ಆದ್ಯತ್‌ರ ಪುಸ್ತಕ 1:1 - ಕೊಡವ ಬೈಬಲ್

¹ ಎಲ್ಲಾಕಿಂಜ ಮಿಂಞ ದೇವ ಬಾನತ್‍ನ ಪಿಂಞ ಬೂಮಿನ ಸೃಷ್ಟಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 1:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:4

ಯೆಹೋವ ಎಲ್ಲಾನ ತಾಂಗಾಯಿತ್‌ ಸೃಷ್ಟಿ ಮಾಡ್‌ಚಿ. ದುಷ್ಟನ ಸಹ ಕ್‍ೕಡ್‌ರ ದಿವಸಕಾಯಿತ್‌ ಉಂಟ್‌ಮಾಡ್‌ಚಿ.

ಜ್ಞಾನತ್‌ರ ಪಡಿಮ 3:19

ಯೆಹೋವ ಜ್ಞಾನತ್‌ಂಜ ಬೂಮಿಕ್‌ ಅಡಿಪಾಯ ಇಟ್ಟಿತ್, ಬುದ್ದಿಯಿಂಜ ಬಾನ ಮಂಡಲತ್‌ನ ಸ್ತಾಪನೆ ಮಾಡ್‌ಚಿ.

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮಾರ್ಕ 13:19

ದೇವ ಬೂಲೋಕತ್‍ನ ಸೃಷ್ಟಿ ಮಾಡ್‌ನಲ್ಲಿಂಜ ಇಕ್ಕಣೆಕೆ ಆಯಿತಿಲ್ಲತ, ಇಂಞು ಮಿಂಞಕು ಆಕತ ಅಚ್ಚಕ್ ಹಿಂಸೆ ಅಂದ್ ಆಪ.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 17:24

ಈ ಲೋಕತ್‍ನ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಬೂಲೋಕಕು ಪರಲೋಕಕು ಒಡೆಯನಾನಗುಂಡ್, ಮನುಷ್ಯಂಗಡ ಕೈಯಿಂಜ ಕೆಟ್ಟ್‌ನ ದೇವಸ್ತಾನತ್‍ಲ್ ವಾಸ ಮಾಡುಲೆ.

ಅಪೊಸ್ತಲ 4:24

ಅಯಿಂಗ ಅದ್‍ನ ಕ್‍ೕಟಿತ್, ಒರೇ ಮನಸ್ಸ್‌ಲ್ ದೇವನ ನೋಟಿತ್ ಜೋರಾಯಿತ್ ಪ್ರಾರ್ಥನೆ ಮಾಡ್‍ಚಿ. ಅಕ್ಕ ಅಯಿಂಗ: ಒಡೆಯನೇ, ಬೂಮಿ, ಬಾನ, ಸಮುದ್ರ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ದೇವ ನೀನ್.

ರೋಮ್ 11:36

ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

ಇಬ್ರಿಯ 1:10

ಒಡೆಯನೇ, ನೀನ್ ಆದ್ಯವಾಯಿತ್ ಈ ಲೋಕಕ್ ಅಡಿಪಾಯ ಇಟ್ಟಿಯ, ಬಾನತ್‍ನ ನೀಡ ಕೈಯಿಂಜ ಮಾಡಿಯಾಂದ್ ಸಹ ದೇವಡ ವಾಕ್ಯತ್‍ಲ್ ಎಣ್ಣಿತುಂಡ್;

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 11:3

ನಂಬಿಕೇರ ಮೂಲಕ, ದೇವ ಈ ಲೋಕತ್‍ನ ಅಂವೊಂಡ ತಕ್ಕ್‌ರ ಮೂಲಕ ಸೃಷ್ಟಿ ಮಾಡ್‌ಚೀಂದು, ಅನ್ನನೆ ನಂಗಡ ಕಣ್ಣ್‌ಕ್ ಕಾಂಬ ವಿಷಯವೆಲ್ಲ, ಕಣ್ಣ್‌ಕ್ ಕಾಂಬಕಯ್ಯುವ ವಿಷಯತ್‍ರಗುಂಡ್ ಮಾಡಿತ್‌ಲ್ಲೇಂದು ನಂಗಕ್ ಗೊತ್ತುಂಡ್.

ಇಬ್ರಿಯ 3:4

ಎನ್ನಂಗೆಣ್ಣ್‌ಚೇಂಗಿ, ಏದ್ ಮನೇಕು ಅದ್‍ನ ಕೆಟ್ಟ್‌ವಂವೊ ಒಬ್ಬ ಉಂಡ್, ಆಚೇಂಗಿ, ಎಲ್ಲಾನ ಕೆಟ್ಟ್‌ನಂವೊ ದೇವ ಒಬ್ಬನೇ.

