ಆದ್ಯತ್‌ರ ಪುಸ್ತಕ 1:22 - ಕೊಡವ ಬೈಬಲ್

²² ಅಲ್ಲಿಂಜ ದೇವ: ನಿಂಗೆಲ್ಲಾರು ಫಲ ಕೊಡ್‌ತಿತ್‌ ಅಬಿವೃದ್ದಿ ಪೊಂದಿತ್, ಕಡಲ್‌ನ ದುಂಬಿರಿ. ಪಕ್ಷಿಯ ಬೂಮಿರ ಮೇಲೆ ದುಂಬಡ್‍ೕಂದ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 1:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:21

ಅನ್ನನೆ ದೇವ ಬಲ್ಯ ಬಲ್ಯ ಕಡಲ್‌ ಪ್ರಾಣಿಯಳ, ನೀರ್‌ಲ್‌ ದುಂಬಿತ್‌ ಓಡಾಡುವ ಎಲ್ಲಾ ಜಾತಿರ ನಾನಾತರತ್‌ರ ಪ್ರಾಣಿಯಳ ಪಿಂಞ ಎಲ್ಲಾ ನಾನಾ ತರತ್‌ರ ಪಕ್ಷಿಯಳ, ಪ್ರತಿ ಒರ್‌ ಪ್ರಾಣಿಯಡ ಸಂತಾನ ಬೊಳಿಯುವನೆಕೆ ಉಂಟ್ ಮಾಡ್‌ಚಿ. ದೇವ ಇದನ ನಲ್ಲದ್‍ೕಂದ್‌ ಕಂಡತ್.

ಆದ್ಯತ್‌ರ ಪುಸ್ತಕ 1:23

ಬಯಿಟ್ ಪೋಯಿತ್‌ ಪೊಲಾಕ ಆಪಕ, ಅದ್‌ ಅಂಜನೆ ದಿವಸವಾಚಿ.

ಆದ್ಯತ್‌ರ ಪುಸ್ತಕ 1:28

ಪಿಂಞ ದೇವ ಅಯಿಂಗಕ್: ನಿಂಗ ಬೂಮಿಲ್‌ ಫಲ ಕೊಡ್‌ತಿತ್, ಅಬಿವೃದ್ದಿ ಪೊಂದಿತ್‌ ಬೂಮಿನ ದುಂಬಿತ್‌ ಅದನ ಆಳ್‌ವಿಕೆ ಮಾಡಿ. ಕಡಲ್‌ಲ್‌ ಉಳ್ಳ ಎಲ್ಲಾ ಮೀನ್‌ರ ಮೇಲೆಯು, ಬಾನತ್‌ರ ಪಕ್ಷಿಯಡ ಮೇಲೆಯು ಪಿಂಞ ಬೂಮಿಲ್‌ ನಡ್‌ಪ ಎಲ್ಲಾ ಪ್ರಾಣಿಯಡ ಮೇಲೆಯು ಆಳ್‌ವಿಕೆ ಮಾಡೀಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 30:27

ಆಚೇಂಗಿ ಲಾಬಾನ: ನೀಡ ಕಣ್ಣ್‌ಲ್‌ ನಾಕ್‍ ದಯೆ ಕ್‌ಟ್ಟಿತುಂಡೇಂಗಿ ನನ್ನ ಬುಟ್ಟಿತ್‌ ಪೋಕತೆ. ನೀಡಗುಂಡ್‌ ಯೆಹೋವ ನನ್ನ ಆಶೀರ್ವಾದ ಮಾಡಿತುಂಡ್‍ೕಂದ್‌ ನಾಕ್‍ ಸೂಷ್ಮತ್‌ಲ್‌ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 30:30

ನಾನ್‌ ಬಪ್ಪಕ್‌ ಮಿಂಞ ನೀಡ ಪಕ್ಕ ಚೆನ್ನಂಗೇ ಇಂಜತ್. ನಾನ್‌ ಬಂದ ಪಿಂಞ ಯೆಹೋವ ನಿನ್ನ ಆಶೀರ್ವಾದ ಮಾಡ್‌ನಗುಂಡ್‌ ಅದ್‌ ದುಂಬ ಜಾಸ್ತಿ ಆಯಿತುಂಡ್. ಎಕ್ಕ ನಾನ್‌ ನಾಡ ಕುಟುಂಬಕಾಯಿತ್‌ ಸಂಪಾದನೆ ಮಾಡಡ್‍ೕಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 8:17

ನೀಡ ಕೂಡೆ ಉಳ್ಳ ಎಲ್ಲಾ ಪ್ರಾಣಿ, ಪಕ್ಷಿ, ಬೂಮಿರ ಮೇಲೆ ಪರ್ಪ ಎಲ್ಲಾ ಪ್ರಾಣಿಯಳ ಪೊರಮೆ ಬುಡ್. ಅಯಿಂಗ ಬೂಮಿರ ಮೇಲೆ ಅಯಿಂಗಡ ಸಂತಾನ ಬಲ್ಯದಾಯಿತ್, ಅಬಿವೃದ್ದಿ ಪೊಂದಿತ್, ಜಾಸ್ತಿ ಆಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 9:1

ಅಕ್ಕ ದೇವ ನೋಹನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಿತ್: ನಿಂಗ ಅಬಿವೃದ್ದಿ ಪೊಂದಿತ್, ನಿಂಗಡ ಸಂತಾನ ಬಲ್ಯದಾಯಿತ್, ಈ ಲೋಕತ್‌ನ ದುಂಬಿಚಿಡುವಿರ.

ಜ್ಞಾನತ್‌ರ ಪಡಿಮ 10:22

ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.