ಆದ್ಯತ್‌ರ ಪುಸ್ತಕ 1:27 - ಕೊಡವ ಬೈಬಲ್

²⁷ ಅನ್ನನೆ ದೇವ ಮನುಷ್ಯನ ತಾಂಡ ರೂಪತ್‌ಲ್‌ ಸೃಷ್ಟಿ ಮಾಡ್‌ಚಿ. ದೇವಡ ರೂಪತ್‌ಲ್‌ ಅಂವೊನ ಸೃಷ್ಟಿ ಮಾಡ್‌ಚಿ. ಅಯಿಂಗಳ ಆಣಾಳ್‌ ಪೊಣ್ಣಾಳಾಯಿತ್‌ ಸೃಷ್ಟಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 1:27 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:18

ಅಲ್ಲಿಂಜ ಯೆಹೋವನಾನ ದೇವ: ಮನುಷ್ಯ ಒಂಟಿಯಾಯಿತ್‌ ಇಪ್ಪದ್‌ ನಲ್ಲದಿಲ್ಲೆ. ಅಂವೊಂಗ್‌ ಸರಿಯಾನ ಜೊತೆಗಾರ್ತಿನ ಮಾಡ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 2:7

ಅಲ್ಲಿಂಜ ಯೆಹೋವನಾನ ದೇವ ನೆಲತ್‌ರ ಮಣ್ಣ್‌ಂಜ ಮನುಷ್ಯನ ರೂಪ್‌ಚಿಟ್ಟಿತ್‌ ಅಂವೊಂಡ ಮೂಕ್‌ಲ್ ತಾಂಡ ಜೀವ ಶ್ವಾಸತ್‌ನ ಊದ್ವಕ, ಆ ಮನುಷ್ಯ ಒರ್‌ ಜೀವವುಳ್ಳ ಮನುಷ್ಯನಾಚಿ.

ಆದ್ಯತ್‌ರ ಪುಸ್ತಕ 9:6

ದೇವ ಮನುಷ್ಯನ ತಾಂಡ ರೂಪತ್‌ಲ್‌ ಸೃಷ್ಟಿ ಮಾಡ್‍ನಗುಂಡ್, ಒರ್‌ ಮನುಷ್ಯ ಇಂಞೊರ್‌ ಮನುಷ್ಯನ ಕೊಂದತೇಂಗಿ, ಅಂವೊಂಡ ಜೀವ ಸಹ ಒರ್‌ ಮನುಷ್ಯಂಡ ಕೈಯಿಂಜಲೆ ಪೋಪ.

ಮಲಾಕಿ 2:15

ಒಡೆಯನಾನ ಯೆಹೋವ ನಿನ್ನ ಪಿಂಞ ನೀಡ ಪೊಣ್ಣ್‌ನ ಒಂದಾಯಿತ್‌ ಮಾಡ್‌ಚಲ್ಲಾ? ತಡಿಲ್‌ ಪಿಂಞ ಆತ್ಮತ್‌ಲ್‌ ನಿಂಗ ಅಂವೊಂಗ್‌ ಸ್ವಂತವಾನಯಿಂಗ. ಅಂವೊಂಗ್‌ ಎಂತ ಬೋಂಡು? ನಿಂಗ ಒಂದಾಯಿತ್‌ ಕೂಡಿತ್‌ ನಿಂಗಡಯಿಂಜ ದೇವಡ ಪೋಡಿ ಉಳ್ಳ ಮಕ್ಕಳ ಪುಟ್ಟ್‌ಚಿಡುವದ್‌ ತಾನೆ ಅಂವೊಂಗ್‌ ಬೋಂಡು. ಆನಗುಂಡ ನಿಂಗ ದಾರೂ ತಾಂಡ ಪ್ರಾಯತ್‌ರ ಪೊಣ್ಣ್‌ಕ್ ದ್ರೋಹ ಮಾಡತೆ ನಿಂಗಡ ಆತ್ಮತ್‌ರ ವಿಷಯತ್‌ ಎಚ್ಚರ ಎಡತೊಳಿ.

ಮತ್ತಾಯ 19:4

ಅದ್ಂಗ್ ಯೇಸು: ದೇವ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ ಆಣಾಳ್ ಪೊಣ್ಣಾಳಾಯಿತ್ ಸೃಷ್ಟಿ ಮಾಡ್‍ಚಿ.

ಮಾರ್ಕ 10:6

ಆಚೇಂಗಿ ಆದಿಲ್ ಮನುಷ್ಯಂಗಳ ಸೃಷ್ಟಿ ಮಾಡ್‍ನಂವೊ ಅಯಿಂಗಳ ಆಣಾಳ್ ಪೊಣ್ಣಾಳಾಯಿತ್ ಸೃಷ್ಟಿ ಮಾಡ್‍ಚಿ.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಎಫೆಸ 4:24

ನೇರಾನ ನೀತಿಲು, ಪವಿತ್ರತ್‍ಲು, ದೇವಡ ರೂಪತ್‍ರನೆಕೆ ಸೃಷ್ಟಿ ಮಾಡ್‍ನ ಪುದಿಯ ಮನುಷ್ಯನ ಇಟ್ಟೊಳಿ.

ಕೊಲೊಸ್ಸೆ 1:15

ಅಂವೊ, ಕಾಂಬಕ್ ಕಯ್ಯತ ದೇವಡ ರೂಪವಾಯಿತು, ಎಲ್ಲಾ ಸೃಷ್ಟಿಕ್ ಆದ್ಯಂವೊನಾಯಿತು ಉಂಡ್.

ಕೊಲೊಸ್ಸೆ 1:26

ಈ ಸುದ್ದಿನ ಪಂಡ್ ಕಾಲತ್‍ಲ್ ಗುಟ್ಟಾಯಿತ್ ದುಂಬ ಸಂತಾನಕಾರಂಗಕ್ ಮುಚ್ಚಿತ್ ಬೆಚ್ಚಿತ್ಂಜತ್. ಆಚೇಂಗಿ ಇಕ್ಕ, ಅದ್‍ನ ದೇವಡ ಮಕ್ಕಕ್ ಕಾಂಬ್‍ಚಿಟ್ಟಿತುಂಡ್.

ಕೊಲೊಸ್ಸೆ 3:10

ಇಕ್ಕ ನಿಂಗ, ಒರ್ ಪುದಿಯ ಮನುಷ್ಯಂಡ ಗುಣತ್‍ನ ಇಟ್ಟಿತುಳ್ಳಿರ. ನಿಂಗಡಲ್ಲಿ ಈ ಪುದಿಯ ಮನುಷ್ಯನ ಸೃಷ್ಟಿ ಮಾಡ್‍ನ ದೇವ, ನಿಂಗ ಕ್ರಿಸ್ತನ ಪೂರ್ತಿಯಾಯಿತ್ ಅರಿಯಂಡೂಂದ್ ನಿಂಗಳ ಪುದಿಯದಾಯಿತ್ ಬದ್‍ಲ್ ಮಾಡಿಯಂಡ್ ಉಂಡ್.