2 ಪೇತ್ರ 3:5

ಆಚೇಂಗಿ, ಪಂಡ್ ಕಾಲತ್‍ಲ್ ದೇವ ಅಂವೊಂಡ ತಕ್ಕ್‌ರ ಮೂಲಕ ಬಾನತ್‍ನ ಮಾಡ್‍ಚೀಂದ್ ಪಿಂಞ ನೀರಿಂಜ ಈ ಬೂಮಿನ ಕೊಂಡ್ ಬಾತ್‍ೕಂದ್, ನೀರ್‌ಂಜಲೇ ಅದ್‍ನ ಬೋರೆ ಮಾಡ್‍ಚೀಂದ್ ಅಯಿಂಗ ಮರ್ಂದ್ ಪೋಚಿ.

1 ಯೋಹಾನ 1:1

ನಂಗ ನಿಂಗಕ್ ಒಳ್‍ದ್‍ವ ಜೀವತ್‍ರ ತಕ್ಕ್‌ರ ವಿಷಯ ಆದಿಯಿಂಜಲೆ ಬಂದದ್. ಅದ್‍ನ ನಂಗ ನಂಗಡ ಕೆಮಿಲ್ ಕ್‍ೕಟಿತ್ ಕಣ್ಣಾರೆ ಕಂಡಿತುಂಡ್; ಅಕ್ಕು, ನಂಗ ಅದ್‍ನ ನೋಟಿತ್, ನಂಗಡ ಕೈಯಿಂಜ ಮುಟ್ಟಿತುಂಡ್.

ಪ್ರಕಟನೆ 10:6

ಬಾನತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ, ಬೂಮಿನ ಪಿಂಞ ಅದ್‍ಲ್ ಉಳ್ಳದ್‍ನ, ಸಮುದ್ರತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ ಸೃಷ್ಟಿ ಮಾಡಿತ್, ಎಕ್ಕಾಲು ಬದ್‍ಕಿಯಂಡ್ ಇಪ್ಪಂವೊಂಡ ಮೇಲೆ ಆಣೆ ಇಟ್ಟಿತ್ ಇನ್ನನೆ ಎಣ್ಣ್‌ಚಿ.

ಪ್ರಕಟನೆ 14:7

ಅಂವೊ: ನಿಂಗೆಲ್ಲಾರು ದೇವಕ್ ಬೊತ್ತಿತ್, ಅಂವೊಂಗ್ ಮಹಿಮೆ ಕೊಡ್‍ಪಿರ; ಎನ್ನಂಗೆಣ್ಣ್‌ಚೇಂಗಿ ದೇವ ನ್ಯಾಯತೀರ್ಪ್ ಮಾಡ್‌ವ ಸಮಯ ಬಾತ್. ಬಾನತ್‍ನ, ಬೂಲೋಕತ್‍ನ, ಸಮುದ್ರತ್‍ನ ಪಿಂಞ ನೀರ್‌ರ ಬುಗ್ಗೆಯಳ ಸೃಷ್ಟಿ ಮಾಡ್‌ನಂವೊನ ಆರಾದನೆ ಮಾಡ್‌ವಿರಾಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 21:6

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಎಲ್ಲಾ ತ್‍ೕಂದತ್, ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಆಕೀರಾಯಿತು ಉಳ್ಳ. ಬಾಯರಿಕೆಲ್ ಉಳ್ಳಂವೊಂಗ್, ಜೀವತ್‍ರ ಜಲ ನೀರ್‍ಯಿಂಜ ನಾನ್ ಇನಾಮಾಯಿತ್ ನೀರ್‌ನ ಕುಡಿಪಕ್ ತಪ್ಪಿ.

ಪ್ರಕಟನೆ 22:13

ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಅಂತ್ಯವಾಯಿತು ಉಳ್ಳ.

ಪ್ರಕಟನೆ 3:14

ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 4:11

ನಂಗಡ ಒಡೆಯನಾನ ದೇವನೇ, ಮಹಿಮೆನ, ಗನತ್‍ನ, ಶಕ್ತಿನ ಪಡೆಯುವಕ್ ಯೋಗ್ಯನಾಯಿತುಳ್ಳಿಯ. ನೀನೇ ಎಲ್ಲಾನ ಸೃಷ್ಟಿ ಮಾಡಿಯ, ನೀಡ ಚಿತ್ತತ್‍ರನೆಕೆ ಎಲ್ಲಾ ಸೃಷ್ಟಿ ಆಯಿತ್ ನಿಂದಂಡುಂಡ್‍ೕಂದ್ ಎಣ್ಣ್‌ಚಿ.