ಆದ್ಯತ್‌ರ ಪುಸ್ತಕ 10:19 - ಕೊಡವ ಬೈಬಲ್

¹⁹ ಕಾನಾನ್‌ರ ಸೀಮೆ ಸೀದೋನ್‌ ಪಟ್ಟಣತ್‌ಂಜ ಗಾಜಾ ಪಟ್ಟಣತ್‌ರ ಬರಿಲ್‌ ಉಳ್ಳ ಗೆರಾರಿಕತ್ತನೆ ಪಿಂಞ ಸೊದೋಮ್, ಗೊಮೋರ, ಅದ್ಮಾ, ಪಿಂಞ ಲೆಷಾಕಕ್‌ ಪಕ್ಕತುಳ್ಳ ಚೆಬೋಯಿಮ್‌ ಎಣ್ಣ್‌ವ ಪಟ್ಟಣಕತ್ತನೆ ಇಂಜತ್.

ಆದ್ಯತ್‌ರ ಪುಸ್ತಕ 10:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:18

ಅರ್ವಾದಿಯರ್‌ಂಗ, ಚೆಮಾರಿಯರ್‌ಂಗ, ಹಮಾತಿಯರ್‌ಂಗ ಕಾನಾನ್‌ಂಜ ಪುಟ್ಟ್‌ನಯಿಂಗ. ಬಯ್ಯ ಈ ಕಾನಾನ್‌ ವಂಶಕಾರಂಗ ಎಲ್ಲಾ ಕಡೆಕು ಪಬ್ಬ್‌ಚಿ.

ಆದ್ಯತ್‌ರ ಪುಸ್ತಕ 10:20

ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ.

ಆದ್ಯತ್‌ರ ಪುಸ್ತಕ 14:2

ಈ ನಾಲ್‌ ರಾಜಂಗಳು ಇಕ್ಕ ಉಪ್ಪ್‌ರ ಕಡಲ್‌ ಆಯಿತುಳ್ಳ ಸಿದ್ದೀಮ್‌ ತಗ್ಗ್‌ಲ್‌ ಕೂಡ್‌ನ ಸೊದೋಮ್ರ ರಾಜನಾನ ಬೆರಗ, ಗೊಮೋರ್‌ ರಾಜನಾನ ಬಿರ್ಶಗ, ಅದ್ಮಾಹದರ ರಾಜನಾನ ಶಿನಾಬ, ಚೆಬೋಯೀಮಿನ ರಾಜನಾನ ಶೆಮೇಬರ, ಬೇಲಗಿರ ಎಣ್ಣ್‌ಚೇಂಗಿ ಚೋಗರಂಡ ರಾಜ, ಈಂಗಡ ಕೂಡೆ ಯುದ್ದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 18:20

ಇದಲ್ಲತೆ ಯೆಹೋವ: ಸೊದೋಮ್‌ ಗೊಮೋರತ್‌ರ ಜನ ಬಾರೀ ಮೋಸವಾನಯಿಂಗಾಂದು, ಅಯಿಂಗಡ ಪಾಪ ಬಾರಿ ಕ್ರೂರವಾನದ್‍ೕಂದು ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 20:1

ಅಬ್ರಹಾಮ ಆ ಜಾಗತ್‌ನ ಬುಟ್ಟಿತ್, ತೆಕ್ಕ್‌ ಸೀಮೆಲ್‌ ಉಳ್ಳ ನೆಗೆವ್‌ ಎಣ್ಣುವ ಜಾಗಕ್‌ ಪೋಪಕ್‌ ಪ್ರಯಾಣ ಮಾಡಿತ್, ಕಾದೇಶಿಕು ಶೂರುಕು ಮದ್ಯತ್‌ಲ್‌ ವಾಸಮಾಡ್‌ಚಿ. ಚೆನ್ನಕಾಲ ಗೆರಾರಿ ಎಣ್ಣುವ ಬಲ್ಯ ಊರಲ್‌ ಇಂಜತ್.

ಆದ್ಯತ್‌ರ ಪುಸ್ತಕ 26:1

ಅಬ್ರಹಾಮಂಡ ಕಾಲತ್‌ಲ್‌ ಉಂಟಾನ ಬರಗಾಲ ಅಲ್ಲತೆ ಇಂಞೋರ್‌ ಬರಗಾಲ ಕಾನಾನ್‌ ದೇಶತ್‌ಲ್‌ ಉಂಟಾಚಿ. ಅಕ್ಕ ಇಸಾಕ ಫಿಲಿಷ್ಟಿಯರಡ ರಾಜನಾನ ಅಬೀಮೆಲೆಕಂಡ ಪಕ್ಕ ಗೆರಾರ್‌ಕ್‌ ಪೋಚಿ.

ಅಪೊಸ್ತಲ 8:26

ಪಿಂಞ, ಒರ್ ದಿವಸ ಒಡೆಯಂಡ ದೂತ ಫಿಲಿಪ್ಪಂಗ್: ನೀನ್ ದಕ್ಷಿಣ ದಿಕ್ಕ್‌ಲ್, ಯೆರೂಸಲೇಮ್ಂಜ ಗಾಜ ಪಟ್ಟಣಕ್ ಪೋಪ ಮಣಬೂಮಿರ ಬಟ್ಟೇಲ್ ಪೋಂದ್ ಎಣ್ಣ್‌ಚಿ.