ಗಲಾತ್ಯ 6:6 - ಕೊಡವ ಬೈಬಲ್

⁶ ಅದಲ್ಲತೆ, ಬೋದನೆನ ಕ್‍ೕಪಯಿಂಗ, ದೇವಡ ವಾಕ್ಯತ್‍ನ ಬೋದನೆ ಮಾಡ್‍ನಯಿಂಗಕ್ ಅಯಿಂಗಡ ಎಲ್ಲಾ ನಲ್ಲದ್ಂಜ ಪಾಲ್ ಮಾಡಂಡು.

ಗಲಾತ್ಯ 6:6 ပူးပေါင်းရင်းမြစ်များ

ಮತ್ತಾಯ 10:10

ಪ್ರಯಾಣಕಾಯಿತ್ ಒರ್ ಚೀಲ ಆಡ್, ದಂಡ್ ಕೋಟ್ ಆಡ್, ಎಕ್ಕಡ ಆಡ್, ಕೋಲ್ ಆಡ್, ಒಂದನೂ ಎಡ್‍ಕತಿ. ಒರ್ ಕೆಲಸಕಾರಂಗ್ ಎಂತ ಬೋಂಡ್‌ವೋ ಅದ್‍ನ ಜನ ಕೊಡ್‍ಕಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:4

ನಿಂಗಕ್ ಉಪದೇಶ ಮಾಡ್‍ನ ವಿಷಯವೆಲ್ಲ ಸತ್ಯಾಂದ್ ನಿಂಗಕ್ ದೃಡವಾಯಿತ್ ಗೊತ್ತಾಪಕಾಯಿತ್ ನಾನ್ ಇದ್‍ನ ಮಾಡಿಯಂಡುಳ್ಳ.

ರೋಮ್ 15:27

ಇನ್ನನೆ ಮಾಡ್‍ವದ್ ನಲ್ಲದ್‍ೕಂದ್ ಅಯಿಂಗ ಗೇನಮಡ್‍ಚಿ; ಇನ್ನನೆ ಮಾಡ್‌ವಕ್ ಅಯಿಂಗಕ್ ಜವಾಬ್ದಾರಿಯು ಉಂಡ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯ ಅಲ್ಲತಯಿಂಗ ಯೆಹೂದ್ಯಂಗಡ ಆತ್ಮೀಯ ಆಶೀರ್ವಾದತ್‍ಲ್ ಪಾಲ್‍ದಾರಂಗಳಾಯಿತ್‌ಪ್ಪಕ, ಲೋಕತ್‍ರ ಆಶೀರ್ವಾದತ್‍ಲ್ ಅಯಿಂಗಕ್ ಪಾಲ್ ಮಾಡ್‌ವಕ್ ಜವಾಬ್ದಾರಿ ಉಂಡಲ್ಲ?

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.