

ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ.

ಆದ್ಯತ್‌ರ ಪುಸ್ತಕ 10:32

ಅಯಿಂಗಯಿಂಗಡ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಈಂಗಳೇ ನೋಹಂಡ ವಂಶಕಾರಂಗ. ಜಲಪ್ರಳಯ ಆನ ಪಿಂಞ ಬೂಮಿರ ಮೇಲೆ ಪಬ್ಬ್‌ನ ಜನಾಂಗ ಈಂಗಳೇ.

ಆದ್ಯತ್‌ರ ಪುಸ್ತಕ 10:5

ಈಂಗಡ ಸಂತಾನತ್‌ಂಜ ಕಡಕರೆರ ಜನ ಪಬ್ಬ್‌ಚಿ. ಈಂಗಳೇ ಯೆಫೆತ್‌ರ ಸಂತಾನಕಾರ, ಅಯಿಂಗಯಿಂಗಡ ಬಾಷೆರೆ, ಒಕ್ಕತ್‌ರ ಪಿಂಞ ದೇಶತ್‌ರ ಪ್ರಕಾರ ವಾಸ ಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 11:5

ಆಚೇಂಗಿ ಯೆಹೋವ, ಮನುಷ್ಯಂಗ ಕೆಟ್ಟಿಯಂಡ್‌ ಇಂಜ ಆ ಪಟ್ಟಣ ಪಿಂಞ ಗೋಪುರತ್‌ನ ಕಾಂಬಕ್‌ ಇಳ್‌ಂಜಿ ಬಾತ್.

ಆದ್ಯತ್‌ರ ಪುಸ್ತಕ 3:22

ಪಿಂಞ ಯೆಹೋವನಾನ ದೇವ: ಈ ಮನುಷ್ಯ ನಲ್ಲದ್‌ ಕೆಟ್ಟದ್‌ ಏದ್‍ೕಂದ್‌ ಗೊತ್ತಾಯಿತ್‌ ನಂಗಡನೆಕೆ ಆಯಿತಲ್ಲ. ಇಂಞು ಅಂವೊ ತಾಂಡ ಕೈ ನ್‍ೕಟಿತ್, ಆ ಜೀವ ತಪ್ಪ ಮರತ್‌ರ ಪಣ್ಣ್‌ನ ಕೊಜ್ಜಿತ್‌ ತಿಂದಿತ್‌ ಕಾಲಕಾಲಕು ಬದ್‌ಕ್‌ವಕ್ಕಾಗಾಂದ್‌ ಎಣ್ಣಿತ್,

ಆದ್ಯತ್‌ರ ಪುಸ್ತಕ 42:23

ಯೋಸೇಫ ಬಾಷಾಂತರ ಮಾಡುವ ಒಬ್ಬಂಡ ಮೂಲಕ ಅಯಿಂಗಡ ಕೂಡೆ ತಕ್ಕ್‌ ಪರ್‌ಂದಗುಂಡ್, ಅಯಿಂಗ ತಕ್ಕ್‌ ಪರ್‌ಂದಂಡುಳ್ಳದ್‌ ಯೋಸೇಫಂಗ್‌ ಅರ್ಥ ಆಪಾಂದ್‌ ಅಯಿಂಗಕ್‌ ಗೊತ್ತ್‌ಂಜ್‌ತ್‌ಲ್ಲೆ.

1 ಕೊರಿಂಥ 14:23

ಆನಗುಂಡ್, ನಿಂಗ ಸಬೇಲ್ ಆರಾದನೆಕ್ ಕೂಡಿ ಬಪ್ಪಕ, ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡಿಂಜತೇಂಗಿ, ಪೊರಮೆ ಉಳ್ಳ ಜನ, ಅಥವ ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ದಾರಾಚೇಂಗಿ ಒಳ್‍ಕ್ ಬಾತೇಂಗಿ, ಅಯಿಂಗ ನಿಂಗಳ ಪುಚ್ಚ್ ಪುಡ್‌ಚಯಿಂಗಾಂದ್ ಎಣ್ಣುವ ಅಲ್ಲ?