ಆದ್ಯತ್‌ರ ಪುಸ್ತಕ 10:32 - ಕೊಡವ ಬೈಬಲ್

³² ಅಯಿಂಗಯಿಂಗಡ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಈಂಗಳೇ ನೋಹಂಡ ವಂಶಕಾರಂಗ. ಜಲಪ್ರಳಯ ಆನ ಪಿಂಞ ಬೂಮಿರ ಮೇಲೆ ಪಬ್ಬ್‌ನ ಜನಾಂಗ ಈಂಗಳೇ.

ಆದ್ಯತ್‌ರ ಪುಸ್ತಕ 10:32 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:1

ನೋಹಂಡ ಮಕ್ಕ ಶೇಮ್, ಹಾಮ್, ಯೆಫೆತ್‌ರ ವಂಶತ್‌ರ ನೇಮ. ಜಲಪ್ರಳಯ ಆನ ಪಿಂಞ ಅಯಿಂಗಕ್‌ ದುಂಬ ಮಕ್ಕ ಪುಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 10:20

ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ.

ಆದ್ಯತ್‌ರ ಪುಸ್ತಕ 10:25

ಎಬರಂಗ್‌ ದಂಡ್‌ ಕ್‌ಣ್ಣ ಮಕ್ಕ ಪುಟ್ಟ್‌ಚಿ. ಒಬ್ಬಂಗ್‌ ಪೆಲೆಗ ಎಣ್ಣುವ ಪೆದ; ಅಂವೊಂಡ ಕಾಲತ್‌ಲ್‌ ಬೂಮಿಲ್‌ ಇಂಜ ಜನಾಂಗ ಬೋರೆ ಬೋರೆ ಆಚಿ. ಅಂವೊಂಡ ತಮ್ಮಣಂಡ ಪೆದ ಯೊಕ್ತಾನ್.

ಆದ್ಯತ್‌ರ ಪುಸ್ತಕ 10:31

ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ.

ಆದ್ಯತ್‌ರ ಪುಸ್ತಕ 10:5

ಈಂಗಡ ಸಂತಾನತ್‌ಂಜ ಕಡಕರೆರ ಜನ ಪಬ್ಬ್‌ಚಿ. ಈಂಗಳೇ ಯೆಫೆತ್‌ರ ಸಂತಾನಕಾರ, ಅಯಿಂಗಯಿಂಗಡ ಬಾಷೆರೆ, ಒಕ್ಕತ್‌ರ ಪಿಂಞ ದೇಶತ್‌ರ ಪ್ರಕಾರ ವಾಸ ಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 11:1

ಒರ್‌ ಕಾಲತ್‌ಲ್‌ ಈ ಲೋಕತ್‌ಲ್‌ ಇಂಜ ಜನ ಎಲ್ಲಾರು ಒರೇ ಬಾಷೆನ ಪಿಂಞ ತಕ್ಕ್‌ನ ಪರಿಯುವಯಿಂಜತ್.

ಆದ್ಯತ್‌ರ ಪುಸ್ತಕ 9:1

ಅಕ್ಕ ದೇವ ನೋಹನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಿತ್: ನಿಂಗ ಅಬಿವೃದ್ದಿ ಪೊಂದಿತ್, ನಿಂಗಡ ಸಂತಾನ ಬಲ್ಯದಾಯಿತ್, ಈ ಲೋಕತ್‌ನ ದುಂಬಿಚಿಡುವಿರ.

ಆದ್ಯತ್‌ರ ಪುಸ್ತಕ 9:19

ನೋಹಂಡ ಈ ಮೂಂದ್‌ ಕ್‌ಣ್ಣ ಮಕ್ಕಡಿಂಜಲೇ ಈ ಬೂಮಿರ ಮೇಲೆ ಎಲ್ಲಾ ಕಡೆಯೂ ಜನ ದುಂಬ್‌ಚಿ.

ಆದ್ಯತ್‌ರ ಪುಸ್ತಕ 9:7

ನಿಂಗ ಅಬಿವೃದ್ದಿ ಪೊಂದಿತ್‌ ದುಂಬಿತ್, ಬೂಮಿರ ಮೇಲೆ ನಿಂಗಡ ಸಂತಾನಕಾರಂಗ ದುಂಬ ಬೊಳೆಯಡ್‍ೕಂದ್‌ ಎಣ್ಣ್‌ಚಿ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.